କଳିଙ୍ଗ ଘାଟି ଠାରେ ପର୍ଯ୍ୟଟକ ବସ୍ ଓଲଟିବା ପରେ ସାରା ରାଜ୍ୟରେ ଏହି ଘଟଣା ଚାଞ୍ଚଲ୍ୟ ସୃଷ୍ଟି କରିଛି । ଏହି ମର୍ମନ୍ତୁଦ ଦୁର୍ଘଟଣାରେ ୬ରୁ ଅଧିକ ଲୋକ ପ୍ରାଣ ହରାଇବା ସହ ୪୦ରୁ ଉର୍ଦ୍ଧ୍ଵ ଲୋକ ଆହତ ହୋଇଛନ୍ତି । ତେବେ ସେହି କାଳରାତିର କାହାଣୀ ବଖାଣିଛନ୍ତି ସେହି ବସ୍ ର ଡ୍ରାଇଭର ନିଜେ । ସେ ପୁରା ଘଟଣା କହିବା ବେଳେ ତାଙ୍କ ଲୋମ ଟାଙ୍କୁରି ହୋଇ ଉଠୁଥିଲା । ବସ୍ ଓଲଟିବା ପୂର୍ବରୁ ଏହା ବ୍ରେକ ଫେଲ ହୋଇ ଯାଇଥିଲା । ଫଳରେ ଗାଡି ଆଉ ଡ୍ରାଇଭରଙ୍କ ନିୟନ୍ତ୍ରଣରେ ନଥିଲା ।
ସେ କଣ କରିବେ ତାଙ୍କ ବୃଦ୍ଧିବାଟ ଦିଶୁ ନଥିଆ । କାରଣ ଅନ୍ଧାର ସାଙ୍ଗକୁ ସେପଟେ ଘାଟିର ଅଣ ଓସାରିଆ ଆଗରେ ପଡିଥିଲା । ବସ କେମିତି ଓଲଟିଲା ଓ ଦୁର୍ଘଟଣାଗ୍ରସ୍ତ ହେଲା ସେହି ମୂହୁର୍ତ୍ତର ପ୍ରତିଟି କଥା କହିବା ବେଳେ ତାଙ୍କ ପାଟି ଖନି ମାରି ଯାଉଥିଲା । ଦାରିଙ୍ଗିବାଡିରୁ ଭାଇଜାକ ଯିବା ବାଟରେ କଳିଙ୍ଗା ଘାଟିରେ ଘଟି ଯାଇଥିଲା ଏହି ଦୁଃଖଦ ଭୟଙ୍କର ଦୁର୍ଘଟଣା । କଳିଙ୍ଗା ଘାଟିରୁ ଓହ୍ଲାଇବା ବେଳେ ଶେଷ ବୁଲାଣି ପାଖରେ ତାଙ୍କ ବସ ବ୍ରେକ ଫେଲ ହୋଇ ଯାଇଥିଲା ।
ଫଳରେ ସମସ୍ତ ଚେଷ୍ଟା ସତ୍ତ୍ୱେ ସେ ଗଡିକୁ ରୋକିପାରିଲେ ନାହିଁ ଡ୍ରାଇଭର ଅଟୁ ଦୁଃଖର ସହ କହିଛନ୍ତି । ହାଓଡାର ସୁଲତାନପୁର ଗାଁର ପ୍ରାୟ ୬୦ ଜଣ ପର୍ଯ୍ୟଟକ ଦାରିଙ୍ଗିବାଡି ଆସିଥିଲେ । କିନ୍ତୁ ବୁଲାବୁଲି ସାରି ଫେରିବା ବେଳେ ଏହି ଦୁର୍ଘଟଣା ଘଟିଥିଲା । ତେବେ ଦାରିଙ୍ଗିବାଡିର କଳିଙ୍ଗା ଘାଟି ପାଖରେ ଘଟି ଯାଇଥିବା ଏହି ବଡ ଧରଣର ବସ ଦୁର୍ଘଟଣା ସମସ୍ତଙ୍କୁ ସ୍ତବ୍ଧ କରି ଦେଇଛି । ପର୍ଯ୍ୟଟକଙ୍କ ମୃତ୍ୟୁକୁ ନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମଧ୍ୟ ଦୁଃଖ ପ୍ରକାଶ କରିଛନ୍ତି ।
ପ୍ରାଣ ହରାଇବା ଲୋକଙ୍କ ମର ଆତ୍ମାର ସଦଗତି ସହ ସମସ୍ତ ଆହତ ଲୋକଙ୍କ ଆଶୁ ଆରୋଗ୍ୟ କାମନା କରି ସେ ନିଜ ଟ୍ବିଟର ହ୍ୟାଣ୍ଡେଲରେ ଏକ ପୋଷ୍ଟ ମାଧ୍ୟମରେ ଜଣାଇଛନ୍ତି । ଏଭଳି ଭୟଙ୍କର ଦୁର୍ଘଟଣା ସାରା ଓଡିଶାବାସୀଙ୍କ ଛତି ଥରେଇ ଦେଇଛି । ତେବେ ଏହାପରେ ବାହାର ଡ୍ରାଇଭରଙ୍କ ପାଇଁ କଳିଙ୍ଗା ଘାଟି ମନା ହେବ ବୋଲି ଖବର ସାମ୍ନାକୁ ଆସୁଛି । ଘାଟିରେ ଉଠାଣି ଓ ଗଡାଣି ସାଙ୍ଗକୁ ଅଣ ଓସାରିଆ ରାସ୍ତା ଥାଏ ।
ବାହାର ଡ୍ରାଇଭର ମାନେ ଏହି ରୋଡରେ ଗାଡି ଚଳାଇବା ପାଇଁ ସେତେ ଅଭିଜ୍ଞ ହୋଇ ନଥିବାରୁ ଏଭଳି ଦୁର୍ଘଟଣା ଘଟୁଛି । ତେଣୁ କଳିଙ୍ଗା ଘାଟି ବଦଳରେ ବର୍ତ୍ତମାନ ଠାରୁ ଅଲଗା ରୁଟ୍ ଦେଇ ଯିବେ ରାଜ୍ୟ ବାହାର ଗାଡିମାନେ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।