ମୁଁ ମାତ୍ର ୫ଦିନ ପାଇଁ ଭୁବନେଶ୍ବର ଯାଇଥିଲି । ଆଉ ତା’ ଭିତରେ ଶ୍ଵଶୁର ହୋଇ ତୁମେ ଏତେ ସବୁ କାଣ୍ଡ କରିଦେଲ ! ମୋ ଅନୁପସ୍ଥିତିର ସୁଯୋଗ ନେଇ ମୋ ଝିଅ ଦୀପିକାକୁ ତୁମେ ଘରକୁ ଡାକିଲ । ଆଉ କଣ କହୁଥିଲ ଗ୍ଯାରେଜ ତା’ ଘର କାର୍ ତା’ ବର ? କାନ ଖୋଲି ଶୁଣି ନିଅ ତୁମ ପୁଅ ଦିନେଶ ତା’ ବର ଆଉ ତା’ ଶ୍ଵଶୁର । ତୁମେ ଯେଉଁ କାଣ୍ଡ କରିଛ ଆଉ ଯାହାସବୁ କହିଛ ଏମିତି ଯଦି ଆଉ ଥରେ କର ତେବେ ତୁମକୁ ବହୁ ଅସୁବିଧା ଭୋଗିବାକୁ ପଡିବ । ତା’ ଜବାବ ମୁଁ ଦେବିନି ହେଲେ ତୁମ ବୋହୂ ଦୀପିକା ଦେବ ।
ଆଉ ମୁଁ ଛିଡା ହୋଇ ସବୁ ଦେଖିବି । ମୋ ଅନୁପସ୍ଥିତିର ତୁମେ ବହୁ ସୁବିଧା ଉଠେଇଲ । ଝିଅର ପରିବା ଉପରେ ସର୍ଫ ପାଣି ପକାଇ ପୁଚୁକା କରିଦେଲ । କେହି ନଥିବା ବେଳେ ଦୀପିକାକୁ ଘରକୁ ଡାକିଲ ଆଉ ଗ୍ଯାରେଜ ଘରେ ରହିବାକୁ କହିଲ । ମୁଁ ଗୋଟେ ମା’ ହୋଇ କେମିତି ସହିବି ଏସବୁ ! ଆଉ ଥରେ କହୁଛି ତୁମେ କାନ ଖୋଲି ଶୁଣି ନିଅ, ଯଦି ମୋ ଝିଅ ଯିବ ତେବେ ତା’ ଶାଶୁଘରକୁ ଯିବ । ବୋହୂର ଅଧିକାର ନେଇ ଶାଶୁଘରେ ରହିବ ।
ଆଉ ମୋ ନାତିଟୋକାକୁ ତା’ ବାପାର ପରିଚୟ ମିଳିବ । ଆଉ ତୁମେ ତାକୁ ଗ୍ଯାରେଜରେ ରହିବା ପାଇଁ କହୁଛ ! କାଇଁ ତୁମ ମନକୁ ପଚାର ମୋ ଝିଅ ଏମିତି କଣ ଭୁଲ କରିଛି । ଯଦି ପୁଅ ଓ ଝିଅ ଉଭୟ ଭୁଲ କରିଛନ୍ତି ତେବେ ତୁମେ ଜଣକୁ ଆଦରି ଆଉ ଜଣଙ୍କୁ କାହିଁକି ପର କରିଦେଉଛ ? ବୋହୂକୁ ତ ପର କଲ ହେଲେ ନିରୀହ ନାତିଟିକୁ କଣ ନିଜର କରି ପାରିଲନି ?
ତୁମେ ତ ଯାହା ଚାହୁଁଥିଲ ତାହା ହେଲା। ଡ଼ିଏନଏ ଟେଷ୍ଟ ହେଲା ଆଉ ସତ ବି ଜଣାପଡିଲା । ତା’ପରେ ବି ତୁମେ କାହିଁକି ଏ ନାଟକ ଖେଳୁଛ ? କାହିଁକି ସମୟ ଓ ଅସୁବିଧାର ସୁଯୋଗ ନେଇ ଆମକୁ ହଇରାଣ କରୁଛ ? ମୋ ଝିଅ ପ୍ରେମ କରିଛି ଆଉ ତା’ ହକ୍ ପାଇବା ପାଇଁ ତା’ ଛୁଆର ବାପାର ଘରଆଗରେ ବସିଛି ।
ଯେପର୍ଯ୍ୟନ୍ତ ସେ ନ୍ୟାୟ ପାଇନି ସେପର୍ଯ୍ୟନ୍ତ ଏଠାରୁ ସେ ଉଠିବନି । ଏମିତି କିଛି ଦିନେଶଙ୍କ ବାପାଙ୍କୁ ଟାର୍ଗେଟ କରି କହିଛନ୍ତି ଭୁବନେଶ୍ବରରୁ ଦୀପିକାଙ୍କ ପାଖକୁ ଫେରିଥିବା ପ୍ରମିଳା ତ୍ରିପାଠୀ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।