ଯେଉଁ ଶାରୀରିକ ଅକ୍ଷମତା ପାଇଁ ଏହି କୁନିପିଲାର ବାପାମା’ ଦିନେ ମନ ଊଣା କରୁଥିଲେ ସେହି ଦିବ୍ୟାଙ୍ଗ ଶକ୍ତି ଆଜି ରାହୁଲକୁ ନୂଆ ଜୀବନ ଦାନ କରିଛି । ଦୀର୍ଘ ୧୦୫ ଘଣ୍ଟାର ରେସ୍କ୍ଯୁ ଅପରେସନ ପରେ ୮୦ ଫୁଟ୍ ର ବୋରୱେଲ ଗାତ ମଧ୍ୟରୁ ସୁରକ୍ଷିତ ଭାବେ ଉଦ୍ଧାର ହୋଇପଡ଼ିଛି ରାହୁଲ । ପିଲାଟି ଦିନରୁ କଥା କହିବାରେ ଏବଂ କଥା ଶୁଣିବାରେ ରାହୁଲଙ୍କର ସମସ୍ଯା ଥିଲା । ଯାହାଫଳରେ ରାହୁଲଙ୍କ ମାନସିକ ବିକାଶ ସ୍ଵାଭାବିକ ତୁଳନାରେ ସାମାନ୍ୟ ମନ୍ଥର ଥିଲା ବୋଲି ଶୁଣିବାକୁ ମିଳୁଛି ।
କିନ୍ତୁ ଏହି ଦୁର୍ବଳତା ହିଁ କୁନିପିଲାଟିର ଜୀବନ ବଞ୍ଚାଇ ଦେଇଛି । ବିଜ୍ଞାନ କୁହେ କି ଯଦି କୌଣସି ଶିଶୁ ବା ବ୍ୟକ୍ତିଙ୍କର ଶ୍ରବଣ ଶକ୍ତି କିମ୍ବା ବାକ୍ ଶକ୍ତି ଦୁର୍ବଳ ଥାଏ ତେବେ ତାଙ୍କର ଅନ୍ୟ କୌଣସି ନା କୌଣସି ଶକ୍ତି ସ୍ଵାଭାବିକ ଠାରୁ ଖୁବ ଅଧିକ ରହିଥାଏ । ହୁଏତ ସେଥିମଧ୍ୟରୁ କୌଣସି ଶକ୍ତିର ଅଧିକାରୀ ଅଟନ୍ତି ରାହୁଲ । ମାତ୍ର ୧୧ ବର୍ଷର ରାହୁଲଙ୍କ ମନୋବଳ, ସାହାସ ଓ ଧୈର୍ଯ୍ୟ ଶକ୍ତି ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛି । ଭୟ ପରି ଦୁର୍ବଳତା ରାହୁଲଙ୍କ ପାଖେ ନଥିଲା ।
ନହେଲେ ୫ଦିନ ଧରି ୧୦୦ ଘଣ୍ଟାରୁ ଅଧିକ ସମୟ ଧରି ୮୦ ଫୁଟ୍ ର ଅନ୍ଧାର ଗାତ ମଧ୍ୟରେ ମାତ୍ର କେଇ ଇଞ୍ଚ ଜାଗାରେ ଜୀବନ ସହ ସଂଘର୍ଷ କରିବା ଏତେ ସହଜ ନଥିଲା । ଛୋଟିପିଲାର ଏବେ ସାହସିକତା ବଡ ବଡ ଲୋକଙ୍କୁ ବି ଆଶ୍ଚର୍ଯ୍ୟ କରି ଦେଉଛି । ଆପଣ ନିହାତି ଭାବେ ଚିନ୍ତା କରି ପାରୁଥିବେ କି ରାହୁଲ ଜାଗାରେ ଆପଣ କିମ୍ବା ମୁଁ ଥିଲେ ସ୍ଥିତି କେମିତି ହୋଇଥାନ୍ତା ।
ଆମେ କଣ ରାହୁଲଙ୍କ ଭଳି ୫ଦିନ ଧରି ସଂଘର୍ଷ କରି ପାରିଥାନ୍ତୁ । ଦିବ୍ୟାଙ୍ଗ ଶକ୍ତି ବ୍ଯତୀତ ଏହି କୁନି ପିଲାଟି ଉପରେ ଲକ୍ଷ ଲକ୍ଷ ଲୋକଙ୍କ ପ୍ରାର୍ଥନା ଓ ଆଶୀର୍ବାଦ ମଧ୍ୟ ଥିଲା । ଯେଉଁଥି ପାଇଁ ବୋଧେ ଭଗବାନ ବି ରାହୁଲଙ୍କୁ ବଞ୍ଚାଇ ଦେଲେ । ନଚେତ କେଇ ଇଞ୍ଚର ଗଭୀର ଅନ୍ଧାର ଗାତ ମଧ୍ୟରେ ୫ଦିନ ଧରି ପଡି ରହି ଜୀବିତ ଫେରିବା କଥା କେହି ସ୍ଵପ୍ନରେ ସୁଦ୍ଧା କଳ୍ପନା କରିପାରିବେ ନାହିଁ । ରାହୁଲ ଉଦ୍ଧାର ହେବ ପରେ ସ୍ଥାନୀୟ ଜିଲ୍ଲାପାକ ଆଉ ଏକ ଭୟଙ୍କର ଖୁଲାସା କରିଥିଲେ ।
ଗାତରେ କେବଳ ରାହୁଲ ନଥିଲା ବରଂ ତା’ ସହ ଗୋଟିଏ ସାପ ଏବଂ ଗୋଟିଏ ବେଙ୍ଗ ମଧ୍ୟ ଥିଲେ । ରାହୁଲକୁ ଉଦ୍ଧାର କରିଥିବା ଅଫିସର କହିଛନ୍ତି କି ସାପଟି ବିଷଧର ଥିଲା । ସବୁ ବିପଦକୁ ପାର କରି ରାହୁଲର ଉଦ୍ଧାର କାର୍ଯ୍ୟ ସଫଳ ହେବା ନିହାତି ଭାବେ ଏକ ଚମତ୍କାର କହିଲେ ଅତ୍ୟକ୍ତି ହେବନାହିଁ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।