ସେକ୍ସ ଠକେଇ ମାମଲାରେ ଗିରଫ ହୋଇ କୋର୍ଟ ଚାଲାଣ ହୋଇଥିବା ହନିଟ୍ରାପ କୁଇନ ଅର୍ଚ୍ଚନା ନାଗଙ୍କୁ ନେଇ ଚାଞ୍ଚଲ୍ୟକର ଖୁଲାସା କରିଛନ୍ତି ତାଙ୍କ ଭଉଣୀ । କୁଆଡେ ନେତା ହେବା ପାଇଁ ପ୍ରସ୍ତୁତ ହେଉଥିଲେ ଅର୍ଚ୍ଚନା । ବଡ ବଡ ନେତା ତାଙ୍କ ଘରକୁ ଆସିବା ସହ ରାଜନୀତିକୁ ନେଇ ପ୍ରସ୍ତୁତ କରୁଥିଲେ ଋଣନୀତି । ଗଣମାଧ୍ୟମକୁ ସାକ୍ଷାତକାର ଦେବା ବେଳେ ଅର୍ଚ୍ଚନାଙ୍କ ଭଉଣୀ ଅର୍ଚ୍ଚନାଙ୍କ ରାଜନୀତି ସ୍ଵପ୍ନ ସାମ୍ନାକୁ ଆଣିଛନ୍ତି ।
ରାଜନୀତିରେ ପ୍ରବେଶ କରୁଥିବାଉ ସ୍ଵପ୍ନ ଦେଖୁଥିବା ଅର୍ଚ୍ଚନା ବଡ ବଡ ନେତାଙ୍କ ସହ ସମ୍ପର୍କ ବଢାଇବା ଆରମ୍ଭ କରି ଦେଇଥିଲେ । ଯେଉଁଥି ପାଇଁ ତାଙ୍କ ଘରକୁ ଆସୁଥିଲେ ବହୁ ରାଜନେତା । ଖାଲି ସେତିକି ନୁହେଁ ବରଂ ସୁବିଧା ବେଳେ ନେତାମାନେ କେମିତି ଅର୍ଚ୍ଚନାଙ୍କ ପାଖକୁ ଆସୁଥିଲେ ଓ ଅସୁବିଧା ବେଳେ ହାତ ଛାଡିଦେଲେ ସେନେଇ ମଧ୍ୟ କ୍ଷୋଭ ପ୍ରକାଶ କରିଛନ୍ତି ତାଙ୍କ ଭଉଣୀ । ଅର୍ଚ୍ଚନା ଜେଲରୁ ମୁକୁଳିବା ପରେ ସବୁ ଗୁମର ଖୋଳିବେ ବୋଲି ତାଙ୍କ ଭଉଣୀ କହିଛନ୍ତି ।
ଅର୍ଚ୍ଚନାଙ୍କୁ ରାଜନୀତିର ଲୋଭ ଦେଖାଇ ଜାଣିଶୁଣି ଫସେଇ ଦିଆ ଯାଇଥିବା ଅଭିଯୋଗ ଆଣିଛନ୍ତି ତାଙ୍କ ଭଉଣୀ । ସେ କହିଛନ୍ତି, କେତେକ ନ୍ୟସ୍ତ ସ୍ଵାର୍ଥ ବ୍ୟକ୍ତି ନିଜ ସ୍ଵାର୍ଥ ପାଇଁ ଅର୍ଚ୍ଚନାଙ୍କୁ ମୋହରା ବନେଇଛନ୍ତି । ଅନ୍ୟପଟେ ଅର୍ଚ୍ଚନାଙ୍କ ବେଆଇନ ଅର୍ଥ କାରବାର ମାମଲାରେ ଅର୍ଚ୍ଚନାଙ୍କ ସହ ସମ୍ପୃକ୍ତ ଥିବା 6ଟି ସ୍ଥାନରେ ଇଡି ରେଡ୍ କରିଛି ।
ଅର୍ଚ୍ଚନା ନାଗଙ୍କ ଭୁବନେଶ୍ବର ସତ୍ୟବିହାର ସ୍ଥିତ ଘର, ବାପଘର, ଶାଶୁଘର, ତାଙ୍କ ସହଯୋଗୀ ଖଗେଶ୍ଵରଙ୍କ ଘର, ଗାଡି ଶୋ’ରୁମ୍ ଏବଂ ଅର୍ଚ୍ଚନାଙ୍କ ବିରୋଧରେ ଅଭିଯୋଗ ଆଣିଥିବା ଶ୍ରଦ୍ଧାଞ୍ଜଳିଙ୍କ ଘରେ ମଧ୍ୟ ଏକକାଳୀନ ରେଡ୍ କରିଛି ପ୍ରବର୍ତ୍ତନ ନିର୍ଦ୍ଦେଶାଳୟ (ED) । ଯାହାପରେ ରାଜନୈତିକ ବୟାନବାଜି ଆରମ୍ଭ ହୋଇଯାଇଛି । କିଏ କହୁଛି ଧୀରେ ଧୀରେ ସବୁ ସତ ସାମ୍ନାକୁ ବାହାରିବ ତ ଆଉ କିଏ କହୁଛି ଆଗକୁ ନିର୍ବାଚନ ଅଛି ବୋଲି ଏଇଟା ଖାଲି ଗୋଟେ ପ୍ରହସନ ଚାଲିଛି ।
ସେହିପରି ରାଜ୍ୟରେ ପୂର୍ବରୁ ହୋଇଥିବା ଅନେକ ପ୍ରହେଳିକା ମଧ୍ୟରୁ ଇଏ ବି ଗୋଟେ ପ୍ରହେଳିକା ବୋଲି କୁହାଯାଉଛି । ଲୋକଙ୍କ ମନରେ ଭ୍ରମ ସୃଷ୍ଟି କରି ସେମାନଙ୍କୁ କେବଳ ବିଭ୍ରାନ୍ତ କରିବାକୁ ଅପଚେଷ୍ଟା କରାଯାଉଛି ବୋଲି କିଛି ରାଜନେତା କହୁଛନ୍ତି । ତେବେ ଦେଖାଯାଉ ଅର୍ଚ୍ଚନା ନାଗଙ୍କ ମାମଲା ଆଗକୁ କେଉଁ ନୂଆ ମୋଡ ନେଉଛି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।