ମୃତ୍ୟୁ କେତେବେଳେ କେଉଁ ଭେଶରେ କାହା ପାଇଁ ଛକି ବସିଥାଏ କେହି ଜାଣି ନଥାନ୍ତି । କିନ୍ତୁ କିଛି ଲୋକ ମୃତ୍ୟୁକୁ ଚକମା ଦେଇ ଫେରି ଆସିବାର ମଧ୍ୟ ଦେଖାଯାଏ । ଏହିଭଳି ଏକ ଘଟଣା ଦେଖିବାକୁ ମିଳିଛି କେନ୍ଦ୍ରପଡା ଜିଲ୍ଲାରେ । କୁମ୍ଭୀର ମୁହଁରୁ ରକ୍ଷା ପାଇଛନ୍ତି ନାବାଳକ । କୁମ୍ଭୀର ଠାରୁ ସଂଘର୍ଷ କରି ନିଜ ଜୀବନ ବଞ୍ଚାଇବାରେ ସଫଳ ହୋଇଛନ୍ତି ଏହି ସାହସୀ ନାବାଳକ । ଘଟଣାଟି ହେଉଛି କେନ୍ଦ୍ରପଡା ପଟ୍ଟାମୁଣ୍ଡାଇ ବଲୁରିଆ ଅଞ୍ଚଳର ଅରାଜି ଗାଁ’ର ।
କାଣୀ ନଦୀରେ ଗାଧୋଇବା ବେଳେ ନାବାଳକଙ୍କୁ କୁମ୍ଭୀର ଟାଣି ନେଇଥିଲା । ସୂଚନା ମୁତାବଳ କିଛି ନାବାଳକ ସାଙ୍ଗ ଏକାଠି ସାଙ୍ଗ ହୋଇ ନଦୀକୁ ଗାଧୋଇବା ପାଇଁ ଯାଇଥିଲେ । କିନ୍ତୁ ଗାଧୋଉଥିବା ବେଳେ ହଠାତ କିଛି ନାବାଳକ କୁମ୍ଭୀର ମୁଣ୍ଡ ଟେକିଥିବା ଦେଖିଥିଲେ । ଏହାପରେ ସେମାନେ କୁମ୍ଭୀର ବୋଲି ପାଟି କରିବା ସହ ଉପରକୁ ଉଠି ଆସିଥିଲେ । ହେଲେ କୁମ୍ଭୀର ଦ୍ଵାରା ଆହତ ହୋଇଥିବା ନାବାଳକ ଜଣକ ଏହା ବିଶ୍ବାସ କରି ନଥିଲେ । ସେ ଭାବିଥିଲେ କି ତାଙ୍କ ସାଥି ପିଲା କେହି ଭାସୁଛି ବୋଲି ।
କିନ୍ତୁ କୁମ୍ଭୀରକୁ ଦେଖି ତା’ ଠାରୁ ରକ୍ଷା ପାଇବାକୁ ଚେଷ୍ଟା କରିବା ବେଳକୁ ଖୁବ ଡେରି ହୋଇ ଯାଇଥିଲା । କୁମ୍ଭୀର କବଳରୁ କିପରି ରକ୍ଷା ପାଇଲେ ସେକଥା ନିଜେ ବଖାଣିଛନ୍ତି ନାବାଳକ ଜଣକ । କୁମ୍ଭୀରଟି ପ୍ରଥମେ ନାବାଳକଙ୍କ ହାତକୁ ଧରି ଟାଣିଥିଲା । କିନ୍ତୁ ସେ ଛାତିପିଟି ହୋଇ କୁମ୍ଭୀର ମୁହଁରୁ ହାତକୁ ଛଡେଇ ଉପରକୁ ଉଠି ଆସିବାକୁ ଚେଷ୍ଟା କରିବା ବେଳେ କୁମ୍ଭୀର ତାଙ୍କ ବାମ ଗୋଡକୁ ପାଟିରେ ଟାଣି ଧରିଥିଲା ।
କୁମ୍ଭୀର ପାଟିରେ ଆହତ ହୋଇ ମଧ୍ୟ ଲଢେଇ କରିବା ଛାଡି ନଥିଲେ ନାବାଳକ । ସେ ନିଜ ହାତରେ କୁମ୍ଭୀରର ପାଟିକୁ ଖୋଲି ଗୋଡକୁ ଛଡେଇ ଥିଲେ ଓ ପହଁରି ଆସିବା ପାଇଁ ଚେଷ୍ଟା କରିଥିଲେ । କୁମ୍ଭୀର କିନ୍ତୁ ତାଙ୍କୁ ଛାଡୁ ନଥିଲା । ତାଙ୍କୁ ବାରମ୍ବାର କାମୁଡି ଧରିବା ସହ ନିଜ ପେଟତଳେ ଜାବୁଡି ଧରି ମାରି ଦେବାକୁ ଚେଷ୍ଟା କରୁଥିଲା । କିନ୍ତୁ କୁମ୍ଭୀର ସହ ଲଢେଇ କରି କୁଳକୁ ପଳେଈ ଆସିଥିଲେ ନାବାଳକ । ଏହାରି ଭିତରେ ସେ ନାଏକ ଥର ପାଣି ମଧ୍ୟ ପିଇ ଦେଇଥିଲେ ।
ତେବେ କୁଳକୁ ଆସିବା ପରେ ସେଠାରୁ ତାଙ୍କ ବନ୍ଧୁମାନେ ତାଙ୍କୁ ଟେକି ଆଣିଥିଲେ । କୁମ୍ଭୀରଟି ତଥାପି ଉପରକୁ ଉଠି ଆସିଥିଲା । ସେଇଠୁ ସେମାନେ ବିଲ ଆଡକୁ ପଳାଇ ପ୍ରାଣ ରକ୍ଷା କରିଥିଲେ । ନାବାଳକଙ୍କ ସାହସିକତାକୁ ସମସ୍ତେ ପ୍ରଶଂସା କରୁଛନ୍ତି ଓ କୁମ୍ଭୀର ସହ ସେହି ୧୫ ମିନିଟ ଧରି ଲଢେଇ କଥା ଶୁଣିଲେ ଯେକେହି ମଧ୍ୟ ଭୟରେ ଥରିଉଠିବ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।