ବ୍ରହ୍ମପୁରର ଚର୍ଚ୍ଚିତ ଯୋଡି ତପସ୍ଵିନୀ ଦାଶ ଏବଂ ଡାକ୍ତର ସୁମିତ ସାହୁଙ୍କ ମାମଲା କେଉଁ ଆଡକୁ ଗତି କରୁଛି ତାହା କହିବା ମୁସ୍କିଲ ହୋଇପଡୁଛି । କିଛି ଦିନ ଧରି ସେମାନେ ଏକାଠି ରହିବା ପରେ ତାଙ୍କ ଶୁଭେଚ୍ଛୁ ମାନେ ଖୁସି ଥିବା ବେଳେ ଏବେ କିନ୍ତୁ ସମସ୍ତଙ୍କୁ ନିରାଶ କରି ସୁମିତ ଫେରାର ହୋଇ ଯାଇଛନ୍ତି । ସୁମିତ ନ ଫେରିବାକୁ ଏବଂ ତାଙ୍କ ଫୋନ ବନ୍ଦ ଥିବାରୁ ତପସ୍ଵିନୀଙ୍କ ଅଭିଯୋଗ କ୍ରମେ ପୋଲିସ ଖୋଳତାଡ କରିଥିଲା ।
ସୁମିତଙ୍କ ଫୋନ ବନ୍ଦ ଥିବା ସହ ସେ ହସ୍ପିଟାଲ ତଥା ନିଜ କାର୍ଯ୍ୟକ୍ଷେତ୍ରକୁ ମଧ୍ୟ ଯାଇ ନଥିବା ବରଂ ଚାରିଦିନ ପାଇଁ ଛୁଟି ନେଇଥିବା ଜଣା ପଡିଥିଲା । ଏହାପରେ ସୁମିତଙ୍କ ସନ୍ଧାନ ଜାରି ରଖିଥିଲା ପୋଲିସ । ଆଉ ତପସ୍ଵିନୀ ମଧ୍ୟ ଏଥିରେ ତାଙ୍କ ଶ୍ବଶୁରଙ୍କ ହାତ ଥିବା ସିଧାସଳଖ କହିଥିଲେ । ତେବେ ଅନେକ ଆଶଙ୍କା ପରେ ସୁମିତଙ୍କ ଓକିଲ ସାମନାକୁ ଆସିଥିଲେ । ଓକିଲଙ୍କ କହିବା ଅନୁଯାୟୀ ସୁମିତ ତାଙ୍କ ଘରେ ଅଛନ୍ତି ।
ସେ ଘର ଖୋଜିବାକୁ ଯାଇଥିବା ବେଳେ ତାଙ୍କ ଦେହ ହଠାତ ଅସୁସ୍ଥ ହୋଇ ପଡିବାରୁ ସେ ଘରକୁ ପଳାଇଥିଲେ । ସୁମିତଙ୍କ ଓକିଲଙ୍କ ବୟାନକୁ ନେଇ ଏବେ ପୁଣି ଥରେ ପ୍ରତିକ୍ରିୟା ପ୍ରକାଶ କରିଛନ୍ତି ତପସ୍ଵିନୀ । ସେ ଏକ ଭିଡିଓ ବନାଇ ସେଥିରେ କହିଛନ୍ତି କି, ତାଙ୍କର ଯଦି କିଛି ହୋଇଯାଏ ତେବେ ଏଥିପାଇଁ ସୁମିତ ହିଁ ସଂପୂର୍ଣ୍ଣ ଭାବେ ଦାୟୀ ହେବେ । ଯଦି ସୁମିତ ଘର ଖୋଜିବାକୁ ଯାଉଥିଲେ ତେବେ କାହିଁକି ଦୌଡିକରି ଏକ ଅଜଣା ଗାଡିରେ ବସି ପଳାଇଥିଲେ ?
ଗେଷ୍ଟହାଉସ ବାହାରେ ଥିବା ପୋଲିସକର୍ମୀ ତାଙ୍କୁ ସାର ! ସାର ! ବୋଲି ଡାକିବା ପରେ ବି ସେ କାହିଁକି ଶୁଣି ନଥିଲେ ? କାହିଁକି ତପସ୍ଵିନୀଙ୍କୁ କିଛି ନକହି ସେ ଯାଇଥିଲେ ? ଏହିଭଳି ଅନେକ ପ୍ରଶ୍ନ ସେ କରିଛନ୍ତି । ଏପରିକି ଏବେ ପର୍ଯ୍ୟନ୍ତ ସୁଦ୍ଧା ସୁମିତ ଥରେ ହେଲେ ବି ତପସ୍ଵିନୀଙ୍କୁ କଲ୍ କରି ନାହାନ୍ତି ।
ତପସ୍ଵିନୀ କହିଛନ୍ତି ଯଦି ସୁମିତଙ୍କ ଦେହ ଅସୁସ୍ଥ ଅଛି ତେବେ ସ୍ତ୍ରୀ ହିସାବରେ ଜାଣିବା ଏବଂ ତାଙ୍କର ସେବା କରିବା ତାଙ୍କ କର୍ତ୍ତବ୍ୟ । କିନ୍ତୁ କାହିଁକି ତାଙ୍କୁ ସେ ଏବେ ପର୍ଯ୍ୟନ୍ତ ଫୋନ କରି ଜଣାଇ ନାହାନ୍ତି ? ଏହିସବୁ ପ୍ରଶ୍ନ କରିବା ସହ ସେ ସୁମିତଙ୍କ ଓକିଲଙ୍କ ଏହିସବୁ ବୟାନକୁ ମିଛ ବୋଲି କହିଛନ୍ତି । ତେବେ ଏହିସବୁ ଶୁଣିବା ପରେ ଆପଣଙ୍କ ପ୍ରତିକ୍ରିୟା କଣ ଆମକୁ କମେଣ୍ଟ କରି ଜଣାନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍କୁ ଲାଇକ କରନ୍ତୁ ।