କାନ୍ଧରେ ଢୋଲ ପକାଇ କୁନି କୁନି ହାତରେ ବଜାଉଛି ଆଉ ଗାଇ ଯାଉଛି ରାମାୟଣର କିଛି ପଂକ୍ତି । ଠିକ ଯେମିତି କୀର୍ତ୍ତନ ସମୟରେ ଶୁଣିବାକୁ ମିଳେ । କୁନି ଦେହରେ ସମ୍ଭାଳିଛି ଢୋଲ ବାଦ୍ୟର ଭାର । ଆଉ ତା’ ଢୋଲ ବଜାଇବା ଦେଖିଲେ ଆପଣ ବି କାବା ହୋଇଯିବେ । ଏତେ ଛୋଟ ପିଲା ଠାରେ ଦେଖିବାକୁ ମିଳିଛି ଏହିଭଳି ଏକ ଅନନ୍ୟ ପ୍ରତିଭା । ଆମ ଓଡିଆ ସଂସ୍କୃତିରେ ଢୋଲ, ଗିନି, ଦଶକାଠିଆ ଆଦି ବାଦ୍ୟଯନ୍ତ୍ରର ଖୁବ ମାନ୍ୟତା ରହିଛି ।
କିନ୍ତୁ ଆଧୁନିକତାର ପ୍ରଭାବରେ ଏହିସବୁ ଧୀରେ ଧୀରେ ଲୋପ ପାଉଥିବାର ଦେଖିବାକୁ ମିଳୁଛି । ଆଧ୍ୟାତ୍ମିକତାର ଭାବ ନେଇ ଢୋଲର ତାଳେ ତାଳେ ରାମାୟଣ ଓ ମହାଭାରତର ଅନେକ ଘଟଣାବଳୀ ସବୁ ଲୋକଙ୍କୁ ପରିବେଷଣ କରାଯାଏ । ଯାହା ଦେଖିବା ପାଇଁ ଗାଁ ଗଣ୍ଡାର ଲୋକେ କାମ ପାଇଟି ସାରି ବସିପଡନ୍ତି । କିନ୍ତୁ ଆଜିକାଲି ସେସବୁ ଦୃଶ୍ୟ ଖୁବ କମ୍ ଦେଖିବାକୁ ମିଳୁଛି । ଯେଉଁଠି ଘରେ ଘରେ ପିଢି ପରେ ପିଢି ମୃଦଙ୍ଗ ବଜାଉଥିବାର ଦେଖିବାକୁ ମିଳେ ଆଜି ସେହି ପିଲାଙ୍କ ହାତରେ ଆସି ଯାଇଛି ମୋବାଇଲ ଫୋନ ।
ଛୋଟ ଛୋଟ ପିଲାମାନେ ମଧ୍ୟ ମୋବାଇଲ ଧରି ଘଣ୍ଟା ଘଣ୍ଟା ବସି ରହୁଛନ୍ତି । ମୋବାଇଲ ଯୋଗୁଁ ପିଲାମାନେ ବାହାରକୁ ଯାଇ ଖେଳିବାକୁ ମଧ୍ୟ ଇଚ୍ଛା କରୁ ନାହାନ୍ତି । ଆଧୁନିକତାର ବଶବର୍ତ୍ତୀ ହୋଇ ଧୀରେ ଧୀରେ ପିଲାଙ୍କ ପ୍ରତିଭା ମଳିନ ପଡିବାର ଦେଖିବାକୁ ମିଳୁଛି । ବହୁତ କମ ପିତାମାତା ଆଜି ମଧ୍ୟ ତାଙ୍କ ପିଲାଙ୍କୁ ମୋବାଇଲ ବିନା ପ୍ରତିପାଳନ କରୁଛନ୍ତି ।
ମୋବାଇଲ ଧରି ଖେଳିଲେ ମଧ୍ୟ ପିଲା କିପରି ଶାରୀରିକ ଏବଂ ମାନସିକ ଭାବେ ବିକାଶ ପାଇବେ ସେଥିପ୍ରତି ଦୃଷ୍ଟି ଦେବା ଆବଶ୍ୟକ । ତେବେ କଥା ମଧ୍ୟ ଠିକ ସେ କହିପାରୁ ନଥିବା ଛୋଟ ପିଲାଟିର ଏହିଭଳି ପ୍ରତିଭା ଦେଖି ଯେକେହି ମଧ୍ୟ ଆଶ୍ଚର୍ଯ୍ୟ ହୋଇ ଯାଉଛନ୍ତି । ଯାହା ଏବେ ସୋସିଆଲ ମିଡିଆରେ ଖୁବ ଭାଇରାଲ ହେବାରେ ଲାଗିଛି ।
ଲୋକେ ଛୋଟ ପିଲାଟିର ଏହି ଭିଡିଓକୁ ଅଧିକରୁ ଅଧିକ ଶେୟାର ମଧ୍ୟ କରୁଛନ୍ତି । ଆପଣଙ୍କୁ କୁନି ପିଲାର ଢୋଲ ବାଦ୍ୟ ଦେଖି କିପରି ଲାଗିଲା ଆମକୁ କମେଣ୍ଟ କରି ଜଣାନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍କୁ ଲାଇକ କରନ୍ତୁ ।