ପ୍ରତ୍ଯେକ ବ୍ୟକ୍ତି ଧନୀ ଏବଂ ଭାଗ୍ୟଶାଳୀ ହେବାକୁ ଚାହାନ୍ତି ଓ ଏଥିପାଇଁ ସମସ୍ତେ ଅନେକ ପ୍ରକାର ଉପାୟ ମଧ୍ୟ କରିଥାନ୍ତି । ବ୍ୟକ୍ତିଙ୍କ ସଫଳତା ପଛରେ ତାଙ୍କ ପରିଶ୍ରମ ରହିଥାଏ ଏଥିରେ କୌଣସି ସନ୍ଦେହ ନାହିଁ । କିନ୍ତୁ ଜ୍ଯୋତିଷ ଅନୁସାରେ କିଛି ବ୍ୟକ୍ତିଙ୍କ ଜନ୍ମ ଏପରି ଶୁଭ ମୂହୁର୍ତ୍ତରେ ହୋଇଥାଏ ଯାହାଦ୍ୱାରା ସେମାନେ ଜନ୍ମରୁ ହିଁ ଭାଗ୍ୟଶାଳୀ ହୋଇଥାନ୍ତି । ଏମାନେ ଗରିବ ପରିବାରରେ ଜନ୍ମ ହେଲେ ମଧ୍ୟ ଶୀଘ୍ର ଧନୀ ହୋଇଯାନ୍ତି । ତେବେ ଚାଲନ୍ତୁ ଦେଖିବା କେଉଁମାନେ ସେହି ଭାଗ୍ୟଶାଳୀ ରାଶି ।
ସବୁଠୁ ଭାଗ୍ୟଶାଳୀ ରାଶିଙ୍କ ମଧ୍ୟରେ ପ୍ରଥମ ହେଉଛି ମିଥୁନ ରାଶି । ଏହି ରାଶି ଜାତକଙ୍କ ଭାଗ୍ୟ ସର୍ବଦା ସେମାନଙ୍କ ସାଥ୍ ଦେଇଥାଏ । ଏମାନେ ଯେଉଁ କାର୍ଯ୍ୟକୁ ସଂପୂର୍ଣ୍ଣ ପରିଶ୍ରମ ଓ ମନ ଲଗାଇ କରନ୍ତି ସେଥିରେ ଏମାନଙ୍କୁ କେବେବି ନିରାଶାର ସାମ୍ନା କରିବାକୁ ପଡେନାହିଁ । ଏମାନଙ୍କୁ ଜନମରୁ ଭାଗ୍ୟଶାଳୀ କହିବା ଭୁଲ ହେବ ନାହିଁ । ଏମାନଙ୍କ ଭାଗ୍ୟ କଦାପି ଏମାନଙ୍କ ସାଥ୍ ଛାଡେନାହିଁ ।
ରାଜଯୋଗ ଭାଗ୍ୟଶାଳୀ ରାଶିଙ୍କ ଶ୍ରେଣୀରେ କର୍କଟ ରାଶି ମଧ୍ୟ ରହିଛି । ଏମାନେ ଭୌତିକ ବସ୍ତୁ ତଥା ଗାଡି, ବଡ ଘର ଆଦି ପ୍ରତି ଖୁବ ଆକୃଷ୍ଟ ରୁହନ୍ତି । ଏମାନେ ଭିଡ ଭିତରେ ମଧ୍ୟ ନିଜର ଅଲଗା ପରିଚୟ ସୃଷ୍ଟି କରିଥାନ୍ତି । ଏମାନେ ନିଜ ଜୀବନରେ ସଫଳ ହେବା ସହ ଖୁବ ପଇସା ମଧ୍ୟ କମାଇଥାନ୍ତି ।
ସିଂହ ରାଶି ଜାତକଙ୍କ ହୃଦୟ ଖୁବ ସଫା ହୋଇଥାଏ । ଏମାନେ ନିଜ ଆବଶ୍ୟକତାକୁ ବୁଝି ତାହା ପୁରା କରିବା ପାଇଁ ଖୁବ ମେହନତ ମଧ୍ୟ କରିଥାନ୍ତି । ଏମାନେ ଖୁବ ଟଙ୍କା ଟଙ୍କା ସଞ୍ଚୟ କରି ରଖନ୍ତି ଯାହାଫଳରେ ଏମାନଙ୍କୁ ଭବିଷ୍ୟତରେ କେବେ ଟଙ୍କାର ଅଭାବ ହୁଏ ନାହିଁ । ଏମାନଙ୍କୁ କାହା ସାମ୍ନାରେ ଝୁକିବା ବିଲକୁଲ ପସନ୍ଦ ନୁହେଁ । ଏମାନେ ସଫଳ ହେବା ସହ ଖୁବ ସାରା ଧନ କମାନ୍ତି ।
ବିଛା ରାଶିର ଜାତକଙ୍କ ଭାଗ୍ୟ ସର୍ବଦା ସେମାନଙ୍କ ସାଥ୍ ଦେଇଥାଏ । କିନ୍ତୁ ଭାଗ୍ୟ ଉପରେ ଭରସା କରି ବସିବା ଏମାନଙ୍କୁ ବିଲକୁଲ ପସନ୍ଦ ହୋଇ ନଥାଏ । ଏମାନଙ୍କୁ ଆରାମଦାୟକ ଜୀବନ ଖୁବ ପସନ୍ଦ ହୋଇଥାଏ । ଯାହା ପାଇବା ପାଇଁ ଏମାନେ ଖୁବ କମ୍ ବୟସରୁ ରୋଜଗାର କରିବା ଆରମ୍ଭ କରି ଦିଅନ୍ତି । ନିଜ ଜୀବନରେ ଅନ୍ୟର ହସ୍ତକ୍ଷେପ ଏମାନଙ୍କୁ ପସନ୍ଦ ନୁହେଁ । ଏମାବନେ ପ୍ରତ୍ଯେକ କ୍ଷେତ୍ରରେ ସଫଳତା ଓ ସୁଖଶାନ୍ତି ପାଆନ୍ତି ।
କୁମ୍ଭ ରାଶିର ଜାତକଙ୍କ ହୃଦୟ ବଡ ହେବା ସହ ଏମାନେ ଖୁବ ଭାବୁକ ସ୍ଵଭାବର ମଧ୍ୟ ହୋଇଥାନ୍ତି । ଏମାନେ କାହାକୁ ଦୁଃଖୀ ଦେଖିଲେ ତୁରନ୍ତ ସାହାଯ୍ୟର ହାତ ବଢାଇ ଦିଅନ୍ତି । ସାହାଯ୍ୟ କରିବା ପୂର୍ବରୁ ଏମାନେ ବନ୍ଧୁ ଏବଂ ଶତ୍ରୁ ଭିତରେ ଫରକ କରନ୍ତି ନାହିଁ । ଏମାନେ ବହୁତ ଭାବିଚିନ୍ତି ନିଷ୍ପତ୍ତି ନିଅନ୍ତି । କାହା କଥାରେ କାମ କରିବା ଏମାନଙ୍କୁ ଜମାରୁ ପସନ୍ଦ ନୁହେଁ । ଏମାନେ ନିଜ ଜୀବନରେ ବହୁତ ଟଙ୍କା କମାନ୍ତି ଓ ଯେକୌଣସି କାର୍ଯ୍ୟରେ ମଧ୍ୟ ହାତ ଦେଲେ ସେଥିରେ ନିଶ୍ଚୟ ସଫଳ ହୁଅନ୍ତି ।