ସାଂସଦ ଅନୁଭବ ମହାନ୍ତି ଗୋଟିଏ ପରେ ଗୋଟିଏ ଭିଡିଓ ଜାରି କରି ସୋସିଆଲ ମିଡିଆରେ ବର୍ଷାଙ୍କ ସହ ସମ୍ବନ୍ଧକୁ ନେଇ ଅନେକ କଥା ପ୍ରକାଶ କରି ଚାଲିଛନ୍ତି । ଲଗାତାର ଦୁଇଟି ଭିଡିଓ ପୋଷ୍ଟ କରିବା ପରେ ବର୍ଷା କଟକ ପୁରୀଘାଟ ଥାନାରେ ଅନୁଭବଙ୍କ ନାଁ’ରେ ଏତଲା ଦେଇଛନ୍ତି । ତଥାପି ଅନୁଭବ ଆଉ ଏକ ଭିଡିଓ ପୁଣି ଥରେ ସୋସିଆଲ ମିଡିଆରେ ପୋଷ୍ଟ କରିଛନ୍ତି । ଏହି ଭିଡିଓରେ ତାଙ୍କୁ ଛାଡିଦେବା ପାଇଁ ସେ ବର୍ଷାଙ୍କୁ ଅନୁରୋଧ କରିଛନ୍ତି ।
ତାଙ୍କ ଭିତରେ ଦୀର୍ଘ ଦୁଇ ବର୍ଷ ହେବ ଯେଉଁ ବିବାଦ ଦେଖାଦେଇଛି ତାହା ଆଉ ସମାଧାନ ହୋଇପାରିବ ନାହିଁ କି ଉଭୟ ଆଉ କେବେ ଏକାଠି ରହିବା ସମ୍ଭବ ହେବ ନାହିଁ ବୋଲି କହିଛନ୍ତି ଅନୁଭବ । ତେଣୁ ତାଙ୍କୁ ଛାଡିଦେବା ହିଁ ଉଭୟଙ୍କ ପାଇଁ ଠିକ ହେବ । ବର୍ଷା ତାଙ୍କ ସ୍ଵାମୀଙ୍କୁ ଭଲ ବାଟକୁ ଆଣିବାକୁ ଚାହୁଁଛନ୍ତି କହି ଡିଭୋର୍ସ ଦେବାକୁ ରାଜି ହେଉ ନାହାନ୍ତି । ଅନୁଭବ କିନ୍ତୁ ବର୍ଷାଙ୍କ ଠାରୁ ଡିଭୋର୍ସ ଚାହୁଁଛନ୍ତି । ଅନୁଭବ କହିଛନ୍ତି କି ଏହି ମାମଲା ଏମିତି ଲାଗି ରହିଥିଲେ କାହା ପାଇଁ ବି ଉତ୍ତମ ହେବ ନାହିଁ ।
କାରଣ ଏଥିରେ କେହି ବି ଜିତିବେ ନାହିଁ ବରଂ ଉଭୟଙ୍କ ହାର୍ ହେବ । ବର୍ଷାଙ୍କୁ ପ୍ରଥମେ ନିଜେ ଠିକ ବାଟରେ ଆସିବାକୁ କହିଛନ୍ତି ଅନୁଭବ । ବର୍ଷା ଦେଇଥିବା ଏତଲାରେ ଏତେ ସବୁ ସେ କେମିତି ଲେଖି ପାରୁଛନ୍ତି ତାକୁ ନେଇ ମଧ୍ୟ ପ୍ରଶ୍ନ କରିଛନ୍ତି ଅନୁଭବ । କାରଣ ଅନୁଭବ ତାଙ୍କ ପିତାମାତାଙ୍କୁ ଛାଡି ବର୍ଷାଙ୍କ ସହ ଯାଇ ରହିବାକୁ ଯାଉ ନାହାନ୍ତି ।
ପିତାମାତାଙ୍କ ମନରେ କଷ୍ଟ ଦେଇ ସେ ବର୍ଷାଙ୍କ ସହ ରହିବେ ନାହିଁ ବୋଲି ସ୍ପଷ୍ଟ କହିଛନ୍ତି । ଏହାସହ ଯୁବପିଢିଙ୍କୁ ମଧ୍ୟ ବାର୍ତ୍ତା ଦେଇଛନ୍ତି ଅନୁଭବ କି, ଭଲ ପାଅ କିଛି ଅସୁବିଧା ନାହିଁ କିନ୍ତୁ ନିଜ ଜନ୍ମ ଦେଇଥିବା ପିତାମାତାଙ୍କୁ ଏଥିପାଇଁ କେବେବି ଭୁଲିବ ନାହିଁ କି ଅସମ୍ମାନ କରିବ ନାହିଁ । ଯଦି ସ୍ଵାମୀ ସ୍ତ୍ରୀକୁ କିମ୍ବା ସ୍ତ୍ରୀ ସ୍ଵାମୀଙ୍କୁ ବାପମା’ଙ୍କ ଠାରୁ ଅଲଗା ହେବା ପାଇଁ ଶିଖାଏ ତେବେ ସେହି ସମ୍ପର୍କ ନ ରହିବା ଭଲ ।
ଏଭଳି ସମ୍ପର୍କରେ କେବେବି ରହିବା ଉଚିତ ନୁହେଁ । ଯଦି ଘରେ ଥିବା ପିତାମାତାଙ୍କୁ ସେବା କରିବେ ନାହିଁ ପୂଜା କରିବେ ନାହିଁ ତେବେ ସଜବାଜ ହୋଇ ମନ୍ଦିର ଯାଇ ପୂଜା କଲେ ସେଠି ମଧ୍ୟ ମାଆ କିଛି ଶୁଣିବେ ନାହିଁ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।