ଯାତ୍ରା ମଞ୍ଚ ଉପରେ ଅଭିନେତ୍ରୀ ରାନୀ ପ୍ରିୟଦର୍ଶିନୀ ସାହୁଙ୍କ ଉପରକୁ ଜୋତା ମାଡ ଘଟଣା ଥମିବାର ନାଁ ନେଉନି । ମଞ୍ଚ ଉପରେ ଅଶ୍ଳୀଳ ନୃତ୍ୟ କରୁଥିବା ଅଭିଯୋଗରେ ଅଭିନେତ୍ରୀ ରାନୀ ପ୍ରିୟଦର୍ଶିନୀଙ୍କ ଉପରକୁ ଜଣେ ମହିଳା ଦର୍ଶକ ଜୋତା ମାଡ କରିଥିଲେ । କେବଳ ଏତିକି ନୁହେଁ ବରଂ ମଞ୍ଚ ଉପରକୁ ଚଢି ଯାଇ ପ୍ରତିବାଦ ଜଣାଇଥିଲେ । ଫଳରେ ବେଶ କିଛି ସମୟ ଧରି ଯାତ୍ରା ପ୍ରୋଗ୍ରାମ ସ୍ଥଗିତ ରହିଥିଲା । ଏହି ଘଟଣା ସାମ୍ନାକୁ ଆସିବା ପରେ ରାନୀ ପ୍ରିୟଦର୍ଶିନୀ ମଧ୍ୟ ନିଜ ପକ୍ଷ ରଖିଥିଲେ ।
ଆଉ ଏବେ ପୁଣି ଥରେ ସମ୍ପୃକ୍ତ ଘଟଣାକୁ ନେଇ ପ୍ରତିକ୍ରିୟା ଜଣାଇଛନ୍ତି ଅଭିନେତ୍ରୀ ରାନୀ ପ୍ରିୟଦର୍ଶିନୀ ସାହୁ । ରାନୀ ପ୍ରିୟଦର୍ଶିନୀ କହିଛନ୍ତି କି, ସେ ସୀମାରେଖା ମଧ୍ୟରେ ରହି ଆଇଟମ ଡ୍ୟାନ୍ସ କରୁଥିଲେ । ସେ ସଂପୂର୍ଣ୍ଣ ଡ୍ରେସ ମଧ୍ୟ ପିନ୍ଧିଥିଲେ । ଜଣେ ଆଇଟମ ଡ୍ୟାନ୍ସର ଯେପରି ବସ୍ତ୍ର ପିନ୍ଧିବା ଉଚିତ ସେହିପରି ବସ୍ତ୍ର ସେ ପିନ୍ଧିଥିଲେ । କେବଳ ସେତିକି ନୁହେଁ ବରଂ ବେଶ ଶାଳୀନତାର ସହ ଡ୍ୟାନ୍ସ ବି କରୁଥିଲେ । ସେ କେବଳ ଜଣେ କଳାକାର ବା ଅଭିନେତ୍ରୀ ନୁହନ୍ତି ବରଂ ଜଣେ ସୋସିଆଲ ୱାର୍କର ମଧ୍ୟ ଅଟନ୍ତି ।
ତାଙ୍କ ଭଳି ଜଣେ ସମାଜସେବୀଙ୍କୁ ଅପମାନ କରି ମହିଳାଜଣକ ଏକଦମ ଭୁଲ କରିଛନ୍ତି । ଆଉ ରାନୀ ବର୍ତ୍ତମାନ କାର୍ଯ୍ୟରେ ବ୍ୟସ୍ତ ଅଛନ୍ତି । କାର୍ଯ୍ୟରୁ ସମୟ ପାଇଲେ ସେ ନିଶ୍ଚିତ ଭାବେ ଉକ୍ତ ମହିଳାଙ୍କ ନାଁରେ ଥାନାରେ ଅଭିଯୋଗ କରିବେ ଏବଂ ତାଙ୍କୁ ଉଚିତ ଶିକ୍ଷା ଦେବେ ବୋଲି କହିଛନ୍ତି ରାନୀ । ତେବେ ଏହି ଘଟଣା ରାନୀଙ୍କ କାର୍ଯ୍ୟ ଉପରେ କୌଣସି କୁପ୍ରଭାବ ପକାଇ ନଥିବା ରାନୀ କହିଛନ୍ତି ।
ଏନେଇ ସେ ବହୁତ ଖୁସି ଅଛନ୍ତି ଯେ ଓଡିଶାରେ ନ ଚିହ୍ନିବା ଲୋକ ବି ତାଙ୍କୁ ଚିହ୍ନିପାରିଲେ ଓ ତାଙ୍କର ଲୋକପ୍ରିୟତା ଆହୁରି ବଢିଗଲା । ଏହି ଘଟଣା ପରଠାରୁ ତାଙ୍କୁ ଆହୁରି ଅଧିକ ପ୍ରୋଗ୍ରାମ ମିଳୁଛି ଏବଂ ଅଧିକ ପ୍ରାଇସ ମଧ୍ୟ ମିଳୁଛି । ତେଣୁ ସେ ବହୁତ ଖୁସି ଅଛନ୍ତି । ଆଉ ଯଦି ଏଭଳି ଆଇଟମ ଡ୍ୟାନ୍ସ ଲୋକଙ୍କୁ ପସନ୍ଦ ହେଉନି ତେବେ ତାଙ୍କୁ କେବଳ କାହିଁକି କୁହାଯାଉଛି ।
ପୁରା ସମାଜରେ ଲୋକଙ୍କ ମାନସିକତା ଏବଂ ପସନ୍ଦ ବଦଳିବାକୁ ପଡିବ । ଅନ୍ୟ ସମସ୍ତ ବାର୍ ଓ ଯାତ୍ରାରେ ମଧ୍ୟ ଆଇଟମ ଗୀତକୁ ହଟେଇବାକୁ ପଡିବ । ସବୁ କ୍ଷେତ୍ରରେ ଆଇଟମ ଡ୍ୟାନ୍ସକୁ ବନ୍ଦ କରାଯାଉ ତେବେ ଯାଇ ତାଙ୍କୁ ବି କେହି ଏମିତି ଡ୍ୟାନ୍ସ କରିବାକୁ କହିବେନି ବୋଲି କହିଛନ୍ତି ରାନୀ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।