ଗରମ କ୍ଷୀରରେ ମହୁ ମିଶାଇ ପିଇବା ଶରୀର ପାଇଁ ଉପକାରୀ ହୋଇଥାଏ । ଏହାକୁ ସେବନ କରିବା ଦ୍ଵାରା ଅନେକ ରୋଗରୁ ମଧ୍ୟ ମୁକ୍ତି ମିଳିଥାଏ । ମହୁରେ ଆଣ୍ଟି-ଅକ୍ସିଡେଣ୍ଟ, ଆଣ୍ଟି-ବ୍ୟାକ୍ଟେରିୟାଲ ଓ ଆଣ୍ଟି-ଫଗଲ ପ୍ରପର୍ଟି ରହିଥାଏ । କ୍ଷୀର ଏକ ସମ୍ପୂର୍ଣ୍ଣ ଆହାର ଅଟେ । କ୍ଷୀରରେ ଭିଟାମିନ ଏ, ଭିଟାମିନ ବି, ଓ ଭିଟାମିନ ଡି ମିଳେ । ଏଥିରେ କ୍ୟାଲସିୟମ, ପ୍ରୋଟିନ ଓ ଲ୍ୟାକ୍ଟିକ ଏସିଡ ପ୍ରଚୁର ମାତ୍ରାରେ ରହିଥାଏ । ଏହି ସବୁ ମିଶ୍ରଣ ମହୁ ଓ କ୍ଷୀରରେ ଦେଖିବାକୁ ମିଳିଥାଏ,ସେଥିପାଇଁ କ୍ଷୀର ଓ ମହୁ ମିଶାଇ ପିଇଲେ ବିଭିନ୍ନ ରୋଗରୁ ଉପଶମ ମିଳେ ଏବଂ ଶରୀର ପାଇଁ ହିତକାରୀ ହୋଇଥାଏ ।
କ୍ଷୀର ଓ ମହୁ ମିଶାଇ ପିଇଲେ ଶରୀର ସୁସ୍ଥ ରୁହେ । ଅନେକ ରୋଗରୁ ମଧ୍ୟ ଉପଶମ ମିଳେ । ହାଡ ଜନିତ ରୋଗ, ବୟସ ଜନିତ ରୋଗ ଯଥା ଆଣ୍ଠୁ ଗଣ୍ଠି ବ୍ୟଥାରୁ ରକ୍ଷା ମିଳେ । କ୍ଷୀର ଓ ମହୁ ଦୁଇଟିରେ କ୍ୟାଲସିୟମର ପରିମାଣ ଅଧିକ ରହିଥାଏ । ଗରମ କ୍ଷୀର ସହ ମହୁ ମିଶାଇ ପିଇବା ଦ୍ଵାରା ଶ୍ଵାସ ଜନିତ ସମସ୍ୟାରୁ ମଧ୍ୟ ଉପଶମ ମିଳେ ।
କ୍ଷୀର ଓ ମହୁ ସେବନ କରିବା ଦ୍ଵାରା ସ୍କିନ ମଧ୍ୟ ଗ୍ଲୋ କରେ । ଏହା ଦ୍ଵାରା ଶରୀରକୁ ମଧ୍ୟ ଆରାମ ମିଳେ । ବହୁ ସମୟ ଧରି ଯବାନ ଦେଖାଯିବା ପାଇଁ ଗ୍ରୀକ, ରୋମାନ, ଇଜିପ୍ଟ, ଭାରତ ଆଦି ଦେଶରେ ଆଣ୍ଟିଏଜିଙ୍ଗ ପ୍ରପର୍ଟୀ ରୂପରେ ଏହାର ସେବନ କରାଯାଏ ।
କ୍ଷୀର ଓ ମହୁ ଦୁଇଟି ଯାକ ବ୍ୟାକ୍ଟେରିୟାକୁ ବିନାଶ କରିବାରେ ସାହାଯ୍ୟ କରନ୍ତି । କ୍ଷୀର ଓ ମହୁ ମିଶାଇ ପିଇବା ଦ୍ଵାରା ସ୍କିନ ଗ୍ଲୋ କରେ । ଏହା ଦ୍ଵାରା ଶରୀରକୁ ଇମ୍ୟୁନିଟୀ ମିଳେ । କ୍ଷୀର ଓ ମହୁକୁ ସମାନ ମାତ୍ରାରେ ମିଶାଇ ସେଥିରେ ସେହି ସମାନ ପରିମାଣର ପାଣି ମିଶାଇ ଗାଧେଇବା ଦ୍ଵାରା ସ୍କିନରେ ଚମକ ଆସିଥାଏ । ଏହା ଥିଲା କ୍ଷୀର ଓ ମହୁ ସେବନର ଉପକାରିତା ।