ଭିଜିଲାନ୍ସ ପଞ୍ଝାରେ ଧରା ପଡିଛନ୍ତି ପୋଲିସ ଆଇଆଇସି । କନ୍ଧମାଳ ଜିଲ୍ଲା ଅନ୍ତର୍ଗତ କୋଟଗଡ ଥାନା ର ଆଇଆଇସି ଭାବେ କାର୍ଯ୍ୟରତ ଅଛନ୍ତି ଧିରାଜ ଲେଙ୍କା । ଲକ୍ଷାଧିକ ଟଙ୍କା ଲାଞ୍ଚ ନେବା ମାମଲାରେ ଭିଜିଲାନ୍ସ ତାଙ୍କୁ ଧରିଥିବା ସୂଚନା ମିଳିଛି । ଆଇଆଇସି ଧିରାଜ ଲେଙ୍କା କୋଟଗଡ ଥାନାରୁ ଖଜୁରୀପଡା ଅଭିମୁଖେ ଗାଡିରେ ଯାଉଥିଲେ । ଏତିକି ବେଳେ ବାଲିଗୁଡା ଠାରେ ଫୁଲବାଣୀର ଭିଜିଲାନ୍ସ ଟିମ୍ ତାଙ୍କ ଗାଡିକୁ ଅଟକ ରଖିବା ସହ ତାଙ୍କ ଠାରୁ ୧ ଲକ୍ଷ ୪୫ ହଜାର ୮ ଶହ ଟଙ୍କା ଜବତ କରିଛି ।
ଏହାସହ ଆଇଆଇସି ଧିରାଜ ଲେଙ୍କାଙ୍କୁ ମଧ୍ୟ ହେପାଜତରେ ନେଇଛି ଫୁଲବାଣୀ ଭିଜିଲାନ୍ସ । ଏନେଇ ଗଣମାଧ୍ୟମରେ ସୂଚନା ଦେଇଛନ୍ତି ଫୁଲବାଣୀ ଦୁର୍ନୀତି ନିବାରଣ ବିଭାଗର ଡ଼ିଏସପି ଅରୁଣ ନାୟକ । ତାଙ୍କ କହିବ ଅନୁଯାୟୀ, ତାଙ୍କ ପାଖକୁ ଅଭିଯୋଗ ଆସିଥିଲା କି ଆଇସି ଧିରାଜ ଲେଙ୍କା ଗାଡିରେ ଲକ୍ଷାଧିକ ଟଙ୍କା ଧରି ନିଜ ପତ୍ନୀଙ୍କ ପାଖକୁ ଯାଉଥିଲେ । ଖବର ପାଇବା ପରେ ଫୁଲବାଣୀ ଭିଜିଲାନ୍ସ ଟିମ୍ ତାଙ୍କୁ ଅଟକାଇବା ସହ ଗାଡିରୁ ଟଙ୍କା ଜବତ କରିଥିଲା ।
କେବଳ ଏତିକି ନୁହେଁ ଆଇଆଇସି ଙ୍କୁ ମଧ୍ୟ ହେପାଜତରେ ନେଇଛି ଫୁଲବାଣୀ ଦୁର୍ନୀତି ନିବାରଣ ବିଭାଗ । ତେବେ ଏନେଇ ଗଣମାଧ୍ୟମରେ ନିଜ ପକ୍ଷ ରଖିଛନ୍ତି ଆଇଆଇସି ଧିରାଜ ଲେଙ୍କା ନିଜେ । ଆଇଆଇସି ଙ୍କ କହିବା ଅନୁଯାୟୀ, ସେସବୁ ଟଙ୍କା ତାଙ୍କ ନିଜର । ସେ ୫୦-୬୦ ଟଙ୍କା ଅନ୍ୟକୁ ଧାର ଦେଇଥିଲେ । ବାକି ଟଙ୍କା ତାଙ୍କ ପାଖରେ ଥିଲା । ସେ କୌଣସି ବେଆଇନ କାର୍ଯ୍ୟ କରିନାହାନ୍ତି ।
ଗଣମାଧ୍ୟମ ଆଗରେ କିନ୍ତୁ ନିଜ ମୁହଁ ଦେଖାଇ ନାହାନ୍ତି ଆଇଆଇସି ଧିରାଜ ଲେଙ୍କା । ସେ ଆହୁରି ମଧ୍ୟ କହିଛନ୍ତି, ସେ ଆଇଆଇସି ତେଣୁ ତାଙ୍କ ପାଖରେ ଏତେ ଟଙ୍କା ଅଛି । ଭିଜିଲାନ୍ସ ପ୍ରଥମେ ତାଙ୍କର ପରିବାର ବ୍ୟାକଗ୍ରାଉଣ୍ଡ ଓ ତାଙ୍କ କାର୍ଯ୍ୟ ତଦାରଖ କରନ୍ତୁ । ଲୋକଙ୍କ ସହ ତାଙ୍କର କିଭଳି ସମ୍ପର୍କ ସେସବୁ ତଦାରଖ କରିବା ପରେ ପ୍ରମାଣ ଦେଖାନ୍ତୁ । ତା’ପରେ ତାଙ୍କ ଉପରେ ଲଗାଇବେ ଏବଂ କାର୍ଯ୍ୟାନୁଷ୍ଠାନ ନେବେ ।
ଆଇଆଇସି ଲୋକଙ୍କ ଠାରୁ ଦଶହରା ଚାନ୍ଦା ଆଦାୟ କରିଥିବା ନେଇ ଟଣକ ବିରୁଦ୍ଧରେ ଉଠିଥିବା ଅଭିଯୋଗକୁ ସେ ଖଣ୍ଡନ କରିଛନ୍ତି । ଏନେଇ ପ୍ରଥମେ ପ୍ରମାଣ ବାହାର କରନ୍ତୁ ବୋଲି ସେ ଭିଜିଲାନ୍ସକୁ ଚ୍ୟାଲେଞ୍ଜ କରିଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।