ଭୋଟର ପରିଚୟ ପତ୍ର ସହ ଆଧାର ନମ୍ବରକୁ ଯୋଡିବା ପାଇଁ ନିର୍ବାଚନ ଆଇନରେ ସଂଶୋଧନ ପାଇଁ ଆଗତ ବିଲ୍ ଲୋକସଭାରେ ଗୃହୀତ ହୋଇଛି । ନିର୍ବାଚନ ଆଇନ ବିଲ୍ ୨୦୨୧ କୁ ପ୍ରବଳ ବିରୋଧ ସତ୍ତ୍ୱେ ସରକାର ବାଚନିକ ଭୋଟରେ ନିମ୍ନ ସଦନରେ ଏହାକୁ ଗୃହୀତ କରାଇ ଦେଇଛନ୍ତି । କଂଗ୍ରେସ, AIMIM, ବିଏସପି ଓ ଅନ୍ୟ ଦଳ ଗୁଡିକ ଉକ୍ତ ବିଲ୍ କୁ ବିରୋଧ କରିଛନ୍ତି । ଏହି ବିଲ୍ କୁ ପ୍ରତ୍ୟାହାର କରିନେବାକୁ ସେମାନେ ଦାବି କରିଥିଲେ ।
ଏବେ ସେହି ବିଲ୍ ଆଇନରେ ପରିଣତ ହେଲେ ନାଗରିକ ମାନଙ୍କର ସାମ୍ବିଧାନିକ ଅଧିକାର ଓ ଗୋପନୀୟତା ଅଧିକାର ଉଲ୍ଲଂଘନ ହେବ । ଭୋଟର କାର୍ଡ ସହ ଆଧାର କାର୍ଡକୁ ଯୋଡିବା ଲାଗି ଅନୁମତି ଦିଆଗଲେ ଅଧିକରୁ ଅଧିକ ଅଣ ନାଗରିକମାନେ ଭୋଟ ଦେବାର ସୁବିଧା ପାଇଯିବେ ବୋଲି ବିରୋଧୀ ସାଂସଦ ମାନେ ମତ ଦେଇଥିଲେ । ଆଧାର କାର୍ଡ ବାସସ୍ଥାନ ସଂକ୍ରାନ୍ତ ଏକ ପରିଚୟ ପତ୍ର, ଏହା ନାଗରିକତାର ପରିଚୟ ପତ୍ର ନୁହେଁ ।
ତେଣୁ ଭୋଟର କାର୍ଡ ସହ ଆଧାର କାର୍ଡକୁ ଯୋଡିବା ଦ୍ଵାରା ଅଣ ନାଗରିକ ମାନଙ୍କୁ ମତଦାନର ଅଧିକାର ମିଳିଯିବ ବୋଲି କଂଗ୍ରେସ ସାଂସଦ ଶଶୀ ଥରୁ କହିଥିଲେ । ଦେଶର ନିର୍ବାଚନ ପ୍ରଣାଳୀ ଠିକ ଭାବେ ହେଉ ବୋଲି ସମସ୍ତେ ଚାହାନ୍ତି । ନିର୍ବାଚନ କମିଶନ ମଧ୍ୟ ଏହା ଚାହାନ୍ତି । ଆଧାର କାର୍ଡକୁ ଭୋଟର କାର୍ଡ ସହ ଯୋଡିବାର ଯେଉଁ ପ୍ରାବଧାନ ରଖାଯାଇଛି ଏହା ବାଧ୍ୟତା ମୂଳକ ନୁହେଁ ।
AIMIM ର ମୁଖ୍ୟ ଅସଦ୍ଦୁଦିନ ଓବେଶି ମଧ୍ୟ କେନ୍ଦ୍ର ସରକାରଙ୍କ ଏହି ନିର୍ବାଚନ ସଂଶୋଧନ ବିଲ୍ କୁ ବିରୋଧ କରି ନିଜର ପକ୍ଷ ରଖିଛନ୍ତି । ସରକାରଙ୍କ ଏହି ଯୋଜନାକୁ ନେଇ ଓବେଶି ଲୋକସଭାର ଚଳିତ ଶୀତ ଅଧିବେଶନରେ ଏକ ନୋଟିସ ମଧ୍ୟ ଦେଇଛନ୍ତି । ଯାହା ସେ ନିଜେ ଟ୍ବିଟ କରି ମଧ୍ୟ ଜଣାଇଛନ୍ତି । କେନ୍ଦ୍ର ସରକାର କିନ୍ତୁ ଏ ସମ୍ବନ୍ଧରେ ଏବେ ପର୍ଯ୍ୟନ୍ତ କୌଣସି ପ୍ରତିକ୍ରିୟା ରଖି ନାହାନ୍ତି ।
ଆଗକୁ ଅନେକ ନିର୍ବାଚନ ହେବାକୁ ଥିବା ବେଳେ ସରକାରଙ୍କ ଏହିଭଳି ଯୋଜନାକୁ କଡା ଭାବେ ବିରୋଧ କରୁଛନ୍ତି ବିରୋଧୀ ଦଳର ନେତାମାନେ । ତେବେ ଦେଖାଯାଉ ଆଗକୁ କେନ୍ଦ୍ର ସରକାର ଏହା ଉପରେ କ’ଣ ନିଷ୍ପତ୍ତି ନେଉଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍କୁ ଲାଇକ କରନ୍ତୁ ।