ଯେତେବେଳେ ଆମେ ଛୋଟ ପିଲା ଥିଲୁ ଆମର କିଛି ଖଣ୍ଡିଆ ହୋଇଗଲେ ଆମ ବଡମାନେ ଆମକୁ ଏହି ପରାମର୍ଶ ଦିଅନ୍ତି କି ଖଣ୍ଡିଆରେ ହଳଦୀ ଲଗେଇବାକୁ । ଧାର୍ମିକ କାର୍ଯ୍ୟରେ ମଧ୍ୟ ହଳଦୀର ବ୍ୟବହାର କରାଯାଏ । ବାହାଘରରେ ମଧ୍ୟ ହଳଦୀର ବ୍ୟବହାର କରାଯାଏ । ହଳଦୀର ବହୁତ ମହତ୍ତ୍ଵ ରହିଛି । ହଳଦୀରୁ ବହୁତ ସାରା ସ୍ୱାସ୍ଥ୍ୟ ଲାଭ ମିଳିଥାଏ । ହଳଦୀ ଔଷଧୀୟ ଗୁଣରେ ପରିପୂର୍ଣ୍ଣ ଅଟେ । ଏହା ଦ୍ଵାରା ବହୁତ ରୋଗ ଭଲ ହୋଇଥାଏ ।
ଏଥିରେ କର୍କ୍ୟୁମିନ ନାମକ ତତ୍ୟ ରହିଥାଏ । ହଳଦୀ ବିଶେଷ ରୂପେ କ୍ୟାନ୍ସର ରୋଗୀମାନଙ୍କ ପାଇଁ ବହୁତ ଲାଭ ଦାୟକ ହୋଇଥାଏ । ଏହା ଦ୍ଵାରା କ୍ୟାନ୍ସର ରୋଗ ଠିକ ହେବାର ସମ୍ଭାବନା ରହିଥାଏ । ଆଜି ଆମେ ଆପଣଙ୍କୁ ହଳଦୀ କେଉଁ କ୍ଷେତ୍ରରେ ବ୍ୟବହାର କରିବା ଉଚିତ ଓ କେଉଁ କ୍ଷେତ୍ରରେ ବ୍ୟବହାର କରିବା ଉଚିତ ନୁହେଁ ଜଣାଇବୁ
ହଲଦିର ବ୍ୟବହାର
ବାତ ରୋଗ ଓ ଆଣ୍ଠୁ ଗଣ୍ଠି ଦରଜରେ ମଧ୍ୟ ହଳଦୀର ବ୍ୟବହାର କରାଯାଏ । ଥଣ୍ଡା, କାଶ, ତଣ୍ଟି ଦରଜ ଏ ସବୁ ରୋଗରେ ହଳଦୀ ବହୁତ ଉପକାରୀ ହୋଇଥାଏ । ହଳଦୀ ଦ୍ଵାରା ରୋଗ ପ୍ରତିରୋଧକ ଶକ୍ତି ମଧ୍ୟ ବଢିଥାଏ । ହଳଦୀରେ ଆଣ୍ଟି ବ୍ୟାକ୍ଟେରିଆଲ, ଆଣ୍ଟି ଫଙ୍ଗଲ, ଆଣ୍ଟି ଭାଇରାଲ ଗୁଣ ରହିଥାଏ । ଏହି ସବୁ ଗୁଣ ଥିବାରୁ ଇନଫେକ୍ସନରୁ ଆମକୁ ହଳଦୀ ରକ୍ଷା କରିଥାଏ । ହଳଦୀ ଶରୀରରୁ ବିଷାକ୍ତ ପଦାର୍ଥ ବାହାର କରିବାରେ ସାହାର୍ଯ୍ୟ କରିଥାଏ ।
ଯେତେବେଳେ ରକ୍ତ ବିଷାକ୍ତ ହୋଇଯାଏ ସେତେବେଳେ ଚର୍ମ ରୋଗ ଦେଖାଯାଏ । ଚର୍ମ ରୋଗରୁ ମୁକ୍ତି ପାଇବା ପାଇଁ ହଳଦୀର ଉପଯୋଗ କରାଯାଏ । ହଳଦୀ ମୁହଁରେ ଲଗେଇବା ଦ୍ଵାରା ମୁହଁରେ କିଛି ଦାଗ ରହେ ନାହିଁ ଓ ମୁହଁ ଗ୍ଲୋ କରେ । ହଳଦୀ ଦ୍ଵାରା ଲିଭର ସମ୍ବନ୍ଧୀୟ ରୋଗରୁ ମଧ୍ୟ ମୁକ୍ତି ମିଳିଥାଏ ।
ଗର୍ଭ ସମ୍ବନ୍ଧୀୟ ରୋଗରେ ମଧ୍ୟ ହଳଦୀର ପ୍ରୟୋଗ କରାଯାଏ । ଆୟୁର୍ବେଦରେ ଡାଇବେଟିସ ରୋଗରେ ହଳଦୀର ବ୍ୟବହାର କରବା ପାଇଁ କୁହାଯାଇଛି ଏହା ଦ୍ଵାରା ସୁଗାର ନିୟନ୍ତ୍ରଣ ହୋଇଥାଏ ।
କେଉଁ ମାନଙ୍କୁ ହଳଦୀର ବ୍ୟବହାର କରିବା ଉଚିତ ନୁହଁ ।
ଯେଉଁ ମାନଙ୍କର ପିତ୍ତ ରୋଗ ଅଛି ଅର୍ଥାତ ଯେଉଁମାନଙ୍କ ଶରୀର ଗରମ ରହିଥାଏ ଓ ଏସିଡିଟିର ଅସୁବିଧା ରହିଥାଏ, ସେମାନଙ୍କୁ ହଳଦୀ ବ୍ୟବହାର କରିବା ଉଚିତ ନୁହେଁ ।
କିପରି ବ୍ୟବହାର କରିବେ ହଳଦୀ
ଏହାକୁ କ୍ଷୀରରେ ମିଶାଇ ପିଇ ପାରିବେ । ହଳଦୀ ପାଉଡର ମଧ୍ୟ ବ୍ୟବହାର କରିପାରିବେ । ତାଜା ହଳଦୀର ବ୍ୟବହାର ସବୁଠାରୁ ଭଲ ହୋଇଥାଏ । ଘିଅ ସହିତ ମଧ୍ୟ ହଳଦୀର ସେବନ କରିପାରିବେ । ରାତିରେ ନିଦ ନ ହେଲେ ମଧ୍ୟ ହଳଦୀର ବ୍ୟବହାର କରିପାରିବେ । ଦିନକୁ ଅଧ ଚାମଚ ହଳଦୀ ବ୍ୟବହାର କରିବା ଉଚିତ ।