ଠିଆ ଠିଆ ଦୁଇ ବର୍ଷ ବିତେଇ ଦେଲେଣି ଏହି ଉଚ୍ଚ ଶିକ୍ଷିତା ମହିଳା । ଦିନରାତି ମୁହଁ ଲୁଚେଇ ଠିଆ ହୋଇ ରହୁଛନ୍ତି ପ୍ରଭାସିନୀ ନାୟକ । କହିବାକୁ ଗଲେ ସେ ଏକ ପ୍ରକାର ଖୁଣ୍ଟ ପାଲଟି ଯାଇଛନ୍ତି । ଶୁଣିବାକୁ ଆଶ୍ଚର୍ଯ୍ୟ ଲାଗୁଥିଲେ ବି ଏହା ଏକଦମ ସତ ଘଟଣା । ଘଣ୍ଟେ ଦୁଇ ଘଣ୍ଟା କି ମାସେ ଦୁଇମାସ ନୁହେଁ ବରଂ ଦୀର୍ଘ ଦୁଇ ବର୍ଷ ହେଲା ଏମିତି ଛିଡା ହୋଇ ରହିଛନ୍ତି ପ୍ରଭାସିନୀ । ଖରା ବର୍ଷା ଓ ଦିନରାତି କିଛି ନମାନି ପୋଖରୀ କୂଳରେ ମୁହଁକୁ ଲୁଚେଇ ଏମିତି ଠିଆ ହୋଇ ରହୁଛନ୍ତି ମହିଳାଜଣକ ।
ଥରେ ବି କେଉଁଠି ବସୁ ନାହାନ୍ତି କି ଟିକେ ଆଉଜି ହେଉ ନାହାନ୍ତି । ଯଦି କେହି କିଛି ତାଙ୍କୁ କହୁଛନ୍ତି କିମ୍ବା ସେଠାରୁ ଯିବାକୁ କହୁଛନ୍ତି ତେବେ ସେ ଭୀଷଣ ଗାଳିଗୁଲଜ କରୁଛନ୍ତି । ତେଣୁ ଭୟରେ ତାଙ୍କୁ କେହି କିଛି କହୁ ନାହାନ୍ତି । ତାଙ୍କର ଚିକିତ୍ସା ଯେତେ ଚେଷ୍ଟା କରିଲେ ଓ ଔଷଧ ଦେବାକୁ ଚାହିଁଲେ ମଧ୍ୟ କିଛି କାମ ଦେଲାନି ବୋଲି କହିଛନ୍ତି ଜଣେ ସ୍ଥାନୀୟ ବାସିନ୍ଦା । ପ୍ରଭାସିନୀ ହେଉଛନ୍ତି ଗଞ୍ଜାମ ବେଲକୁଣ୍ଠ ବ୍ଲକ କଇଠପଲ୍ଲୀ ଗାଁର ଜଣେ ବେଶ ପାଠୁଆ ମହିଳା ।
ତାଙ୍କର ଘର ପରିବାର ସମସ୍ତେ ଅଛନ୍ତି । କିନ୍ତୁ ମାନସିକ ବିକାରଗ୍ରସ୍ତ ହୋଇଯିବାରୁ ଘରଛାଡି ଦୀର୍ଘ ଦୁଇ ବର୍ଷ ହେବ ଗାଁ ପୋଖରୀ କୂଳରେ ସବୁଦିନ ଏମିତି ଛିଡା ହୋଇ ରହୁଛନ୍ତି । ଆପଣ ଜାଣିଲେ ଆଶ୍ଚର୍ଯ୍ୟ ହେବେ ଯେ ଦୁଇ ବର୍ଷ ଧରି ସେ କେବେବି ମେଡିକାଲ ଯାଇ ନାହାନ୍ତି ।
ମାନସିକ ବିକାରଗ୍ରସ୍ତ ହେବା ପରେ ସ୍ଵାମୀ ପର କରିଦେବାରୁ ଏବେ ଝିଅ ସହ ବାପଘର ଗାଁରେ ପ୍ରଭାସିନୀ ରହୁଛନ୍ତି । ଝିଅ କଲେଜରୁ ଫେରିଲେ ମା’କୁ ଖାଇବା ପାଇଁ ଡାକିବାକୁ ପୋଖରୀ କୁଳକୁ ଯାଆନ୍ତି । ପ୍ରଭାସିନୀ କେତେବେଳେ ଝିଅ କଥା ମାନି ଖାଇ ଦିଅନ୍ତି ତ ଆଉ କେତେବେଳେ ତାକୁ ଠେଲି ଦିଅନ୍ତି । ସେ ନିଜ ମୁହଁକୁ କପଡାରେ ଏମିତି ଘୋଡେଇ ରଖନ୍ତି ଯେ ଗାଁ ଲୋକେ ବି ତାଙ୍କୁ ଆଜିଯାଏଁ ଭଲରେ ଦେଖିନାହାନ୍ତି ।
ଛିଡା ହୋଇ ରହିବା ସହ ମନେ ମନେ ଗୁଣୁଗୁଣୁ ହୋଇ କଣ ସବୁ କହିଯାନ୍ତି । ତାଙ୍କର ଏଭଳି ଅବସ୍ଥା ଦେଖିବାକୁ ଲୋକଙ୍କୁ ଚକିତ କରିଦେଉଛି । ତେଣୁ ପ୍ରଭାସିନୀଙ୍କୁ ଆବଶ୍ୟକ ଚିକିତ୍ସା ଯୋଗାଇ ଦେବା ପାଇଁ ଗାଁ ଲୋକେ ଅନୁରୋଧ କରିଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।