ନିଜ କମେଡିରେ ହସେଇ ହସେଇ ଗଡାଉଥିବା ବଲିଉଡର ଅନ୍ଯତମ ଲୋକପ୍ରିୟ ହାସ୍ୟ ଅଭିନେତା ରାଜୁ ଶ୍ରୀବାସ୍ତବ ଅଚାନକ ସମସ୍ତଙ୍କ ଆଖିରେ ଲୁହ ଦେଇ ଆରପାରିକୁ ଚାଲି ଯାଇଛନ୍ତି । ହୃଦଘାତର ଶିକାର ହେବା ପରେ ରାଜୁ ଲଗାତାର ଦେଢ ମାସ ଧରି ମୃତ୍ୟୁ ସହ ସଂଘର୍ଷ କରି ଚାଲିଥିଲେ । କିନ୍ତୁ ଶେଷରେ ଜୀବନ ଯୁଦ୍ଧରେ ସେ ହାରି ଯାଇଛନ୍ତି । ଗତକାଲି ଦିଲ୍ଲୀର AIIMS ହସ୍ପିଟାଲରେ ନିଜର ଶେଷ ନିଃଶ୍ଵାସ ତ୍ୟାଗ କରିଛନ୍ତି କମେଡିଆନ ରାଜୁ ଶ୍ରୀବାସ୍ତବ ।
କମେଡି ଦୁନିଆର ଏହି ଲୋକପ୍ରିୟ ଅଭିନେତାଅଙ୍କ ପରଲୋକରେ ଦେଶରେ ଶୋକର ଛାୟା ଖେଳିଯାଇଛି । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଠାରୁ ଆରମ୍ଭ କରି ବଲିଉଡର ଅନେକ ଦିଗଜ କଳାକାରମାନେ ନିଜର ସମ୍ବେଦନା ପ୍ରକାଶ କରିଛନ୍ତି । ଗତ ଅଗଷ୍ଟ ୧୦ରେ ୱାର୍କ ଆଉଟ କରୁଥିବା ସମୟରେ ହୃଦଘାତ ଆସିବା ପରେ ରାଜୁଙ୍କୁ ଦିଲ୍ଲୀର AIIMS ରେ ଭର୍ତ୍ତି କରା ଯାଇଥିଲା । ସେବେଠାରୁ ତାଙ୍କ ସ୍ଵାସ୍ଥ୍ୟାବସ୍ଥା ଅତ୍ୟନ୍ତ ଗମ୍ଭୀର ଥିଲା ।
ମଝିରେ ତାଙ୍କୁ ହୋସ ଆସିବା ଖବର ମଧ୍ୟ ସୋସିଆଲ ମିଡିଆରେ ପ୍ରକାଶ ପାଇଥିଲା । ରାଜୁ ଶ୍ରୀବାସ୍ତବଙ୍କ ପରିବାର ମଧ୍ୟ ସେ ସୁସ୍ଥ ହେଉଥିବା ନେଇ ସୂଚନା ଦେଇଥିଲେ । ଯାହାପରେ ରାଜୁ ଶୀଘ୍ର ସୁସ୍ଥ ହୋଇ ଆମ ଗହଣକୁ ପୁଣି ଥରେ ଆସିବେ ବୋଲି ସମସ୍ତଙ୍କ ମନରେ ଆଶା ଜାଗି ଉଠିଥିଲା । କିନ୍ତୁ ସେପରି ହୋଇପାରିଲା ନାହିଁ ।
ରାଜୁ ଶ୍ରୀବାସ୍ତବଙ୍କ ତାଙ୍କ କ୍ଯାରିୟର ଆରମ୍ଭରେ ଅନେକ ସଂଘର୍ଷ କରିଛନ୍ତି । କ୍ଯାରିୟର ଆରମ୍ଭରେ ନିଜ ଖର୍ଚ୍ଚ ଉଠାଇବା ପାଇଁ ସେ ମାୟାନଗରୀ ମୁମ୍ବାଇରେ ଅଟୋରିକ୍ସା ମଧ୍ୟ ଚଲାଉଥିଲେ । କିନ୍ତୁ ଚୁଲବୁଲା ମିଜାଜର ରାଜୁଙ୍କୁ ତାଙ୍କ ଭାଗ୍ୟ ଫିଲ୍ମ ଦୁନିଆକୁ ଟାଣି ଆଣିଥିଲା । ଦି ଗ୍ରେଟ ଇଣ୍ଡିଆ ଲାଫ୍ଟର ଚ୍ୟାଲେଞ୍ଜରୁ ନିଜ କ୍ଯାରିୟର ଆରମ୍ଭ କରିଥିବା ରାଜୁଙ୍କୁ ଧୀରେ ଧୀରେ ଅନେକ ଫିଲ୍ମରେ କାମ କରିବାର ସୁଯୋଗ ମିଳିଥିଲା ।
ସେ ନିଜ କମେଡି ଦ୍ଵାରା ଦର୍ଶକଙ୍କ ହୃଦୟ ଜିଣିବା ସହ ମୁମ୍ବାଇରେ ନିଜକୁ ପ୍ରତିଷ୍ଠିତ ମଧ୍ୟ କରି ପଡ଼ିଥିଲେ । ଆଉ ସେ ନିଜ ପରିବାର ପାଇଁ କୋଟି କୋଟି ଟଙ୍କାର ସମ୍ପତ୍ତି ଛାଡି ଯାଇଛନ୍ତି । ମିଡିଆ ରିପୋର୍ଟ ମୁତାବକ, ରାଜୁ ଶ୍ରୀବାସ୍ତବଙ୍କ ପାଖରେ ସମୁଦାୟ ୨୦ କୋଟିର ସମ୍ପତ୍ତି ଥିଲା । ଷ୍ଟେଜ ଶୋ’ ମାନଙ୍କରୁ ହିଁ ସେ ସବୁଠୁ ଅଧିକ ରୋଜଗାର କରୁଥିଲେ ।
ଭାରତ ବ୍ଯତୀତ ବିଦେଶର ଅନେକ ମଞ୍ଚରେ ମଧ୍ୟ ସେ ଲୋକଙ୍କୁଇ ହସାଉଥିଲେ ଓ ଭଲ ରୋଜଗାର କରୁଥିଲେ । କେବଳ ଭାରତରେ ସେ ଶୋ’ ପିଛା ୪ରୁ ୫ ଲକ୍ଷ ନେଉଥିଲେ । କାନପୁରରେ ପିଲାବେଳ ବିତାଇଥିବା ରାଜୁ ଶ୍ରୀବାସ୍ତବଙ୍କର କାନପୁରରେ ଏକ ବିଳାସପୂର୍ଣ୍ଣ ବଙ୍ଗଳା ରହିଛି । ଏହାସହ ତାଙ୍କ ପାଖରେ BMW, Audi Q7 ଓ ଇନୋଭା ଭଳି ଜବରଦସ୍ତ କାର୍ କଲେକ୍ସନ ମଧ୍ୟ ରହିଛି ।
ଫିଲ୍ମ ଓ ଟିଭି ଶୋ’ ଆଦିରୁ ମଧ୍ୟ ଭଲ ଟଙ୍କା ରୋଜଗାର କରୁଥିଲେ ରାଜୁ । କମେଡି ଦ୍ଵାରା କୋଟି କୋଟି ଭାରତୀୟଙ୍କ ହୃଦୟରେ ରାଜ୍ କରୁଥିବା ରାଜୁ ଯିବାବେଳେ ତାଙ୍କର ଅନେକ ସ୍ମୃତି ଛାଡି ଯାଇଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।