ମନରେ ଅଜସ୍ର କଷ୍ଟ ବୋହି ଭାଇ ମୁହଁରେ ମୁଖାଗ୍ନି ଦେଉଛନ୍ତି ବଡ ଭାଇ ଅମ୍ଳାନ । ମିହିର ଦାସଙ୍କ ସାନ ପୁଅ ଅକ୍ଲାନ୍ତଙ୍କ ଅକାଳରେ ପରଲୋକ ଘଟିବା ପରେ ସାନ ଭାଇର ଅନ୍ତିମ ସଂସ୍କାର କରୁଛନ୍ତି ବଡ ଭାଇ ଅମ୍ଳାନ ଦାସ । ନିଷ୍ଠୁର ସମୟ ଯେ କେତେବେଳେ କଣ ଘଟାଇଦିଏ ତାହା କିଏ ପାରିବ । ଏଇ ମାତ୍ର ବର୍ଷେ ତଳେ ଆରପାରିକୁ ଚାଲି ଯାଇଥିଲେ ଓଡିଆ ଫିଲ୍ମ ଜଗତର ବର୍ଷୀୟାନ ଅଭିନେତା ମିହିର ଦାସ । ଆଉ ଏବେ ତାଙ୍କ ପଛକୁ ସାନ ପୁଅ ଅକ୍ଲାନ୍ତଙ୍କର ମଧ୍ୟ ପରଲୋକ ହୋଇଛି ।
ବାପାଙ୍କ ଯିବାର କିଛି ବର୍ଷ ପୂର୍ବରୁ ଅମ୍ଳାନଙ୍କ ମାଆ ମଧ୍ୟ ଆରପାରିକୁ ଚାଲି ଯାଇଥିଲେ । ମା’ ଓ ବାପାଙ୍କ ମୁହଁରେ ମୁଖାଗ୍ନି ଦେଇଥିବା ଘରର ବଡ ପୁଅ ଆଜି ନିଜ ସାନ ଭାଇକୁ ମଧ୍ୟ ମୁଖାଗ୍ନି ଦେଇଛି । ଛାତିରେ କେତେ ଯେ ଯନ୍ତ୍ରଣା ଚାପି ରଖିଥିବେ ସେକଥା କେବଳ ଅମ୍ଳାନ ହିଁ ଅନୁଭବ କରି ପାରୁଥିବେ । କୁହାଯାଉଛି ବାପା ମିହିର ଦାସ ଚାଲିଯିବା ପରେ ତାଙ୍କ ସାନ ପୁଅ ଅକ୍ଲାନ୍ତ ଦାସ ମାନସିକ ଭାରସାମ୍ୟ ହରାଇ ବସିଥିଲେ ।
ଅକ୍ଲାନ୍ତ ବାପାଙ୍କୁ ଖୁବ ଭଲ ପାଉଥିଲେ ଆଉ ବାପା ବି ସାନ ପୁଅକୁ ସବୁଠୁ ଅଧିକ ଭଲ ପାଉଥିଲେ । ତେଣୁ ଅଚାନକ ବାପାଙ୍କୁ ହରାଇବା ପରେ ଅକ୍ଲାନ୍ତ ମାନସିକ ସ୍ତରରେ ଭାଙ୍ଗି ପଡିଥିଲେ । ଅକ୍ଲାନ୍ତ ଡିପ୍ରେସନରେ ରହୁଥିଲେ ଏବଂ ତାଙ୍କ ଲିଭର ଜନିତ ସମସ୍ଯା ଯୋଗୁଁ ମଧ୍ୟ ସେ ବାରମ୍ବାର ଅସୁସ୍ଥ ହୋଇ ପଡୁଥିଲେ ।
ଗତ କିଛିଦିନ ହେବ ଭୁବନେଶ୍ବର ସ୍ଥିତ AIIMS ହସ୍ପିଟାଲରେ ସେ ଚିକିତ୍ସିତ ହୋଇ ଆସୁଥିଲେ । ଆଉ ଆଜି ବାପାଙ୍କୁ ଝୁରି ଝୁରି ଶେଷ ନିଃଶ୍ଵାସ ତ୍ୟାଗ କରିଛନ୍ତି ଅକ୍ଲାନ୍ତ ଦାସ । ତାଙ୍କ ମୃତ୍ୟୁ ପରେ ବଡ ଭାଇ ଅମ୍ଳାନ ଦାସ କଟକ ସତୀଚଉଡ଼ା ସ୍ଥିତ ଶ୍ମଶାନରେ ସାନ ଭାଇ ଅକ୍ଲାନ୍ତ ଦାସଙ୍କ ଅନ୍ତିମ ସଂସ୍କାର ସମ୍ପନ୍ନ କରିଛନ୍ତି । ତେବେ ଅକ୍ଲାନ୍ତଙ୍କ ମୃତ୍ୟୁ ବେଳକୁ ତାଙ୍କୁ ମାତ୍ର 26 ବର୍ଷ ବୟସ ହୋଇଥିଲା ।
ଗତ ଏକ ମାସ ଧରି ସେ ହସ୍ପିଟାଲରେ ଚିକିତ୍ସାଧୀନ ଥିବାବେଳେ ଗତକାଲି ରାତି ପ୍ରାୟ 12ଟା ବେଳେ ତାଙ୍କର ମୃତ୍ୟୁ ହୋଇଥିବା ଜଣାପଡିଛି । ଏହି ନିଷ୍ଠୁର ସତ୍ୟ ବିଶ୍ବାସ ନହେଲେ ମଧ୍ୟ ସତ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।