ପିଣ୍ଟୁ ନନ୍ଦ ଆଜି ସୁନିଆ ଛାଡି ସିନା ଚାଲିଗଲେ ହେଲେ ପ୍ରତିଟି ଓଡିଆଙ୍କ ମନରେ ଚିର ଆମର ରହିବେ । ତାଙ୍କ ଜୀବନ୍ତ ଅଭିନୟ ଲୋକଙ୍କୁ ବାନ୍ଧି ରଖେ ଓ ଦର୍ଶକଙ୍କୁ ସେ କନ୍ଦାନ୍ତି ବି ଆଉ ହସାନ୍ତି ବି । ପିଣ୍ଟୁ ନନ୍ଦ ଏକାଧାରାରେ ଜଣେ ଭଲ କଳାକାର, ଖଳ ନାୟକ ଏବଂ କମେଡିଆନ ମଧ୍ୟ । ସେ ଯେଉଁ ଚରିତ୍ରରେ ମଧ୍ୟ ଅଭିନୟ କରନ୍ତି ସମସ୍ତଙ୍କ ମନ ଜିଣି ନିଅନ୍ତି । ହେଲେ ସେ ହଠାତ ଲିଭର ଜନିତ ରୋଗରେ ପୀଡିତ ହେବା କଥା ସମସ୍ତଙ୍କୁ ଆଶ୍ଚର୍ଯ୍ୟ କରି ଦେଇଥିଲା ।
ପିଣ୍ଟୁ ନନ୍ଦ ଶୀଘ୍ର ସୁସ୍ଥ ହୋଇ ପୁଣି ଥରେ ଫିଲ୍ମ ପରଦାକୁ ଫେରି ଆସିବେ ବୋଲି ସମସ୍ତେ ଚାହିଁ ବସିଥିଲେ । ହେଲେ ସମସ୍ତଙ୍କୁ ନିରାଶ କରି ସବୁଦିନ ପାଇଁ ଦୁନିଆ ଛାଡି ଚାଲିଗଲେ ଏହି ପ୍ରତିଭାବାନ କଳାକାର । ଭୁବନେଶ୍ବରରୁ ଦିଲ୍ଲୀ ଯିବା ବେଳେ ପିଣ୍ଟୁ ବେଶ ଆଶାବାଦୀ ଥିଲେ ଏବଂ ତାଙ୍କ ସ୍ୱାସ୍ଥ୍ୟ ମଧ୍ୟ ସ୍ଥିର ଥିଲା । ଦିଲ୍ଲୀରେ ଶୀଘ୍ର ଡୋନର ମିଳିଥିଲେ ସେ ସୁସ୍ଥ ହୋଇ ଯାଇଥାନ୍ତେ । ହେଲେ ତାଙ୍କ ପରିବାରର କାହାରି ଲିଭର ମଧ୍ୟ ତାଙ୍କ ସହ ମ୍ଯାଚ କଲାନି, ଆଉ ଯାହା ମ୍ଯାଚ କଳା ସେଥିରେ ଅନ୍ୟ କିଛି ସମସ୍ଯା ଦେଖା ଦେଲା ।
ସରକାରୀ ନିୟମ ଅନୁଯାୟୀ, କେବଳ ଜଣେ ବ୍ରେନ ଡେଡ୍ ବ୍ୟକ୍ତିଙ୍କୁ ଛାଡି ବାହାର ଲୋକ ଲିଭର ଡୋନେଟ କରିପାରିବେ ନାହିଁ । ତେଣୁ ଲିଭର ଡୋନରଙ୍କ ଅପେକ୍ଷାରେ ଥିବାବେଳେ ପିଣ୍ଟୁଙ୍କ ସ୍ୱାସ୍ଥ୍ୟ ଆହୁରି ବିଗିଡିବାରେ ଲାଗିଲା । ଶେଷରେ ଦିଲ୍ଲୀ ଡାକ୍ତର ମଧ୍ୟ ନିରାଶ ହୋଇ ତାଙ୍କୁ ହାଇଦ୍ରାବାଦ ଯିବା ପାଇଁ କହିଲେ ।
ସେଠାରେ ପିଣ୍ଟୁ ନନ୍ଦଙ୍କ ଅବସ୍ଥା ଗୁରୁତର ହୋଇ ଚାଲିଥିଲା । ଶେଷରେ ଚିରନିଦ୍ରାରେ ଶୋଇଗଲା ପିଣ୍ଟୁଙ୍କ ଅମର ଆତ୍ମା । ଆଉ ଆଜି ତାଙ୍କର ଅନ୍ତିମ ସଂସ୍କାର ପ୍ରକ୍ରିୟା ଆରମ୍ଭ ହୋଇଗଲାଣି । ପିଣ୍ଟୁ ନନ୍ଦଙ୍କୁ ପୁରୀ ସ୍ଵର୍ଗଦ୍ଵାର ନିଆଯିବ ଅନ୍ତିମ ସଂସ୍କାର ପାଇଁ । ଆଉ ଖଇ କଉଡି ଧରି ବାପାଙ୍କୁ ମୁଖାଗ୍ନି ଦେବାକୁ ବାହାରି ପଡିଛନ୍ତି ପିଣ୍ଟୁ ନନ୍ଦଙ୍କ ବଡ ପୁଅ । ପିଣ୍ଟୁଙ୍କୁ ମାତ୍ର 47 ବର୍ଷ ହୋଇଥିବା ବେଲେ ଦୁଇ ପୁଅଯାକ ଏବେବି ସ୍କୁଲରେ ପାଠ ପଢୁଛନ୍ତି ।
ପୁଅମାନେ ନିଜକୁ ବେଶ ଭଲଭାବେ ସମ୍ଭାଳି ନେଉଛନ୍ତି ସତ କିନ୍ତୁ ତାଙ୍କ କୋମଳମତି ମନ ଯେ ବାପାକୁ ହରାଇ କେମିତି ଅନୁଭବ ହେଉଥିବ ତାହା କେବଳ ସେମାନେ ଜାଣିଥିବେ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।