ରିୟାଲିଟି ଶୋ’ “ମୁଁ ବି ହିରୋଇନ ହେବି” ରୁ ଯାତ୍ରା ଆରମ୍ଭ କରି ଓଲିଉଡରେ ନିଜର ସ୍ଵତନ୍ତ୍ର ପରିଚୟ ସୃଷ୍ଟି କରିଥିବା ଅଭିନେତ୍ରୀ ପ୍ରିୟଙ୍କା ପାଣିଗ୍ରାହୀଙ୍କ ଏକ ସ୍ଵତନ୍ତ୍ର ସାକ୍ଷାତକାର ବିଷୟରେ ଆମେ ଆପଣଙ୍କୁ କହିବୁ । ସେ ଜଣେ ମଡେଲ, ଅଭିନେତ୍ରୀ ଏବଂ ଜଣେ ୟୁଟ୍ଯୁବର । ସେ ଅନେକ ଫିଲ୍ମ ଓ ଧାରାବାହିକରେ ଅଭିନୟ କରି ଦର୍ଶକଙ୍କ ମନରେ ଛାପ ଛାଡି ଯାଇଛନ୍ତି । ପ୍ରିୟଙ୍କା ବିବାହ କରି ସାରିଥିବା ବେଳେ ବର୍ତ୍ତମାନ ତାଙ୍କ ପ୍ରେମ ଓ ବିବାହକୁ ନେଇ ଅନେକ କଥା କହିଛନ୍ତି ।
ତାଙ୍କର ଆଗକୁ ଏକ ଫିଲ୍ମ ଆସିବାକୁ ଥିବାବେଳେ ସେ ଓଲିଉଡରେ ନିଜ ଯାତ୍ରା ଓ ବ୍ୟକ୍ତିଗତ ଜୀବନକୁ ନେଇ ବେଶ ସୁନ୍ଦର ଯଥା ସବୁ କହିଛନ୍ତି । ଖେଳିବା ଏବଂ ପାଠପଢା ବ୍ଯତୀତ ତାଙ୍କର ଅଭିନୟ ଏବଂ ନୃତ୍ୟରେ ସେତେଟା ରୁଚି ନଥିଲା । ବାଲେଶ୍ଵରରେ ଯେତେବେଳେ “ମୁଁ ବି ହିରୋଇନ ହେବି” ର ଅଡିସନ ଚାଲିଥିଲା ସେ ଟାଣି ହୋଇ ଚାଲି ଆସିଥିଲେ । ଯେମିତିକି ତାଙ୍କ ଜୀବନ ତାଙ୍କ ପାଇଁ ଭିନ୍ନ କିଛି ରଖିଛି । ପ୍ରିୟଙ୍କା ନିଜେ ଲେଖିଥିବା ଏକ ଡାଇଲଗ ପ୍ରିପେୟାର କରି ଆସିଥିଲେ ଓ ଶୋ’ରେ ଆଗକୁ ବଢିଥିଲେ ।
ହେଲେ ଶେଷ ପର୍ଯ୍ୟନ୍ତ ସେ ଶୋ’ ଛାଡିଦେବେ ବୋଲି ଭାବୁଥିଲେ । କିନ୍ତୁ ଗୋଟିଏ ପରେ ଗୋଟିଏ ପାହାଚ ଉପରକୁ ଯିବା ପରେ ତାଙ୍କର ନିଜ ଉପରେ ବିଶ୍ବାସ ଆସିଥିଲା କି ସେ ଏହି କ୍ଷେତ୍ରରେ ହୁଏତ କିଛି କରିପାରିବେ ବୋଲି । ସେଠାରୁ ହିଁ ତାଙ୍କ ଅଭିନୟ ଯାତ୍ରା ଆରମ୍ଭ ହୋଇଥିଲା ଓ ତାଙ୍କୁ ତରଙ୍ଗ ଚ୍ଯାନେଲରୁ ସିରିଏଲ “ତେଜସ୍ବିନୀ” ପାଇଁ ତାଙ୍କୁ ଅଫର୍ ଆସିଥିଲା ।
ଅଭିନୟ ଜାଣି ନଥିବା ସତ୍ତ୍ୱେ ସେ ସେହିଠାରେ ହିଁ ଅଭିନୟ ଶିଖିଥିଲେ ଓ କାମ କରିଥିଲେ । ଦର୍ଶକ ତାଙ୍କ ଅଭିନୟ ବେଶ ପସନ୍ଦ କରିଥିଲେ ଓ ପ୍ରିୟଙ୍କା ଆଜି ଫିଲ୍ମ ମଧ୍ୟ କଲେଣି । ଉଷଶ୍ରୀ ମିଶ୍ରଙ୍କୁ ସେ ଧନ୍ୟବାଦ ଦେଇଛନ୍ତି କାରଣ ସେ ତାଙ୍କୁ ଶୁଟିଙ୍ଗ ଓ ଅଭିନୟକୁ ନେଇ ଅନେକ କିଛି ଶିକ୍ଷା ଦେଇଛନ୍ତି । ତେବେ 2019ରେ ପ୍ରିୟଙ୍କା ବିବାହ କରିଥିଲେ ସ୍ମାରକଙ୍କୁ ।
ସେହି ବର୍ଷ ଜାଗର ଉପବାସ ବେଳେ ସେ ଭୋକ ସମ୍ଭାଳି ନପାରି ଚାଟ୍ ଖାଇ ଦେଇଥିଲେ । ତେଣୁ ମହାଦେବ ତାଙ୍କର ଜଣେ ବଡ ଭକ୍ତଙ୍କ ସହ ତାଙ୍କର ବିବାହ ଠିକ କରି ଦେଇଥିଲେ ବୋଲି ସେ ମଜାରେ କୁହନ୍ତି । ତେବେ ବିବାହ ଓ ଜୀବନସାଥିଙ୍କୁ ନେଇ ତାଙ୍କ ମନରେ ଅନେକ ଧାରଣା ଥିଲା । କିନ୍ତୁ ଫିଲ୍ମରେ ଆମେ ଯେମିତି ଦେଖୁଚୁ ସେମିତି କିଛି ହୁଏନି ।
ଜୀବନସାଥି ଆପଣଙ୍କୁ ଓ ଆପଣଙ୍କ ସ୍ଵପ୍ନକୁ ବୁଝି ପାରୁଥିବା ଦରକାର ବୋଲି ପ୍ରିୟଙ୍କା ନିଜ ଅନୁଭୂତିରୁ କୁହନ୍ତି । ଫିଲ୍ମ ଓ ସିରିଏଲରେ ତ ସେ ଅନେକ ଥର ବିବାହ କରିଥିଲେ ତେଣୁ ତାଙ୍କ ଅସଲ ବିବାହ ସେତେ ଉପଭୋଗ କରି ପାରିବେନି ବୋଲି ସେ ଭାବିଥିଲେ । କିନ୍ତୁ ଏହା କୌଣସି ସ୍କ୍ରିପ୍ଟ ର ଅଂଶ ନଥିଲା ଏକଦମ ରିୟଲ ଥିଲା ।
ତେଣୁ ପ୍ରିୟଙ୍କା ସ୍ମାରକଙ୍କ ସହ ବେଶ ଖୁସି ଥିବା କହିଛନ୍ତି ଓ ଅଭିନୟ ଦୁନିଆରେ ମଧ୍ୟ ଆଗକୁ ଦର୍ଶକଙ୍କ ମନୋରଞ୍ଜନ ଜାରି ରଖିବେ ବୋଲି କହିଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।