ହଠାତ ଦ୍ରୁତଗତିରେ ମାଡି ଆସିଲା କାର୍ ଟି, ଆଉ କେହି କିଛି ବୁଝିବା ପୂର୍ବରୁ ବଡ ଅଘଟଣ ଘଟିଗଲା । ସାମ୍ନାରୁ ଆସୁଥିବା ଏକ ବାଇକକୁ କାର୍ ଟି ଜୋରରେ ପିଟିଦେଲା । ସେହି ବାଇକରେ ଦୁଇଜଣ ସ୍ଵାମୀ ସ୍ତ୍ରୀ ଥିଲେ । ବିପରୀତ ଦିଗରୁ ଆସୁଥିବା କାର୍ ଟି ସ୍ଵାମୀ ସ୍ତ୍ରୀ ବସିଥିବା ବାଇକକୁ ଏତେ ଜୋରରେ ପିଟିଲା ଯେ ସେଥିରେ ଥିବା ସ୍ଵାମୀ ସ୍ତ୍ରୀ ଦୁହେଁ ଛିଟିକି ପଡିଥିଲେ । ହେଲେ କାର୍ ଡ୍ରାଇଭର ସେମାନଙ୍କୁ ପିଟିବା ପରେ କାର୍ ଛାଡି ଦୌଡି ପଳାଇଲା ।
ତେବେ କାର୍ ଡ୍ରାଇଭର ଦୌଡିବାର କାରଣ ହେଉଛି, କାର୍ ଭିତରେ ମଦ ରହିଥିଲା । ସେହି ସମୟର ସିସିଟିଭି ଭିଡିଓ ଏବେ ଖୁବ ଜୋରରେ ଭାଇରାଲ ହେଉଛି । ଢେଙ୍କାନାଳ ଡୁବୁରି ଟାଉନ ଭିତରେ ଦ୍ରୁତଗତିରେ ଯାଉଥିବା ଏକ କାର୍ ନିକଟସ୍ଥ ଏକ ଏଟିଏମ ପାଖରେ ଗୋଟିଏ ବାଇକକୁ ଦେଖାଦେଲା । ଉକ୍ତ ଦୁର୍ଘଟଣାରେ ଆହତ ହୋଇଥିବା ସ୍ଵାମୀ ସ୍ତ୍ରୀ ବର୍ତ୍ତମାନ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି ହୋଇଛନ୍ତି ।
ଦୁର୍ଘଟଣା ଘଟିବା ପରେ ସାହିଲୋକେ କାର୍ ଟିକୁ ଘେରିଯିବା ପରେ କାର୍ ଡ୍ରାଇଭର ଓ ଅନ୍ୟଜଣେ ବ୍ୟକ୍ତି ପାଖରେ ଥିବା କୁଟୁଣିଆ ଜଙ୍ଗଲକୁ ଦୌଡି ପଳାଇ ଯାଇଥିଲେ । ଏହା ପୂର୍ବରୁ ଏହି କାର୍ କୈବଲ୍ୟ ବଜାର ର ପରିବା ବଜାର ଠାରେ ଏକ ଇଣ୍ଡିକା କାର୍ କୁ ଦେଇ ଆସିଥିଲା । ଏହାପରେ କାର୍ ଟି ଦେଉଳସାହି ଓ ଜୁବୁଲି ଟାଉନ ଗଳିରେ ପଶି ଭାପୁର ଆଡକୁ ପଳାଇ ଯିବାକୁ ଚେଷ୍ଟା କରୁଥିଲା ।
ଏତିକି ବେଳେ ଡୁବୁରି ଟାଉନ ଭିତରେ ଏହି ଦୁର୍ଘଟଣା ଘଟାଇ ଥିଲା କାର୍ । ଯାହାର ସିସିଟିଭି ଫୁଟେଜ ବର୍ତ୍ତମାନ ସୋସିଆଲ ମିଡିଆରେ ଖୁବ ଜୋରରର ଭାଇରାଲ ହେବାରେ ଲାଗିଛି । ଘଟଣା ସମ୍ପର୍କରେ ଖବର ପାଇବା ପରେ ଟାଉନ ଥାନା ପୋଲିସ କାର୍ ଟିକୁ ଜବତ କରି ନେଇଛି । ଉକ୍ତ କାର୍ ଭିତରୁ ପୋଲିସକୁ ପ୍ରବଳ ମାତ୍ରାରେ ଦେଶୀ ମଦ ମିଳିଛି । ଯାହାର ଆନୁମାନିକ ମୂଲ୍ୟ ଏକ ଲକ୍ଷ ହେବ ବୋଲି କୁହାଯାଉଛି ।
କାର୍ ନମ୍ବରରୁ ଏହା ଅନୁଗୁଳର ବୋଲି ଲୋକେ ଅନୁମାନ କରୁଥିବା ବେଳେ ଗାଡିଟି କୋରଙ୍ଗା ଅଞ୍ଚଳର ବୋଲି ପ୍ରାଥମିକ ତଦନ୍ତରୁ ଜଣାପଡିଛି । କାର୍ ମଦ ଥିଲା ବୋଲି କାର୍ ର ଡ୍ରାଇଭର ଓ ଅନ୍ୟଜଣେ ବ୍ୟକ୍ତି ନିଜ ମୋବାଇଲ ମଧ୍ୟ ଘଟଣାସ୍ଥଳରେ ଫିଙ୍ଗି ପଳାଇଥିଲେ । ପୋଲିସ ମୋବାଇଲକୁ ମଧ୍ୟ ଜବତ କରି ତଦନ୍ତ ଆରମ୍ଭ କରିଛି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।