ଭୁବନେଶ୍ବର ଖଣ୍ଡଗିରି ବସ୍ ଟର୍ମିନାଲ ଅଞ୍ଚଳରେ ପରିତ୍ୟକ୍ତ ଅବସ୍ଥାରେ ପଡି ରହିଥିବା ବସ୍ ଭିତରେ ଚାଲିଛି କିନ୍ନରଙ୍କ ଅନୈତିକ କାର୍ଯ୍ୟ । ଖଣ୍ଡଗିରି ଭଳି ଐତିହ୍ୟସ୍ଥଳୀକୁ ପ୍ରତିଦିନ ରାଜ୍ୟ ଏବଂ ରାଜ୍ୟ ବାହାରୁ ଅନେକ ସଂଖ୍ଯାରେ ପର୍ଯ୍ୟଟକମାନେ ଆସିଥାନ୍ତି । ଏହାସହ ଅନେକ ହାଉସିଂ ଆପାର୍ଟମେଣ୍ଟ ମଧ୍ୟ ସେହି ଅଞ୍ଚଳରେ ରହିଛି, ଯେଉଁଠି ଅନେକ ସମ୍ଭ୍ରାନ୍ତଶୀଳ ଲୋକମାନେ ରହୁଛନ୍ତି । ହେଲେ ସେହି ଅଞ୍ଚଳରେ ଏଭଳି କାର୍ଯ୍ୟ ନିହାତି ଭାବେ ଏକ ଲଜ୍ଜାର ବିଷୟ । ସେଠାରେ ତିନୋଟି ଚକାଡୋଳା ବସ୍ ପରିତ୍ୟକ୍ତ ଅବସ୍ଥାରେ ପଡିଛି ।
ରାତି ହେଲେ ସେଠାରେ ଖୋଲୁଛି କିନ୍ନରଙ୍କ ପସରା । ବସ୍ ଭିତରେ ଯଦି ଥରେ ଆଖି ପକେଇବେ ତେବେ ଭଲରେ ଜାଣିପାରିବେ ସେଠାରେ କଣ ସବୁ ଚାଲିଛି । ବସ୍ ଭିତରେ ପଡି ରହିଛି ମାଳ ମାଳ ବ୍ୟବହୃତ କଣ୍ଡୋମ, ସିଗାରେଟ, ମଦ ବୋତଲ, ବିଭିନ୍ନ ଖାଦ୍ଯସାମଗ୍ରୀର ଜରି ଓ ଡବା ଏବଂ ଅନେକ ଆପତ୍ତିଜନକ ଜିନିଷ । ଯାହା ଦେଖିବା ଲୋକର ମୁଣ୍ଡ ଲଜ୍ଜାରେ ତଳକୁ ନୁଆଁଇ ଦେବ । ପାର୍କିଂ ଥାନାରେ ଥିବା ଏହି ତିନୋଟି ଚକାଡୋଳା ବସ୍ ଏବେ କିନ୍ନରଙ୍କ ପାଇଁ ରଙ୍ଗଶାଳା ଭଳି କାମ କରୁଛି ।
ବସ୍ ର ପ୍ରତିଟି ସିଟ୍ ଓୟୋ ରୁମ୍ ଭଳି କାମ ଦେଉଛି । ସଞ୍ଜ ନଇଁଲେ କିନ୍ନର ଦଳ ସେଠାରେ ଆଡ୍ଡା ଜମେଇ ଦେଉଛନ୍ତି । କିଛି କିନ୍ନର ବାହାରେ ଜଗି ରହୁଥିବା ବେଳେ ଆଉ କିଛି କିନ୍ନର କାମାଭିଳାଷୀ ଲୋକଙ୍କୁ ଧରି ସେହି ବସ୍ ଭିତରେ ଯାଇ ପଶୁଛନ୍ତି । ଆଉ ସେଠାରେ କଣ ଚାଲିଥିବ ଆପଣ ଅନୁମାନ କରି ପାରୁଥିବେ ।
ରାଜ୍ୟର ପର୍ଯ୍ୟଟନ ସ୍ଥଳୀ ଗୁଡିକୁ ସୁନ୍ଦର ଓ ସୁରକ୍ଷିତ ରଖିବା ପାଇଁ ଏବଂ ପର୍ଯ୍ୟଟକଙ୍କ ଦୃଷ୍ଟି ଆକର୍ଷଣ କରିବା ପାଇଁ ରାଜ୍ୟ ସରକାର ଅନେକ ପ୍ରଚାର ପ୍ରସାର କରୁଛନ୍ତି । ହେଲେ ଏହିସବୁ ଦୃଶ୍ୟ ଦେଖିଲେ ପର୍ଯ୍ୟଟକ ଆମ ରାଜ୍ୟକୁ ଆସିବାକୁ ନାକ ଟେକିବେ । ବିଶ୍ଵ ଇତିହାସରେ ଜୈନ ଧର୍ମାବଲମ୍ବୀଙ୍କର ଏହା ହେଉଛି ତୃତୀୟ ଶତାବ୍ଦୀର ଏକ କୀର୍ତ୍ତିମୟ ସ୍ଥାନ । ଖଣ୍ଡଗିରିର ଗୁମ୍ଫା ଦେଖିବାକୁ ଏବଂ ଊର୍ଜାକୁ ଅନୁଭବ କରିବାକୁ ଅନେକ ଲୋକ ଏଠାକୁ ଆସନ୍ତି । କିନ୍ତୁ ସେଠାରେ ଚାଲିଥିବା ଏଭଳି କୁକର୍ମ ଅନେକ ଲୋକଙ୍କ ପାଇଁ ଲଜ୍ଜାର ବିଷୟବସ୍ତୁ ପାଲଟିଛି ।
ଏଭଳି ଲଜ୍ଜାଜଣକ କାର୍ଯ୍ୟ ଯୋଗୁଁ ଐତିହ୍ୟସ୍ଥଳୀ ଖଣ୍ଡଗିରି ବଦନାମ ମୁଣ୍ଡାଇବାରେ ଲାଗିଛି । ଶୀଘ୍ର ଏସବୁ ଅନୈତିକ କାର୍ଯ୍ୟ ବିରୋଧରେ ପଦକ୍ଷେପ ନନେଲେ ଆଗକୁ ଏହା ଆହୁରି ଭୀଷଣ ରୂପ ଧାରଣ କରିପାରେ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।