ଇଲେକ୍ଟ୍ରିକ ଗାଡିର ଏହି ନୂଆ ଯୁଗରେ ଯଦି ଆପଣ ମଧ୍ୟ ଇଲେକ୍ଟ୍ରିକ ସ୍କୁଟର କିଣିବାକୁ ଚାହୁଁଛନ୍ତି ତେବେ ୫୦ ହଜାରରୁ ମଧ୍ୟ କମ୍ ବଜେଟ୍ ରେ ମିଳୁଛି ହିରୋ କମ୍ପାନୀର ଶାନଦାର ସ୍କୁଟର । ଦିଗଜ ଦୁଇଚକିଆ କମ୍ପାନୀ ହିରୋ (Hero) ସବୁଠୁ ଶସ୍ତା ଇଲେକ୍ଟ୍ରିକ ସ୍କୁଟର Hero Electric Flash LX ନେଇ ଆସିଛି । ପେଟ୍ରୋଲ ମହଙ୍ଗା ହେବା ହେତୁ ଲୋକେ ଇଲେକ୍ଟ୍ରିକ ସ୍କୁଟର ଅଧିକ ପସନ୍ଦ କରୁଛନ୍ତି ଓ କମ୍ପାନୀ ଗୁଡିକ ମଧ୍ୟ ଇଲେକ୍ଟ୍ରିକ ଗାଡି ଉପରେ ଫୋକସ୍ କରିବା ଆରମ୍ଭ କରି ଦେଲେଣି ।
ବର୍ତ୍ତମାନ ବଜାରକୁ ଅନେକ ଇଲେକ୍ଟ୍ରିକ ସ୍କୁଟର ଆସି ସାରିଲାଣି । କିନ୍ତୁ ସେମାନଙ୍କ ମୂଲ୍ୟ ପ୍ରାୟ ୧ ଲକ୍ଷ ଟଙ୍କା ପର୍ଯ୍ୟନ୍ତ ରହିଥିବାରୁ ସମସ୍ତେ ଏହି ଗାଡି କିଣି ପାରୁ ନାହାନ୍ତି । ଆପଣ ୫୦ ହଜାର ଟଙ୍କାରୁ କମ୍ ମୂଲ୍ଯରେ ଇଲେକ୍ଟ୍ରିକ ସ୍କୁଟର କିଣିବାକୁ ଚାହୁଁଥିଲେ Hero Electric Flash LX ଗାଡିଟି ସର୍ବୋତ୍ତମ ଅଟେ । ଏହି ଗାଡିର ମୂଲ୍ୟ ଦିଲ୍ଲୀରେ ୪୬୬୪୦/- ଟଙ୍କା ରହିଛି । ରେଡ୍ ଓ ସିଲଭର ଦୁଇଟି ରଙ୍ଗରେ ଏହି ଗାଡିଟି ଉପଲବ୍ଧ । ସ୍କୁଟର ଆଗରେ ଥିବା ଏଲଇଡ଼ି ହେଡ୍ ଲ୍ୟାମ୍ପ୍ସ ଏହାର ଲୁକ୍ କୁ ଅଧିକ ଷ୍ଟାଇଲିସ କରୁଛି ।
ସ୍କୁଟରରେ ସିଙ୍ଗଲ ସିଟ୍ ଡିଜାଇନ ଓ ପଛରେ ଜିନିଷ ରଖିବା ପାଇଁ କ୍ଯାରିୟର ମଧ୍ୟ ଲଗାଯାଇଛି । ଏହି ଇଲେକ୍ଟ୍ରିକ ସ୍କୁଟର ଥରେ ଚାର୍ଜ କଲେ ୫୦ କିମି ପର୍ଯ୍ୟନ୍ତ ଯାଇପାରେ । ଏଥିରେ ୪୮V ର ଏକ ବ୍ଯାଟେରୀ ପ୍ୟାକ ରହିଛି । ବ୍ଯାଟେରୀ ସଂପୂର୍ଣ୍ଣ ଚାର୍ଜ ହେବା ପାଇଁ ୮-୧୦ ଘଣ୍ଟା ନେଉଥିବା ବେଳେ ଏହି ଗାଡିର ଟପ୍ ସ୍ପିଡ ୨୫kmph ରହିଛି । ତେବେ ଏହି ଗାଡିକୁ ଚଲାଇବା ପାଇଁ ଲାଇସେନ୍ସ କିମ୍ବା ରେଜିଷ୍ଟ୍ରେଶନର କୌଣସି ଆବଶ୍ୟକତା ନାହିଁ । ଏହି ଗାଡିରେ ଏକ ଡିଜିଟାଲ ଇନଷ୍ଟ୍ରକ୍ଟର ରହିଛି ଯେଉଁଥିରୁ ବ୍ଯାଟେରୀ ଲେଭଲ ଏବଂ ସ୍ପିଡ ଜାଣି ହେବ ।
ସ୍କୁଟରରେ ୧୨ ଇଞ୍ଚର ଆଲୋୟ ଭିଲ ଦିଆଯାଇଛି । ଯାହା ସ୍କୁଟରକୁ ଷ୍ଟାଇଲିଶ ସହ ହାଲୁକା ମଧ୍ୟ ବନାଉଛି । ମୋବାଇଲ ଫୋନ ଚାର୍ଜ କରିବା ପାଇଁ ଏହି ସ୍କୁଟରରେ ଇଉଏସବି ଚାର୍ଜି॰ ପୋର୍ଟ ମଧ୍ୟ ରହିଛି । ଆପଣଙ୍କୁ ହିରୋର ଏହି ଇଲେକ୍ଟ୍ରିକ ସ୍କୁଟର କେମିତି ଲାଗିଲା ଆମକୁ କମେଣ୍ଟ କରି ଜଣାନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।