ଅଲ୍ ଓଡିଶା ଡ୍ରାଇଭର ମହାସଂଘ ସରକାରଙ୍କ ନିକଟରେ 10 ଦଫା ଦାବି ନେଇ ଅନିର୍ଦ୍ଦିଷ୍ଟ କାଳ ପାଇଁ ଷ୍ଟିୟରିଂ ଛାଡ ଆନ୍ଦୋଳନର ଡାକରା ଦେଇଛି । ଦୁଇ ଦିନ ଧରି ସାରା ରାଜ୍ୟରେ ଏହି ଆନ୍ଦୋଳନର ପ୍ରଭାବ ଦେଖିବାକୁ ମିଳିଛି । ପ୍ରଥମ ଦିନରୁ ହିଁ ଏହି ଆନ୍ଦୋଳନର ପ୍ରଭାବ ତୀବ୍ର ହେବାରେ ଲାଗିଛି ଆଉ ଏହାର ଦ୍ଵିତୀୟ ଦିନ । ତେବେ ଡ୍ରାଇଭର ମହାସଂଘ କହିଥିଲା କି ସେମାନେ ଶାନ୍ତିପୂର୍ଣ୍ଣ ଆନ୍ଦୋଳନ କରିବେ ଓ ନିଜସ୍ଵ ଗାଡିରେ ଯିବା ଆସିବା କରୁଥିବା ଜନ ସାଧାରଣଙ୍କୁ କୌଣସି ପ୍ରକାରର ହଇରାଣ ହରକତ କରିବେ ନାହିଁ ।
କିନ୍ତୁ ତମାଣ୍ଡୋ ଅଞ୍ଚଳରେ ହେଉଥିବା ଆନ୍ଦୋଳନ ବେଳେ ଏହାର ସାମାନ୍ୟ ବ୍ୟତିକ୍ରମ ଦେଖିବାକୁ ମିଳିଛି । ଗତ କାଲି ଠାରୁ ନେଇ ସାରା ରାତି ସେମାନେ ଆନ୍ଦୋଳନରେ ରହିବା ସହ ଆଜି ମଧ୍ୟ ଆନ୍ଦୋଳନ ଜାରି ରଖିଛନ୍ତି ଡ୍ରାଇଭର ଭାଇମାନେ । ସେହି ଅଞ୍ଚଳରେ ଦେଖିବାକୁ ମିଳିଛି ମାଲ ବୋଝେଇ ଗାଡି ସବୁ ଗତକାଲି ସକାଳ 6ଟା ଠାରୁ ଲମ୍ବା ଲାଇନରେ ଅଟକି ରହିଛନ୍ତି ।
ଡ୍ରାଇଭର ମହାସଂଘ ଡାକରା ଦେଇଥିଲା କି ସେମାନେ କୌଣସି ଲୋକଙ୍କୁ ହଇରାଣ କରିବେ ନାହିଁ, ଅତ୍ୟାବଶ୍ୟକ ସାମଗ୍ରୀ ଯାଉଥିବା ଗାଡି, ପରୀକ୍ଷାର୍ଥୀ ଓ ଆମ୍ବୁଲାନ୍ସକୁ ଅଟକା ଯିବନାହିଁ କିମ୍ବା କୌଣସି ବସ୍ ଯାତ୍ରୀ ଆଦିଙ୍କୁ ଅଟକା ଯିବନାହିଁ ବୋଲି କହିଥିଲା । କିନ୍ତୁ ରାଜଧାନୀ ଭୁବନେଶ୍ବରକୁ ଛାଡି ଦେଲେ ବାକି ସବୁ ସ୍ଥାନ ମାନଙ୍କରେ ଗାଡିମାନଙ୍କୁ ଅଟକା ଯାଉଥିବା ଦେଖିବାକୁ ମିଳୁଛି । ବାହାର ସ୍ଥାନ ମାନଙ୍କରେ ଯାତ୍ରୀବାହୀ ଗାଡି ଓ ଅତ୍ୟାବଶ୍ୟକ ସାମଗ୍ରୀ ଯାଉଥିବା ଗାଡିକୁ ଅଟକା ଯାଉଥିବାର ନଜର ରହିଛି ।
ସବୁଠୁ ବଡ କଥା ହେଲା ଡ୍ରାଇଭର ମହାସଂଘକୁ ଆଉ ଏକ ଡ୍ରାଇଭର ମହାସଂଘ ଚ୍ୟାଲେଞ୍ଜ ଦେଇଛି । ଆଜି ରାଜଧାନୀର ଅନଲାଇନରେ ଥିବା ଅଟୋଚାଳକ ସଂଘ ରାଜରାସ୍ତାକୁ ଓହ୍ଲାଇଛନ୍ତି । କାରଣ ଗତକାଲି ଅନେକ ସ୍ଥାନରେ ଅଟୋଚାଳକଙ୍କୁ ଅଟକା ଯାଇଥିଲା ଓ ଫୁଲମାଳ ଦେଇ ଏକ କାର୍ଡବୋର୍ଡରେ ଲେଖା ଯାଇଥିଲା କି, ମୁଁ ଡ୍ରାଇଭର ଜାତି ପାଇଁ କଳଙ୍କ । ଆଉ ଏହାକୁ ଚ୍ୟାଲେଞ୍ଜ କରି ଆଜି ଅନଲାଇନ ଅଟୋଚାଳକ ମହାସଂଘ ପକ୍ଷରୁ ରାଜଧାନୀରେ ଡାକରା ଆନ୍ଦୋଳନ ଦିଆଯାଇଛି ।
ତେବେ ଡ୍ରାଇଭର ମହାସଂଘ କିନ୍ତୁ ଏହି ଆରୋପକୁ ପ୍ରତ୍ୟାଖ୍ୟାନ କରିଛି । ସେମାନେ କେବଳ ଫୁଲମାଳ ଦେଇଥିଲେ ବୋଲି କହିଛନ୍ତି ଜଣେ ଡ୍ରାଇଭର ଭାଇ । ଅଟୋଚାଳକ ମାନେ ନିଜେ ନିଜେ କାର୍ଡବୋର୍ଡରେ ଏଭଳି ଲେଖି ଧରିଥିଲେ ଓ ଡ୍ରାଇଭର ମହାସଂଘର ନାଁ ଦେଇଥିଲେ ବୋଲି ସେମାନେ କହିଛନ୍ତି । ତେବେ ଦେଖାଯାଉ ଏହି ଆନ୍ଦୋଳନ ଆଗକୁ କେଉଁ ମୋଡ ନେଉଛି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।