ଆପଣଙ୍କୁ ଯଦି କେହି ୧୦୦ ଟଙ୍କାରେ ୧୦୦ କିଲୋମିଟର ଯାତ୍ରା କରିବା ପାଇଁ କହିବ ଆପଣ ନିଶ୍ଚୟ ତାକୁ ପାଗଳ ଭାବିବେ । କାରଣ ପେଟ୍ରୋଲ ଓ ଡିଜେଲ ଦର ଏବେ ବି ଆକାଶ ଛୁଆଁ ହୋଇଥିବା ବେଳେ ଏଭଳି କଥା ଶୁଣିଲେ ଆପଣଙ୍କୁ କାଳ୍ପନିକ ଭଳି ଲାଗିବ । କିନ୍ତୁ କାଳ୍ପନିକ ମନେ ହେଉଥିବା ଏହି କଥାଟି ସତ ହେବା ଦିନ ଖୁବ୍ ଶୀଘ୍ର ପାଖେଇ ଆସୁଛି । ଆଉ ଏହା ଦାବି କରି କହିଛନ୍ତି ନିଜେ ସଡକ ପରିବହନ ମନ୍ତ୍ରୀ । ତେବେ ଆପଣ ଭାବୁଥିବେ ଏହା କେମିତି ସମ୍ଭବ ହେବ ?
ତେବେ ସୂଚନା ମୁତାବକ ଏଥର ପେଟ୍ରୋଲ ଓ ଡିଜେଲରୁ ମୁକ୍ତି ମିଳିବ, କାରଣ ଏଥର ପାଣିରେ ଗଡିବ ଗାଡି । ଆଉ ଖୁବ୍ ଶୀଘ୍ର ଏକ ହାଇଡ୍ରୋଜେନ ଚାଳିତ କାର୍ ଚଳାଇବାକୁ ଯାଉଛନ୍ତି ସଡକ ପରିବହନ ମନ୍ତ୍ରୀ ନିତିନ ଗଡକରି । ଦେଶରେ ଖୁବ୍ ଶୀଘ୍ର ଆସିବାକୁ ଯାଉଛି ହାଇଡ୍ରୋଜେନରେ ଚାଲୁଥିବା କାର୍ । ଏନେଇ ବଡ ଖୁଲାସା କରିଛନ୍ତି ଖୋଦ ସଡକ ପରିବହନ ମନ୍ତ୍ରୀ । ଭାରତୀୟ ବୈଜ୍ଞାନିକ ମାନଙ୍କୁ ପ୍ରଶଂସା କରିବା ସହ ଗଡକରି କହିଛନ୍ତି ଯେ, ଖୁବ୍ ଶୀଘ୍ର ତାଙ୍କ ପାଖେ କେ ସ୍ଵତନ୍ତ୍ର କାର୍ ହେବ ଯାହାକି ଗ୍ରୀନ ହାଇଡ୍ରୋଜେନରେ ଚାଲିବ ।
ଏହାର ଅର୍ଥ ଏହା ପାଣିରୁ ହାଇଡ୍ରୋଜେନ ଏବଂ ଅକ୍ସିଜେନକୁ ଅଲଗା ଅଲଗା କରି ଚାଲିବ ଓ ଏହା ସଂପୂର୍ଣ୍ଣ ପ୍ରଦୂଷଣ ମୁକ୍ତ । ବିଶ୍ବାସ କରିବା କଷ୍ଟ ହେଲେ ବି ଏହା ସତ । ଯେବେ ନିତିନ ଗଡକରି ନିଜେ ଦିଲ୍ଲୀ ରାସ୍ତାରେ ଏହି କାର୍ ନେଇ ବୁଲିବେ ସେତେବେଳେ ଲୋକଙ୍କୁ ନିଶ୍ଚୟ ବିଶ୍ବାସ ହୋଇଯିବ କି ସତରେ ପାଣିରେ ଚାଲିପାରିବ କାର୍ । ଗଡକରିଙ୍କ କହିବା ମୁତାବକ, ଭାରତରେ ଗ୍ରୀନ ହାଇଡ୍ରୋଜେନ ବ୍ୟବହାର କରିବାକୁ ଖୁବ୍ ଶୀଘ୍ର ପାଇଲଟ ପ୍ରୋଜେକ୍ଟ ଆରମ୍ଭ ହେବାକୁ ଯାଉଛି ।
ରିପୋର୍ଟ ମୁତାବକ ଗଡକରି କହିଛନ୍ତି ଯେ, ମହାନଗରୀରୁ ଦୈନିକ ଲକ୍ଷ ଲକ୍ଷ କ୍ଵିସେଜ ସ୍ଵିରେଜ ପାଣି ବାହାରୁଛି । ଆଉ ସେହି ସ୍ଵିରେଜ ପାଣିକୁ ବ୍ୟବହାର କରି ରାସ୍ତାରେ ଗାଡି ଚାଲିବ । ଏହାକୁ ପ୍ଳାଣ୍ଟରେ ପ୍ରକ୍ରିୟାକରଣ କରାଯାଇ ସେଥିରୁ ହାଇଡ୍ରୋଜେନକୁ ଅଲଗା କରାଯିବ । ଫରିଦାବାଦର ଏକ ଅଏଲ ରିସର୍ଚ୍ଚ ଇନଷ୍ଟିଚ୍ୟୁଟରେ ଏଥିପାଇଁ କାର୍ଯ୍ୟ ବି ଆରମ୍ଭ ହୋଇ ସାରିଲାଣି ବୋଲି ସେ କହିଛନ୍ତି ।
ଏହି ପ୍ରୋଜେକ୍ଟ କାର୍ଯ୍ୟକାରୀ ହେଲେ ଅନେକ ସହର ସ୍ଵଚ୍ଛ ରହିବା ପାଇଁ ବାଟ ଖୋଲିବା ସହ ଆମ ଦେଶ ଭାରତ ନିଶ୍ଚୟ ଏକ ପ୍ରଦୂଷଣମୁକ୍ତ ଦେଶ ହେବା ପଥରେ ଆଗେଇବ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍କୁ ଲାଇକ କରନ୍ତୁ ।