ପ୍ରଥମ ପୂଜ୍ୟ ତଥା ବୁଦ୍ଧିର ଦେବତା ଭଗବାନ ଶ୍ରୀଗଣେଶଙ୍କ ପର୍ବ ଗଣେଶ ଚତୁର୍ଥୀ ସାରା ଦେଶରେ ଖୁବ ଆଡମ୍ବରରେ ପାଳନ କରାଯାଏ । ଚଳିତ ବର୍ଷ ୩୧ ଅଗଷ୍ଟ ବୁଧବାର ଦିନ ପାଳିତ ହେବ ପବିତ୍ର ଗଣେଶ ପୂଜା । ମାନ୍ୟତା ଅଛି କି ଏହିଦିନ ଭଗବାନ ଶ୍ରୀଗଣେଶଙ୍କୁ ଘରକୁ ଆଣିବା ଦ୍ଵାରା ତାଙ୍କ ଆଶୀର୍ବାଦ ପ୍ରାପ୍ତ ହୋଇଥାଏ । ଏହିଦିନ ପାଳନ କରା ଯାଉଥିବା କିଛି ବିଧିବିଧାନ ଏବଂ ଖାସ ମନ୍ତ୍ର ବିଷୟରେ ଆଜି ଆମେ ଆପଣଙ୍କୁ କହିବାକୁ ଯାଉଛୁ ।
ଭଗବାନ ଶ୍ରୀଗଣେଶଙ୍କୁ ଘରକୁ ଆଣିବା ପୂର୍ବରୁ ପୂଜାସ୍ଥଳକୁ ଭଲଭାବେ ସଫା କରି ଦିଅନ୍ତୁ ଓ ପୁରା ଘରେ ଗଙ୍ଗାଜଳ ଛିଞ୍ଚି ଦିଅନ୍ତୁ । ଏକ ସଫା ଚୌକି ଉପରେ ଲାଲ କପଡା ବିଛେଇ ସେହି କପଡା ଉପରେ ଚାଉଳରେ ସ୍ଵସ୍ତିକ ଚିହ୍ନ ବନାନ୍ତୁ ଏବଂ ଓଁ ନମ ଗଣେଶାୟ ନମଃ ଜପ କରିବା ସହ ଗଣପତିଙ୍କୁ ସ୍ଥାପନ କରନ୍ତୁ । ଏହାପରେ ଗଣପତିଙ୍କୁ ଦୁବ କିମ୍ବା ପାନପାତ୍ର ସାହାଯ୍ୟରେ ଗଙ୍ଗାଜଳରେ ସ୍ନାନ କରାନ୍ତୁ । ଏହାପରେ ଗଣପତିଙ୍କୁ ହଳଦିଆ କପଡା ଚଢାଇ ଚାଉଳ, ଫୁଲ ଓ ଦୁବ ଚଢାନ୍ତୁ । ମୋଦକ ମଧ୍ୟ ଭୋଗ ଲଗାଇ ଆଳତି କିମ୍ବା କୀର୍ତ୍ତନ କରନ୍ତୁ ।
ଭଗବାନ ଗଣେଶଙ୍କ ଚୌକିର ଠିକ ସାମ୍ନାରେ ତମ୍ବା କଳସରେ ଜଳ ଭରିକରି ରଖିବା ଉଚିତ । ଧ୍ୟାନ ରଖନ୍ତୁ କଳସ ଭଗବାନଙ୍କ ଡାହାଣ ପାଖେ ରହିବା ଉଚିତ । ସେହି କଳସ ତଳେ ଚାଉଳ ରଖନ୍ତୁ ଓ ଗଣେଶଙ୍କ ବାମପଟେ ଘିଅର ଦୀପ ଜଳାନ୍ତୁ । ଦୀପାକୁ ସିଧା ଭୂମି ତଳେ ନରଖି ତାହା ତଳେ ମଧ୍ୟ ଚାଉଳ ରଖନ୍ତୁ ।
ଏହିସବୁ କରିବା ପରେ ହାତରେ ଚାଉଳ ଏବଂ ଗଙ୍ଗାଜଳ ନେଇ ଭଗବାନ ଗଣେଶଙ୍କ ପାଇଁ ସଂକଳ୍ପ କରନ୍ତୁ । ଆପଣ ୩ଦିନ, ୭ଦିନ, ୯ଦିନ କିମ୍ବା ୧୧ଦିନ ଯେତିକି ଦିନ ଭଗବାନ ଗଣେଶଙ୍କୁ ଘରେ ସ୍ଥାପନ କରିବାକୁ ଚାହୁଁଛନ୍ତି ସେତିକି ଦିନ ସ୍ଥାପନ କରି ସବୁଦିନ ବିଧିବିଧାନରେ ତାଙ୍କର ପୂଜା କରିବେ ବୋଲି କୁହନ୍ତୁ । ଗଣପତିଙ୍କ ଉପରେ ପ୍ରତିଦିନ ୫ଟି ଦୁବ ଅର୍ପଣ କରନ୍ତୁ ଓ ୫ଟି ଅଳେଇଚ ତାଙ୍କ ଚରଣରେ ରଖନ୍ତୁ । ଅଳେଇଚକୁ ପୂଜାର ଅନ୍ତିମ ଦିନ ପର୍ଯ୍ୟନ୍ତ ରଖନ୍ତୁ କିନ୍ତୁ ଦୁବକୁ ପ୍ରତିଦିନ ବଦଳାଇ ଦିଅନ୍ତୁ ।
ଶେଷଦିନ ଏହାକୁ ଲାଲ ରଙ୍ଗର କପଡାରେ ବାନ୍ଧି ଘରର ମନ୍ଦିରରେ ରଖନ୍ତୁ କିମ୍ବା ପୂଜା କରୁଥିବା ସ୍ଥାନରେ ରଖିଦିଅନ୍ତୁ । ଏହାଦ୍ବାରା ଘରେ ସବୁବେଳେ ସୁଖଶାନ୍ତି ବନିରହିବ । ଏହାସହ ଭଗବାନ ଗଣେଶଙ୍କ ପୂଜା କରିବା ବେଳେ ଏହି ଖାସ୍ ମନ୍ତ୍ରର ଜପ କରିବା ଦ୍ଵାରା ଘରକୁ ବହୁତ ସାରା ଧନର ଆଗମନ ହେବ ଓ ପିଲା ମାନଙ୍କର ପାଠରେ ମନ ଲାଗୁ ନଥିଲେ ତାହା ଠିକ ହୋଇଯିବ ।
ଭଗବାନ ଶ୍ରୀଗଣେଶ ବିଘ୍ନହର୍ତ୍ତା ଅଟନ୍ତି ଓ ବିଗିଡି ଯାଇଥିବା କାମକୁ ଭଲ କରି ଦେଇଥାନ୍ତି । ଏହି ଛୋଟ ମନ୍ତ୍ର ଆପଣଙ୍କ ଖରାପ ଭାଗ୍ୟକୁ ବି ଜାଗ୍ରତ କରି ଦେଇଥାଏ । ଗଣେଶ ଚତୁର୍ଥୀ ଦିନ ଭଗବାନ ଶ୍ରୀଗଣେଶଙ୍କ ଆରାଧନା କରିବେ କିନ୍ତୁ ଏହାଛଡା ଏହି ମନ୍ତ୍ର ପ୍ରତିଦିନ ସକାଳେ କିମ୍ବା ସନ୍ଧ୍ୟାରେ ଜପ କରିବା ଦ୍ଵାରା ସବୁ ସମସ୍ଯା ଦୂର ହୋଇ ଶୁଭଫଳ ଦେଇଥାଏ ।
ଏହି ଚମତ୍କାରୀ ମନ୍ତ୍ରଟି ହେଉଛି ଓଁ ବକ୍ରତୁଣ୍ଡାୟ ନମଃ । ଏହି ମନ୍ତ୍ରକୁ ୧୦୮ ଥର ଜପ କରିବା ଦ୍ଵାରା ବହୁତ କିଛି ଶୁଭଫଳ ପ୍ରାପ୍ତି ହୋଇଥାଏ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।