କରୋନା କଟକଣା ଯୋଗୁଁ ରାଜ୍ୟର ସମସ୍ତ ଧର୍ମାନୁଷ୍ଠାନ ବନ୍ଦ ରଖାଯାଇ ଥିବା ବେଳେ ପୁରୀ ଶ୍ରୀମନ୍ଦିର ମଧ୍ୟ ଭକ୍ତଙ୍କ ପାଇଁ ବନ୍ଦ ରଖାଯାଇ ଥିଲା । କରୋନାର ଦ୍ଵିତୀୟ ଲହରକୁ ଆଖିରେ ରଖି ଦୀର୍ଘ ୪ ମାସ ଧରି ପୁରୀ ମନ୍ଦିର ବନ୍ଦ ରହିବା ପରେ ବର୍ତ୍ତମାନ କେବଳ ପୁରୀ ବାସୀଙ୍କ ପାଇଁ ଖୋଲା ଯାଇଛି ଶ୍ରୀମନ୍ଦିର ସିଂହଦ୍ଵାର । ଏଥିପାଇଁ ବିଭିନ୍ନ ୱାର୍ଡରୁ ଜଗନ୍ନାଥ ଦର୍ଶନ ପାଇଁ ଲାଗିଛି ପୁରୀବାସୀଙ୍କ ଭିଡ । ଏତେ ଦିନ ପରେ ଜଗନ୍ନାଥଙ୍କ ଦର୍ଶନ ପାଇବା ପାଇଁ ଭକ୍ତ ଆତୁର ହୋଇ ପଡିଛନ୍ତି । ଆଉ ସୁଅ ଛୁଟାଇଛନ୍ତି ଶ୍ରୀମନ୍ଦିରକୁ ।
ତେବେ ଏହା ମଧ୍ୟରେ ଜଗନ୍ନାଥଙ୍କ ଦର୍ଶନ ପାଇଁ ଆଉ ଜଣେ ନିଆରା ଭକ୍ତ ମଧ୍ୟ ଆସିଛନ୍ତି । କୁହାଯାଏ କି ପଶୁ ପକ୍ଷୀ ମାନେ କଥା କହି ନ ପାରୁଥିଲେ ମଧ୍ୟ ସବୁ ବୁଝି ପାରନ୍ତି । ଆଉ କାଳିଆ ଠାକୁରଙ୍କ ଲୀଳା ସାଧାରଣ ମଣିଷ ପକ୍ଷେ ବୁଝିବା କଷ୍ଟସାଧ୍ୟ ଅଟେ । ଗୋଟିଏ ନେଉଳ ପୁରୀ ମନ୍ଦିର ଭିତରକୁ ପଶି ଆସିଛି କାଳିଆକୁ ଦର୍ଶନ କରିବାକୁ । ଏହିପରି ଏକ ରୋଚକ ଦୃଶ୍ୟ, ଭିଡ ମଧ୍ୟରେ କଏଦ ହୋଇଛି କ୍ୟାମେରାରେ ।
ମଣିଷ ମାନଙ୍କ ପଦପାଦକୁ ତାର ଆଦୌ ଡର ନାହିଁ । ଶ୍ରୀମନ୍ଦିର ଭିତରେ ସେ ନିର୍ଭୟରେ ବୁଲୁଛି ଆଉ ମୁଣ୍ଡ ଟୁଙ୍ଗାରୁଛି । ସତେ ଯେମିତି ଦେଉଳ ଫିଟିଛି ବୋଲି ତା ପାଖେ ବି ଖବର ପହଞ୍ଚିଛି । ସିଂହଦ୍ଵାର ଚକଡାରେ ଚଙ୍ଗ ଚଙ୍ଗ ହୋଇ ବୁଲୁଛି ଏହି ନେଉଳ ଛୁଆ । କେତେବେଳେ ସିଂହ ମୂର୍ତ୍ତି ପଛରେ ଲୁଚି ଯାଉଛି ତ କେତେବେଳେ ଟିକେ ଆଗକୁ ଆସି ପତିତପାବନଙ୍କ ଆଡକୁ ଟିକେ ଚାହିଁ ଦେଉଛି ।
ଆଉ ବେଳେବେଳେ ସୁଯୋଗ ଉଣ୍ଡି ଚଟ୍ କରି ଚମ୍ପଟ ମା-ରୁ-ଛି ବଡ ଦେଉଳ ଭିତରକୁ । ନେଉଳ ଟିକୁ ମଧ୍ୟ କେହି ସେଠାରୁ ତଡିବାକୁ ଚେଷ୍ଟା କରୁ ନାହାନ୍ତି । ବରଂ ତା କାଳିଆ ଦର୍ଶନ ଦେଖି ଖୁସି ହେଉଛନ୍ତି । ଏହିପରି ଭାବେ ନେଉଳଟି ଶ୍ରୀମନ୍ଦିର ଭିତରେ କରୁଛି କାଳିଆ ଦର୍ଶନ । ଆପଣଙ୍କୁ ଏହି ନେଉଳର କାଳିଆ ଦର୍ଶନ କିପରି ଲାଗିଲା ଆମକୁ କମେଣ୍ଟ କରି ଜଣାନ୍ତୁ ଓ ଏହିପରି ପୋଷ୍ଟ ଅପଡେଟ ପାଇବାକୁ ଆମ ପେଜ୍ କୁ ଲାଇକ କରନ୍ତୁ ।