ସାରା ଦେଶରେ ଚାଞ୍ଚଲ୍ୟ ସୃଷ୍ଟି କରିଥିବା ଦିଲ୍ଲୀର ଶ୍ରଦ୍ଧା ୱାକର ମର୍ଡର ଏବେବି ଭୁଲି ପାରୁନାହାନ୍ତି ଲୋକେ । ଶ୍ରଦ୍ଧା ଓ ଅଫତାବଙ୍କ ପ୍ରେମ ସମ୍ପର୍କକୁ ନେଇ ପ୍ରତିଦିନ କିଛି ନା କିଛି ନୂଆ ତଥ୍ୟ ସାମ୍ନାକୁ ଆସୁଛି । ମୃତ୍ୟୁ ପୂର୍ବରୁ ବି ଶ୍ରଦ୍ଧା ମରି ମରି ବଞ୍ଚୁଥିଲେ । ଅଫତାବ ସାଙ୍ଗରେ ରହିବାକୁ ଚାହୁଁ ନଥିଲେ ବି ତା’ ଜାଲରୁ ମୁକୁଳି ପାରୁ ନଥିଲେ । ଏନେଇ ପୋଲିସକୁ ସବୁ ସତ ଜଣାଇଥିଲେ ଶ୍ରଦ୍ଧା । ପୋଲିସକୁ ଦେଇଥିବା ଏକ ରିପୋର୍ଟରେ ଶ୍ରଦ୍ଧା ଲେଖିଥିଲେ, “ମୁଁ ଶ୍ରଦ୍ଧା ୱାକର, ମୋତେ 25 ବର୍ଷ ।
26 ବର୍ଷୀୟ ଅଫତାବ ପୁନାବାଲାଙ୍କ ନାଁରେ ମୁଁ ରିପୋର୍ଟ କରିବାକୁ ଚାହୁଁଛି । ସେ ବିଜୟନଗର କମ୍ପ୍ଲେକ୍ସର ରିଗଲ୍ ଆପାର୍ଟମେଣ୍ଟରେ ରୁହେ । ମୋତେ ଗାଳିଗୁଲଜ କରିବା ସହ ମାରପିଟ କରୁଛି ଅଫତାବ । ସେ ଆଜି ମୋ ତଣ୍ଟି ଚିପି ମୋତେ ଜୀବନରୁ ମାରି ଦେବାକୁ ଚେଷ୍ଟା କରିଛି । ମୋତେ ମାରି ଖଣ୍ଡ ଖଣ୍ଡ କରି ଫିଙ୍ଗିଦେବାକୁ ଧମକ ଦେଇଛି ଅଫତାବ । 6 ମାସ ହେବ ଅଫତାବ ମୋତେ ମାରପିଟ କରିବା ସହ ବ୍ଲାକମେଲ କରୁଛି ।
କିନ୍ତୁ ପୋଲିସ ପାଖରେ ଅଭିଯୋଗ କରିବାକୁ ମୋର ସାହାସ ନଥିଲା । କାରଣ ସେ ମୋତେ ହତ୍ୟା କରିବ ବୋଲି ଧମକ ଦେଉଥିଲା । ଅଫତାବ ର ଘରଲୋକ ବି ଏସବୁ କଥା ଜାଣନ୍ତି । ଆମେ ଦୁହେଁ ଏକାଠି ରହୁଛି ବୋଲି ସେମାନେ ଜାଣନ୍ତି । ସପ୍ତାହନ୍ତରେ ଆମ ପାଖକୁ ଆସନ୍ତି ଅଫତାବ ର ପରିବାର ଲୋକ । ଅଫତାବଙ୍କ ପରିବାର ରାଜି ଓ ଆମର ଶୀଘ୍ର ବାହାଘର ହେବ ।
କିନ୍ତୁ ମୁଁ ଆଉ ଅଫତାବ ସାଙ୍ଗେ ରହିବାକୁ ଚାହୁଁନି । ଯଦି ମୋତେ କିଛି ଆଘାତ ଲାଗେ ତେବେ ଏଥିପାଇଁ ଅଫତାବ ହିଁ ଦାୟୀ ରହିବ ।” 23 ନଭେମ୍ବର 2022 ରେ ମୁମ୍ବାଇର ଏକ ପୋଲିସ ଷ୍ଟେସନରେ ଏମିତି ଏକ ରିପୋର୍ଟ ଲେଖି ବଞ୍ଚିବାକୁ ଗୁହାରି କରିଥିଲେ ଶ୍ରଦ୍ଧା ୱାକର । କାରଣ ସେ ହୁଏତ ଜାଣି ସାରିଥିଲେ ଯେ, ଅଫତାବ ତାବଙ୍କୁ ସତରେ ଦିନେ ମାରି ପିସ୍ ପିସ୍ କରିଦେବ । ଶେଷରେ ସତରେ ପରିଣତ ହୋଇଗଲା ଶ୍ରଦ୍ଧାଙ୍କ ଡର ।
ତେବେ ପରବର୍ତ୍ତୀ ସମୟରେ ଅଫତାବଙ୍କ ନାଁରେ ଦେଇଥିବା ଅଭିଯୋଗକୁ ଶ୍ରଦ୍ଧା ଉଠାଇ ନେଇଥିଲେ ବୋଲି ପୋଲିସ କହିଛି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।