ଯିଏ ସମସ୍ଯା ଆସିଲେ ଅଧା ରାସ୍ତାରେ ହାତ ଛାଡି ଚାଲିଯାନ୍ତି ତାଙ୍କୁ କଣ ଜୀବନସାଥି କୁହାଯାଏ ? ସବୁ ପ୍ରତିଶ୍ରୁତିକୁ ଭୁଲି ନିଜ ସୁବିଧା ଦେଖି ମୁହଁ ମୋଡି ଦିଅନ୍ତି ? ଖବର ମୁତାବକ, ୨୦୧୩ରେ ନବରଙ୍ଗପୁର ଜିଲ୍ଲା ଡାବୁ ଗାଁ’ର ତାରାକାନ୍ତ ରଥଙ୍କ ଝିଅ ମୋନାଲିସା ରଥ ଗଞ୍ଜାମ ଜିଲ୍ଲା ଦିଗପହଣ୍ଡି ଥାନା ଅନ୍ତର୍ଗତ ରାମବଲ୍ଲଭ ବକ୍ସିଙ୍କ ସାନ ପୁଅ ଶକ୍ତିଶଙ୍କରଙ୍କୁ ବିବାହ କରିଥିଲେ । ବିବାହ ପରେ ସ୍ବାମୀ ସ୍ତ୍ରୀ ଦୁହେଁ ଚେନ୍ନାଇ ଚାଲି ଯାଇଥିଲେ ଓ ସେଠାରେ ବୈବାହିକ ଜୀବନକୁ ବେଶ ଭଲରେ ଉପଭୋଗ କରିଥିଲେ ।
କିନ୍ତୁ ମୋନାଲିସାଙ୍କର ଦୁଇଥର ପିଲା ନଷ୍ଟ ହୋଇଯିବା ପରେ ଶାଶୁଘର ଲୋକେ ତାଙ୍କୁ ନିର୍ଯ୍ୟାତନା ଦେବା ଆରମ୍ଭ କରି ଦେଇଥିଲେ । ହେଲେ ତୃତୀୟ ପିଲା ଜନ୍ମ ହେବା ବେଳକୁ ମୋନାଲିସା ପକ୍ଷାଘାତର ଶିକାର ହୋଇଥିଲେ । ଏଭଳି ଏକ ଦୌରାତ୍ମ୍ୟ ରୋଗର ଶିକାର ହୋଇଥିଲେ ମଧ୍ୟ ମୋନାଲିସାଙ୍କ ଶାଶୁଘର ଲୋକେ ତାଙ୍କୁ ନିର୍ଯ୍ୟାତନା ଦେବାରୁ ବର୍ତ୍ତି ନଥିଲେ । ଆଉ ସ୍ଵାମୀ ଶକ୍ତିଶଙ୍କର ନିଜ ଝିଅକୁ ପାଖରେ ରଖି ମୋନାଲିସାଙ୍କୁ ଘରୁ ବାହାର କରି ଦେଇଥିଲେ ।
ଯାହା ଜାଣିବା ପରେ ମୋନାଲିସାଙ୍କ ଘରଲୋକ ତାଙ୍କୁ ଯାଇ ନେଇ ଆସିଥିଲେ । ଶରୀରରେ ସିନା ରୋଗ ମାଡି ବସିଛି ହେଲେ ମୋନାଲିସାଙ୍କୁ ଦେଖିଲେ ଜାଣିବେ ତାଙ୍କ ମନ କେତେ ତାଜା ରହିଛି । ହାତ ଧରି ବାହା ହୋଇଥିବା ସ୍ଵାମୀକୁ ଏବେବି ଭୁଲି ନାହାନ୍ତି ମୋନାଲିସା । ସ୍ଵାମୀ ହାତ ଛାଡି ପର କରିଦେବା ପରେ ମଧ୍ୟ ତାଙ୍କୁ ଝୁରି ହେଉଛନ୍ତି ମୋନାଲିସା ।
ଛଳଚ୍ଛଳ ଆଖିରେ ନିଜ ସ୍ଵାମୀଙ୍କ ପାଖକୁ ଯିବାକୁ ଚାହୁଁଛନ୍ତି ବୋଲି ମୋନାଲିସା କହିଛନ୍ତି । ହେଲେ ଅବିବେକୀ ସ୍ଵାମୀ ଶକ୍ତିଶଙ୍କର କିନ୍ତୁ ପତ୍ନୀ ମୋନାଲିସାଙ୍କୁ ଟଣକ ପାଖକୁ ନେବାକୁ ଚାହୁଁ ନାହାନ୍ତି । ତେଣୁ ଦ୍ଵିତୀୟ ବିବାହ କରିବାକୁ ଶକ୍ତି ମନସ୍ଥ କରିଛନ୍ତି । ସ୍ଵାମୀ ବର୍ତ୍ତାମାନ ବେଙ୍ଗାଲୁରୁରେ କାମ କରୁଥିବା ବେଳେ ସେଠାରୁ ତାଙ୍କ ପାଖକୁ ଆସିଛି ଛାଡପତ୍ର ନୋଟିସ । ଏଭଳି ଖବର ଜାଣି ମୋନାଲିସାଙ୍କୁ ଦୁଃଖ ଉପରେ ଦୁଃଖ ମାଡି ବସିଛି ।
ଦେଢ ବର୍ଷ ହେବ ନିଜ ବାପାମା’ଙ୍କ ପାଖେ ରହୁଥିବା ମୋନାଲିସା ଏବେ ନିଜ ସ୍ଵାମୀ ଓ ଦୁଇ ବର୍ଷର ଝିଅ ପାଖକୁ ଯିବାକୁ ଚାହୁଁଛନ୍ତି । ମୋନାଲିସାଙ୍କ ଦେହ ଏବେ ଖରାପ ଥିବାରୁ ସେ କୋର୍ଟକୁ ଯାଇ ପାରିବେନି ବୋଲି ମନାକରି ଦେଇଛନ୍ତି । ତେବେ ଦେଖାଯାଉ ଆଗକୁ ମୋନାଲିସାଙ୍କ ସ୍ଵାମୀଙ୍କ ହୃଦୟ ପରିବର୍ତ୍ତନ ହେଉଛି କି ନାହିଁ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।