ବଲିଉଡର ଅନ୍ଯତମ ଲୋକପ୍ରିୟ ଗାୟକ କ୍ରୀଷ୍ଣକୁମାର କୁନାଥ ଅର୍ଥାତ କେକେ ଙ୍କ ମୃତ୍ୟୁ ଖବର ଆସିବା ପରେ ବଲିଉଡ ଜଗତରେ ଶୋକର ଛାୟା ଖେଳିଯାଇଛି । ତାଙ୍କ ମୃତ୍ୟୁ ପୂର୍ବରୁ ସେ କଲିକତାରେ ଏକ ଷ୍ଟେଜ ଶୋ କରୁଥିଲେ, ଆଉ ସେହି ସମୟରେ କେକେ ହଠାତ ଅସୁସ୍ଥ ହୋଇ ପଡିଥିଲେ । ଏବେ ସେହି ସମୟର ଏକ ଛୋଟ ଭିଡିଓ ଫୁଟେଜ ସାମ୍ନାକୁ ଆସିଛି । ଭିଡିଓରେ ଦେଖିବାକୁ ମିଳୁଛି କି, ବଲିଉଡ ଗାୟକ କେକେ ଷ୍ଟେଜରେ ଗୀତ ଗାଉଛନ୍ତି, ଆଉ ଗୀତ ଗାଇବା ପରେ ସହଯୋଗୀଙ୍କୁ ମାଇକ ଦେଉଛନ୍ତି ।
ଏହି ସମୟରେ କେକେ ଅସୁସ୍ଥ ମନେ କରୁଥିବା ନଜର ଆସିଛି । ଖବର ଅନୁସାରେ କେକେ ଷ୍ଟେଜ କରୁଥିବା ସ୍ଥାନରେ ଏସି ଚାଲୁ ନଥିବାରୁ ସେ ରୁମାଲ ବାହାର କରି ବାରମ୍ବାର ମୁହଁରୁ ଝାଳ ପୋଛୁଥିଲେ । କିଛି ସମୟ ଗୀତ ଗାଇବା ପରେ ଅସୁସ୍ଥ ଅନୁଭବ କରିବାରୁ ସେ ସାଙ୍ଗେ ସାଙ୍ଗେ ମାଇକ ଦେଇ ସହଯୋଗୀଙ୍କ ସହ ଷ୍ଟେଜରୁ ବାହାରକୁ ଚାଲି ଯାଇଥିଲେ । କୁହାଯାଉଛି କି ଆୟୋଜନ ସ୍ଥଳରେ ଏସି ଠିକ ଭାବେ ଚାଲୁ ନଥିଲା ଏବଂ ସେଠାରେ ଆବଶ୍ୟକ ଠାରୁ ଅଧିକ ସଂଖ୍ୟକ ଲୋକ ଜମା ହୋଇଥିଲେ ।
କେକେଙ୍କ ମୃତ୍ୟୁ ଘଟଣାକୁ ନେଇ କଲିକତା ପୋଲିସ ବର୍ତ୍ତମାନ ଆୟୋଜକଙ୍କୁ ପଚରା ଉଚରା କରୁଛି । କେକେ ଅସୁସ୍ଥ ହେବା ପରେ ତାଙ୍କୁ କଲିକତା ମେଡିକାଲ ରିସର୍ଚ୍ଚ ଇନଷ୍ଟିଚ୍ୟୁଟ ହସ୍ପିଟାଲରେ ଭର୍ତ୍ତି କରା ଯାଇଥିଲା । କିନ୍ତୁ ସେଠାରେ ଡାକ୍ତର ତାଙ୍କୁ ମୃତ ଘୋଷିତ କରିଥିଲେ । ଆୟୋଜନ ସ୍ଥଳରେ ଏସି ଚାଲୁ ନଥିବାରୁ ପ୍ରବଳ ଗରମ ହେଉଥିଲା ଓ ଗୀତ ଗାଉଥିବା ବେଳେ କେକେ ବାରମ୍ବାର ଝାଳ ପୋଛୁଥିଲେ ।
ଏହାସହ ଆୟୋଜନ ସ୍ଥଳରେ ଆବଶ୍ୟକତା ଠାରୁ ଅଧିକ ଲୋକ ରହିବା ମଧ୍ୟ ନିୟମର ଖିଲାପ ଅଟେ । ଆୟୋଜକଙ୍କର ଏପରି ଅବ୍ୟବସ୍ଥାକୁ ନେଇ ଏବେ ପ୍ରଶ୍ନ ଉଠୁଛି । କେଉଁ ପରିସ୍ଥିତିରେ କେକେ ଙ୍କର ମୃତ୍ୟୁ ହେଲା ଏହାକୁ ନେଇ ଏବେ ପୋଲିସ ତଦନ୍ତ ଆରମ୍ଭ କରିଛି । ଅନ୍ୟପଟେ ଜାତୀୟ ଗଣମାଧ୍ୟମର ସୂଚନା ଅନୁଯାୟୀ କେକେଙ୍କ ଶରୀର ଓ ମୁହଁରେ କ୍ଷତ ଚିହ୍ନ ରହିଛି ।
କ୍ଷତଚିହ୍ନ କେମିତି ଓ କେଉଁ ପରିସ୍ଥିତିରେ ହୋଇଛି ପୋଲିସ ତା’ର ଖୋଳତାଡ କରୁଛି । କେକେ ଯେଉଁ ହୋଟେଲରେ ରହୁଥିଲେ ସେଠାକାର କର୍ମଚାରୀଙ୍କୁ ମଧ୍ୟ ପୋଲିସ ଜେରା କରିପାରେ ବୋଲି ସୂଚନା ରହିଛି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।