ଗତକାଲି ବିବାହ ବନ୍ଧନରେ ବାନ୍ଧି ହୋଇ ସାରିଛନ୍ତି ଆପଣଙ୍କର ପ୍ରିୟ ମି ପୁଚ୍ ପୁଚ୍ ଓରଫ ଇତିକା ପ୍ରିୟଦର୍ଶିନୀ ପତି । ମି ପୁଚ୍ ପୁଚ୍ କାମେଡି ମାଧ୍ୟମରେ ସେ ସାରା ଓଡିଶାରେ ନିଜର ଏକ ସ୍ଵତନ୍ତ୍ର ପରିଚୟ ସୃଷ୍ଟି କରି ପାରିଛନ୍ତି । କମେଡିଆନ ପରିବାରରେ ଜନ୍ମ ହୋଇଥିବା ଇଟିକା ନିଜେ ଭଲ କମେଡି କରିବା ସାଙ୍ଗକୁ ଜଣେ ମେଣ୍ଟାଲ ହେଲଥ କାଉନସେଲର ମଧ୍ୟ । ବର୍ତ୍ତମାନ ସେ ଏକ କଲେଜରେ ପ୍ରଫେସର ଭାବେ କାର୍ଯ୍ୟରତ ଅଛନ୍ତି ।
ତେବେ ସବୁଠୁ ଖୁସିର କଥା ହେଉଛି, ଇତିକା ଯେଉଁ ଘରକୁ ବୋହୂ ହୋଇ ଯାଇଛନ୍ତି ସେହି ଘରର ସଦସ୍ୟ ମଧ୍ୟ କମେଡି ସହ ଓତଃପ୍ରୋତ ଭାବେ ଜଡିତ । ଅନ୍ଯତମ ଓଡିଆ କଳାକାର ତଥା ହାସ୍ୟ ଅଭିନେତା ଅରବିନ୍ଦ ଷଡଙ୍ଗୀଙ୍କ ପୁଅଙ୍କୁ ବିବାହ କରିଛନ୍ତି ମି ପୁଚ୍ ପୁଚ୍ । କିଛିଦିନ ତଳେ ହଠାତ ଇତିକାଙ୍କ ନିର୍ବନ୍ଧ କଥା ସାମ୍ନାକୁ ଆସିଥିଲା । ଇତିକା ଖୁବ ଶୀଘ୍ର ବିବାହ କରିବାକୁ ଯାଉଛନ୍ତି ବୋଲି ମଧ୍ୟ କହିଥିଲେ ।
ଅପେକ୍ଷାର ଅନ୍ତ ହୋଇଛି ଆଉ ଇତିକା ସବୁଦିନ ପାଇଁ ଷଡଙ୍ଗୀ ଘରର ବୋହୂ ହୋଇ ଯାଇଛନ୍ତି । ତେବେ ଇତିକା ବାପା ନିରଞ୍ଜନ ପତିଙ୍କ ପାଖରେ ଖୁବ ଅଳିଅଝଟ ଓ ଗେହ୍ଲା ହୋଇ ବଡ ହୋଇଛନ୍ତି । ସେ ତାଙ୍କ ବାପାଙ୍କୁ ବହୁତ ଭଲପାଆନ୍ତି ବୋଲି ସବୁବେଳେ କୁହନ୍ତି । ବାହାଘରକୁ ନେଇ ସେ ଯେତିକି ଖୁସି ଅଛନ୍ତି ତାଙ୍କ ବାପଘର ଛାଡି ଶାଶୁଘର ଯିବାକୁ ସେତିକି ଦୁଃଖିତ ଥିବା ମଧ୍ୟ ଦେଖିବାକୁ ମିଳିଛି ।
ଏହାର ଏକ ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଘୁରି ବୁଲୁଛି । ବୈଦିକ ରୀତିନୀତିରେ ଇତିକାଙ୍କ ବିବାହ ପରେ ସେ ବିଦାୟ ପୂର୍ବରୁ ବାପଘରେ ଭୋଜନ କରୁଛନ୍ତି । ତାଙ୍କ ସହ ତାଙ୍କ ସ୍ଵାମୀ ମଧ୍ୟ ବସିଥିବା ଦେଖିବାକୁ ମିଳୁଛି । ଇତିକାଙ୍କ ସମ୍ପର୍କୀୟମାନେ ଉଭୟଙ୍କୁ ଖୁଆଇ ଦେଉଥିବା ବେଳେ ଇତିକା ବେଶ ଭାବୁକ ହୋଇ ପଡ଼ୁଛନ୍ତି । ଶାଶୁଘର ଚାଲିଯିବେ କହି ମି ପୁଚ୍ ପୁଚ୍ ଆଖିରୁ ଲୁହ ଗଡାଇ କାନ୍ଦୁଥିବା ଦେଖିବାକୁ ମିଳିଛି ।
ସବୁବେଳେ ହସ ହସ ହସ ମୁହଁରେ ସମସ୍ତଙ୍କୁ ହସାଉଥିବା ମି ପୁଚ୍ ପୁଚ୍ ଙ୍କୁ ପ୍ରଥମ ଥର ପାଇଁ କାନ୍ଦିବାର ଦେଖିବାକୁ ମିଳିଛି । ତାଙ୍କ ସହ ସମ୍ପର୍କୀୟ ଏବଂ ଭାଇ ମଧ୍ୟ ଇତିକାଙ୍କ ବିଦାୟ ପୂର୍ବରୁ ଖୁବ ଜୋରରେ କାନ୍ଦୁଥିବାର ଦେଖିବାକୁ ମିଳିଛି । ଯାହାକି ତାଙ୍କ ପ୍ରଶଂସକଙ୍କୁ ମଧ୍ୟ ବେଶ ଭାବୁକ କରିଦେଉଛି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।