ବିବାହ କରିବେ କହି କିଛିଦିନ ଏକାଠି ଅଲଗା ଯାଇ ରହିବା ପରେ ପ୍ରେମିକାଙ୍କୁ ବସଷ୍ଟାଣ୍ଡରେ ଛାଡି ଫେରାର ହେଇଗଲା ପ୍ରେମିକ । ଯାହାପରେ ଯୁବତୀଜଣକ ଏବେ ଯାଇ ଥାନାର ଦ୍ଵାରସ୍ଥ ହୋଇଛନ୍ତି ଓ ନ୍ୟାୟ ମିଳୁ ବୋଲି ଦାବି କରିଛନ୍ତି । ଏଭଳି ଏକ ଘଟଣା ଦେଖିବାକୁ ମିଳିଛି ସୁବର୍ଣ୍ଣପୁର ଜିଲ୍ଲାର ବିନିକା ଅଞ୍ଚଳର ଜଣେ ଯୁବତୀଙ୍କ ସହ । ଯୁବତୀଜଣକ ବରଗଡ ଜିଲ୍ଲାର ଭେଡେନ ଆଇଟିଆଇ ରେ ପାଠ ପଢୁଥିବା ବେଳେ ଜିତୁ ଦେହେରି ନାମକ ଜଣେ ଯୁବକଙ୍କ ସହ ତାଙ୍କର ପ୍ରେମ ସମ୍ପର୍କ ଗଢି ଉଠିଥିଲା ।
ଉଭୟ ପରସ୍ପରକୁ ବିବାହ କରିବେ ବୋଲି ପ୍ରତିଶ୍ରୁତି ଦିଆ ନିଆ ହୋଇଥିଲେ । ହେଲେ ଏହାରି ମଧ୍ୟରେ ଯୁବତୀଙ୍କ ଘରଲୋକେ ତାଙ୍କ ବିବାହ ଅନ୍ୟତ୍ର ଠିକ କରି ଦେଇଥିଲେ । ବିବାହ ପାଇଁ ସବୁ ଆୟୋଜନ ସରିଥିବା ବେଳେ ଅତିଥିଙ୍କୁ ନିମନ୍ତ୍ରଣ ମଧ୍ୟ ସରିଥିଲା । ହେଲେ ବିବାହକୁ ମାତ୍ର ୪ ଦିନ ଥିବାବେଳେ ଯୁବକ ଜିତୁଙ୍କ ସହ ଫେରାର ହୋଇ ଯାଇଥିଲେ ଯୁବତୀ । ଏହାପରେ ପ୍ରଥମେ ସେମାନେ ଯାଇ ତାମିଲନାଡୁରେ କିଛି ମାସ ରହିଥିଲେ ଓ ପରେ ଭୁବନେଶ୍ଵରରେ ମଧ୍ୟ ଯାଇ ରହିଥିଲେ ।
ଏହାରି ମଧ୍ୟରେ ଜିତୁ ତାଙ୍କ ପ୍ରେମିକାଙ୍କୁ ନିର୍ଯ୍ୟାତନା ଦେବା ମଧ୍ୟ ଆରମ୍ଭ କରି ଦେଇଥିଲେ ଓ ଦୁଇ ବର୍ଷ ବିତି ଯାଇଥିଲେ ମଧ୍ୟ ଯୁବତୀଙ୍କ ସହ ମ୍ୟାରେଜ ରେଜିଷ୍ଟ୍ରି କରି ନଥିଲେ । କେବଳ ସେମାନେ ମନ୍ଦିରରେ ବିବାହ କରିଥିଲେ । ଯୁବତୀ ଯେତେବେଳେ ଏକଥା କହୁଥିଲେ ଏହାକୁ ଏଡାଇ ଦେଉଥିଲେ ଜିତୁ ।
ଆଉ ପରେ ତାଙ୍କ ଘରଲୋକନଙ୍କ କଥାରେ ପଡି ଯୁବତୀଙ୍କୁ ତାଙ୍କ ବାପଘରୁ ଟଙ୍କା ଆଣିବା ସହ ରହିବା ପାଇଁ ଜାଗା ଦେବାକୁ ମଧ୍ୟ କହୁଥିଲେ । ଆଉ ଏବେ ଯୁବତୀଙ୍କୁ ନେଇ ଆସିଥିଲେ କୋର୍ଟ ମ୍ୟାରେଜ କରିବା ପାଇଁ । ସେମାନେ ବସରେ ଆସିବା ପରେ ବିନିକାରେ ବସ ବଦଳାଇବା କଥା କହିଥିଲେ । ଆଉ ଯୁବତୀଙ୍କୁ ବସରୁ ଓହ୍ଲାଇବାକୁ କହିଥିଲେ ।
କିନ୍ତୁ ପରିସ୍ରା କରି ଆସୁଛି କିଛି ଯୁବତୀଙ୍କୁ କିଛି ନଜଣାଇ ଯୁବକ ଜିତୁ ଦେହେରି କୁଆଡେ ଫେରାର ହୋଇ ଯାଇଛନ୍ତି । ତାଙ୍କୁ ଅନେକ ସମୟ ଅପେକ୍ଷା କରିଥିଲେ ଯୁବତୀ ଓ ତାଙ୍କ ଫୋନ ମଧ୍ୟ ଲାଗି ନଥିଲା । ଶେଷରେ ନିଜ ବାପାଙ୍କୁ ସବୁ ଜଣାଇ ଥାନାର ଦ୍ଵାରସ୍ଥ ହୋଇଛନ୍ତି ଯୁବତୀ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।