କଟକ ଭଦିମୂଳ ଠାରେ ମହାନଦୀରେ ଘଟିଛି ଏକ ବଡ ଅଘଟଣ । ମହାନଦୀରେ ଗାଧୋଇବାକୁ ଯାଇ ଭାସି ଯାଇଛନ୍ତି ଚାରି ସାଙ୍ଗ । ଗତ ରାତିରେ ହିଁ ଜଣେ ନାବାଳକ ଙ୍କର ମୃତଦେହ ମିଳିଥିବା ବେଳେ ଆଜି ସକାଳେ ଆଉ ଦୁଇ ଜଣଙ୍କର ମୃତଦେହ ମିଳିଥିଲା । କିନ୍ତୁ ଆଉ ଜଣେ ନାବାଳକ ଏବେ ପର୍ଯ୍ୟନ୍ତ ମଧ୍ୟ ନିଖୋଜ ଅଛନ୍ତି । ଘଟଣାସ୍ଥଳରେ ଓଡ୍ରାଫ ଓ ଅଗ୍ନିଶମ ବାହିନୀ ନିୟୋଜିତ ଅଛନ୍ତି । ଯାହାଫଳରେ ବର୍ତ୍ତମାନ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।
ମିଳିଥିବା ତିନିଜଣ ନାବାଳକଙ୍କ ମଧ୍ୟରୁ ଦୁଇ ଜଣ ନୂଆବଜାର ତୋଟାପୋଖରୀ ଅଞ୍ଚଳର ହୋଇଥିବା ବେଳେ ଅନ୍ୟ ଜଣେ ଚାଉଳିଆଗଞ୍ଜ ଅପର୍ଣ୍ଣା ନଗର ଅଞ୍ଚଳର ବୋଲି ଜଣାପଡିଛି । ଏହି ଚାରି ଜଣ ସାଙ୍ଗ ଗତକାଲି କଟକ ବିଦ୍ୟାଧରପୁର ଭଦିମୂଳକୁ ଗାଧୋଇବା ପାଇଁ ଯାଇଥିବା ବେଳେ ଭାସି ଯାଇଥିଲେ । ଘଟଣାସ୍ଥଳରେ ଦୁଇଟି ସାଇକେଲ ଓ ଚାରି ହଳ ଚପଲ ମଧ୍ୟ ମିଳିଛି ।
ଏହି ସମସ୍ତ ଛାତ୍ରଙ୍କ ନାମ ହେଉଛି କ୍ଷେତ୍ରବାସୀ ବେହେରା, ଆକାଶ ବାହାଳିଆ, ଚନ୍ଦନ ବେହେରା ଓ ଶୁଭମ ସେଠୀ । ତେବେ ଶୁଭମ ଏବେ ଯାଏଁ ମଧ୍ୟ ନିଖୋଜ ଅଛନ୍ତି । ତେବେ ଏପରି ଏକ ଅଘଟଣ ପାଇଁ ସ୍ଥାନୀୟ ଲୋକେ ସେମାନଙ୍କ ପିତାମାତାଙ୍କୁ ହିଁ ଦାୟୀ କରିଛନ୍ତି । ପିତାମାତା ପିଲାମାନଙ୍କ ଯତ୍ନରେ ଅବହେଳା କରିବାରୁ ଆଜି ସେମାନେ କାହାକୁ ନକହି ନଦୀକୁ ଗାଧୋଇବା ପାଇଁ ଯାଇ ଭାସିଗଲେ ବୋଲି ସମସ୍ତେ କଥା ହେଉଛନ୍ତି ।
ତେବେ ଏହା ମଧ୍ୟରେ ଜଣେ ଛାତ୍ରଙ୍କର ଏକ ଭିଡିଓ ମିଳିଛି । ଯେଉଁଥିରେ ସେ ଏକ ସୁନ୍ଦର ବଲିଉଡ ଗୀତ ଗାଉଥିବାର ଆପଣ ଦେଖିବାକୁ ପାଇବେ । ମୃତ୍ୟୁ ପୂର୍ବରୁ ଏହା ତାଙ୍କର ଶେଷ ଗୀତ ତଥା ଭିଡିଓ ଥିଲା । ପଞ୍ଜାବୀ ତଥା ବଲିଉଡ ଗାୟକ ବି. ପ୍ରାକ ଗାଇଥିବା ରହି ଗୀତ ‘ପଛତାଓଗେ’ କୁ ସେ ଖୁବ ଭଲ ଭାବେ ଗାଇ ରେକର୍ଡ କରିଛନ୍ତି । ଯାହା ଶୁଣିଲେ ଆପଣଙ୍କୁ ମଧ୍ୟ ଖୁବ୍ ଭଲ ଲାଗିବ ।
ଛୋଟ ପିଲାଟି ଗାଇ ଯାଇଥିବା ଏହି ଗୀତ ଯେ ତା’ ଜୀବନର ଶେଷ ଗୀତ ଥିଲା କିଏ ଜାଣିଥିଲା । ଏହି ଗୀତକୁ ଦେଖି ତାଙ୍କ ପରିବାର ଲୋକେ ତାଙ୍କୁ ଆହୁରି ଝୁରି ହେଉଛନ୍ତି । ବି. ପ୍ରାକ ଗାଇଥିବା ଓ ବଲିଉଡ ଅଭିନେତା ଭିକି କୌଶଲ ଏବଂ ଅଭିନେତ୍ରୀ ନୁରା ଫତେହୀ ଅଭିନୀତ ଏହି ଗୀତ ଖୁବ ହାଇସ୍କେଲରେ ଥିବା ବେଳେ ଛୋଟ ପିଲାଟି ଖୁବ ଦକ୍ଷତାର ସହ ଗୀତଟିକୁ ଗାଇଛନ୍ତି । ଯାହା ଶୁଣିଲେ ଆପଣ ମଧ୍ୟ ଭାବୁକ ହୋଇଯିବେ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।