ନମସ୍କାର ବନ୍ଧୁଗଣ, ସଂସାରକୁ ଗୋଟିଏ ନବଜାତ ଶିଶୁ ଆସିବା ପରେ ସେହି ଶିଶୁ ପାଇଁ ସବୁକିଛି ତା ବାପା ମାଆ ହୋଇଥାନ୍ତି । ଗୋଟିଏ ପିଲାକୁ ଉଚିତ ଶିକ୍ଷା ଦେଇ ମୂଳଦୁଆ ମଜୁବୁତ କରିଥାନ୍ତି ବାପା ମାଆ । ତେବେ ବାପା ମାଆଙ୍କୁ ନିଜ ପିଲାଙ୍କ ସହ କିଭଳି ରହିବା ଦରକାର କିଭଳି ତାଙ୍କ ମନ ବୁଝିବା ଦରକାର ଏବଂ କେଉଁ ସବୁ ଶିକ୍ଷା ଦେବା ଦରକାର ତାହା ସମ୍ପର୍କରେ ଆଜି ଆମେ ଆପଣ ମାନଙ୍କୁ ଜଣାଇବା ପାଇଁ ଯାଉଛୁ । ତେବେ ଆଉ ଡେରି ନକରି ଆସନ୍ତୁ ଜାଣିବା ।
ପ୍ରଥମ: ସର୍ବପ୍ରଥମେ ଆପଣ ନିଜ ପିଲାକୁ ସମ୍ମାନ ଦେବା ଶିଖାନ୍ତୁ । ଅନ୍ୟକୁ ଇଜ୍ଜତ ଦେବା ସହ ଆପଣଙ୍କୁ ଇଜ୍ଜତ ଦେବା ଶିଖାନ୍ତୁ । ଏଥିପାଇଁ ଆପଣଙ୍କୁ ପ୍ରଥମେ ଏହିସବୁ କଥାର ଧ୍ୟାନ ରଖିବା ଆବଶ୍ୟକ । ଦିତୀୟ: ଆପଣ ପିଲାକୁ ମୁକ୍ତତା ଦେବା ଆବଶ୍ୟକ । ଖୋଲା ଜୀବନ ବଞ୍ଚିବା ପାଇଁ ସୁଯୋଗ ଦେବା ଆବଶ୍ୟକ । ସବୁ କ୍ଷେତ୍ରରେ ନ ହେଲେ ବି ତାଙ୍କ ମନ ବୁଝି ତାଙ୍କ ମନବୁତାବିକ କିଛି କଥା ପାଇଁ ଖୋଲା ଛାଡିବା ଆବଶ୍ୟକ । ତେବେ ଯାଇ ସିଏ ନିସ୍ପତି ନେବା ପାଇଁ ସକ୍ଷମ ହେବେ । ନେହେଲେ ସର୍ବଦା ଅନ୍ୟ ଉପରେ ନିର୍ଭର କରିବାକୁ ଲାଗିବେ ଆପଣଙ୍କ ପିଲା ।
ତୃତୀୟ: ଆପଣ ନିଜ ପିଲାଙ୍କ ସହ ଖୋଲା ହୋଇ ମିଶନ୍ତୁ ସାଙ୍ଗ ଭଳି । ଆପଣ ଏହା କରିବା ଫଳରେ ଆପଣଙ୍କ ପିଲା ଆପଣଙ୍କୁ ତାଙ୍କ ଜୀବନର ଅସୁବିଧା ଜଣାଇବା ପାଇଁ ସୁରକ୍ଷିତ ମନେ କରିବେ । ଏଭଳି ମିଶନ୍ତୁ ଯେଭଳି ସେ ଆପଣଙ୍କୁ ସାଙ୍ଗ ଭାବିବା ସହ ତାଙ୍କ ମନରେ ଆପଣଙ୍କ ପାଇଁ କେଉଁଠି ନା କେଉଁଠି ଡର ପାଇବା ବି ରହୁଥିବ ।
ଚତୁର୍ଥ: ଆପଣ କରୁଥିବା କାର୍ଯ୍ୟକୁ ପିଲାମାନେ ସର୍ବଦା ଅନୁକରଣ କରିଥାନ୍ତି । ତେଣୁ ଆପଣ ଭଲ କାର୍ଯ୍ୟମାନ କରିବା ଆବଶ୍ୟକ ଯାହାକୁ ଦେଖି ସେ ବି ଭଲ କାର୍ଯ୍ୟ କରିବାକୁ ଲାଗିଥାନ୍ତି । ପଞ୍ଚମ: ପିଲାଙ୍କୁ ଅନ୍ୟର ଯତ୍ନ ନେବା ଶିଖାନ୍ତୁ । ଦୟାଳୁ ଭାବନା ତାଙ୍କ ମନରେ ସୃଷ୍ଟି କରନ୍ତୁ । ସେଥିପାଇଁ ଆପଣଙ୍କୁ ମଧ୍ୟ ଯତ୍ନବାନ ଏବଂ ଦୟାଳୁ ହେବା ଆବଶ୍ୟକ ।
ଷଷ୍ଠ: ସ୍ଵାର୍ଥପରତା ଭାବନା ଠାରୁ ପିଲାଙ୍କୁ ଦୂରେଇ ରଖନ୍ତୁ । ତାଙ୍କ ପାଖରେ ଥିବା ଜିନିଷକୁ ବାଣ୍ଟିବା ଶିଖାନ୍ତୁ । ତୋର ମୋର ଭଳି ଭାବନା ତାଙ୍କ ମନରେ ଆଣନ୍ତୁ ନାହିଁ । ପିଲାଙ୍କ ମନରେ ଅନ୍ୟମାନଙ୍କ ପ୍ରତି ଭଲ ପାଇବା ଭାବନା ଆଣନ୍ତୁ । ଏହା କୌଣସି କଷ୍ଟ ସାଧ୍ୟ କାମ ନୁହେଁ । ଆପଣ ଯେମିତି ବ୍ୟବହାର କରିବେ ଅନ୍ୟ ସହ ତାହା ଦେଖି ହିଁ ଆପଣଙ୍କ ପିଲା ଶିଖିଯାଏ ଆରମରେ ।
ସପ୍ତମ: କେବେ ବି ନିଜ ପିଲାକୁ ଅନ୍ୟ ପିଲା ସହ ତୁଳନା କରିବେ ନାହିଁ । ଏହା ପିଲାଙ୍କ ମନବଳ ଭାଙ୍ଗିଦେଇଥାଏ । ଅନ୍ୟ ସହ ତୁଳନା ନକରି ତାଙ୍କୁ ପ୍ରୋତ୍ସାହନ ଦେବା ଆବଶ୍ୟକ । ଯଦି ଆପଣ ମାନଙ୍କୁ ଆମର ଏହି ପୋଷ୍ଟଟି ଭଲ ଲାଗୁଥାଏ ତେବେ ଲାଇକ, ଶେୟାର କରିବାକୁ ଜମା ବି ଭୁଲିବେନି । ଆଶା କରୁଛୁ ଏହା ଆପଣଙ୍କ ପାଇଁ ଫଳପ୍ରଦ ହେବ ।