ପୁଣି ଥରେ ସାମ୍ନାକୁ ଆସିଛନ୍ତି ତିର୍ତ୍ତୋଳ ବିଧାୟକ ବିଜୟଶଙ୍କର ଦାସଙ୍କ ବାନ୍ଧବୀ ସୋମାଲିକା ଦାଶ । ଗତ 9 ମାସ ତଳେ ପ୍ରଥମ ଥର ପାଇଁ ସେ ବିଜୟଶଙ୍କରଙ୍କ ନାଁରେ ଅଭିଯୋଗ ଆଣିଥିଲେ । ବିଜୟଶଙ୍କର ତାଙ୍କୁ ବିବାହ ପ୍ରତିଶ୍ରୁତି ଦେଇ ତାଙ୍କ ସହ ଶା-ରୀ-ରି-କ ସମ୍ପର୍କ ରଖିବା ସତ୍ତ୍ୱେ ତାଙ୍କୁ ବିବାହ କରିବାକୁ ରାଜି ହେଉ ନଥିବା କହିଥିଲେ ସୋମାଲିକା । ବିଜୟଶଙ୍କର ଅନ୍ୟ ଯୁବତୀଙ୍କ ସହ ସମ୍ପର୍କ ଥିବା କଥା ମଧ୍ୟ ସେ କହିଥିଲେ । ଏହାସହ ରାଜନୀତିରେ ମଧ୍ୟ ବିଜୟଶଙ୍କର କିଛି ଅନୈତିକ କାର୍ଯ୍ୟ କରୁଥିବା କଥା ସେ ଖୁଲାସା କରିଥିଲେ ।
ସୋମାଲିକାଙ୍କ ଅଭିଯୋଗ ସତ୍ତ୍ୱେ ବିଜୟଶଙ୍କରଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ନିଆଯାଇ ନାହିଁ । ଦୀର୍ଘ 9 ମାସ ବିତିବା ପରେ ଗତ 20 ଦିନ ତଳେ ଯାଇ ବିଜୟଶଙ୍କରଙ୍କ ନାଁରେ ମାମଲା ରୁଜୁ ହୋଇଛି । ହେଲେ ମାମଲା ରୁଜୁ କରା ଯାଇଥିଲେ ସୁଦ୍ଧା ତାଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ନିଆଯାଇ ନାହିଁ । ସୋମାଲିକା ଇତି ମଧ୍ୟରେ କୋର୍ଟ କଚେରୀ ଓ ଥାନା ଦୌଡି ଦୌଡି ହାଲିଆ ହୋଇଗଲେଣି । ତେବେ ଶେଷରେ ବାଧ୍ୟ ହୋଇ ନ୍ୟାୟ ପାଇଁ ବିରୋଧୀ ଦଳ ନେତାଙ୍କ ସାହାଯ୍ୟ ଲୋଡିଛନ୍ତି ସୋମାଲିକା ।
ଆଜି ସେ ଜଣେ ବିରୋଧୀ ଦଳର ନେତାଙ୍କୁ ଭେଟିବାକୁ ଯାଇଥିବା ଦେଖିବାକୁ ମିଳିଛି । ଉକ୍ତ ନେତାଙ୍କୁ ଭେଟିବା ପରେ ସେ ନିଶ୍ଚୟ ତାଙ୍କୁ ନ୍ୟାୟ ଦେବାରେ ସାହାଯ୍ୟ କରିବେ ବୋଲି ସୋମାଲିକା କହିଛନ୍ତି । ସୋମାଲିକାଙ୍କ ଅଭିଯୋଗ ଅନୁଯାୟୀ, ତାଙ୍କ ପାଖରେ ବିଧାୟକ ବିଜୟଶଙ୍କର ବିରୋଧରେ ସମସ୍ତ ପ୍ରକାରର ପ୍ରମାଣ ରହିଛି ।
ହେଲେ ସବୁ ପ୍ରମାଣ ଥିବା ସତ୍ତ୍ୱେ ବିଜୟଶଙ୍କର ରୁଲିଂ ପାର୍ଟିର ସଦସ୍ୟ ହୋଇଥିବାରୁ ତାଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ନିଆ ଯାଉନାହିଁ । ଆଉ ସୋମାଲିକାଙ୍କୁ ପୋଲିସ ଆଉ କୋର୍ଟ ଚକ୍କର କାଟିବାକୁ ପଡୁଛି । ସେ ଦେଇଥିବା ଏତଲା ପଞ୍ଜୀକୃତ କରିବା ପାଇଁ କେବଳ 9 ମାସ ସମୟ ଲଗେଇ ଦେଲେ । ଆଉ ଏବେ ଏତଲା ରୁଜୁ ହେବା ପରେ ବି ଖୁଲମଖୁଲା ବୁଲୁଛନ୍ତି ବିଜୟଶଙ୍କର । ସେଥିପାଇଁ ସୋମାଲିକା ଶେଷରେ ବାଧ୍ୟ ହୋଇ ବିରୋଧୀ ଦଳର ନେତାଙ୍କୁ ଭେଟି ନିଜ ସମସ୍ଯା ଜଣାଇବା ସହ ସାହାଯ୍ୟ ଭିକ୍ଷା କରିଛନ୍ତି ।
ସୋମାଲିକାଙ୍କ କଥା ବିଧାନସଭାରେ ଉଠା ଯାଉ ବୋଲି ସେ ଅନୁରୋଧ କରିଛନ୍ତି । ଆଉ ସୋମାଲିକାଙ୍କ ବିଶ୍ବାସ ଯେ ବିରୋଧୀ ଦଳର ନେତାଜଣକ ତାଙ୍କୁ ନିଶ୍ଚିତ ଭାବେ ସାହାଯ୍ୟ କରିବେ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।