ସୋସିଆଲ ମିଡିଆରେ ଆଜିକାଲି ଏକ ଭିଡିଓ ବହୁତ ମାତ୍ରାରେ ଭାଇରାଲ ହେଉଛି, ଏହି ଭିଡିଓକୁ ଦେଖିଲେ ଆପଣ ମଧ୍ୟ ଡରିଯିବେ । ରେଳ ବିଭାଗର ମନ୍ତ୍ରୀ ପିୟୁଷ ଗୋୟଲ ସୋସିଆଲ ମିଡିଆରେ ବହୁତ ସମୟ ଆକ୍ଟିଭ ରୁହନ୍ତି । କିଛି ଦିନ ତଳେ ପିୟୁଷ ସୋସିଆଲ ମିଡିଆରେ ଏକ ଟିକ ଟକ ଭିଡିଓ ସେୟାର କରିଥିଲେ । ସେହି ଭିଡିଓରେ ଜଣେ ଯୁବକ ତୀବ୍ର ଗତିରେ ଦୌଡି ଟ୍ରେନରେ ଏକ ମାରାତ୍ମକ ଷ୍ଟଣ୍ଟ ଦେଖାଉଥିଲା । ହେଲେ ଷ୍ଟଣ୍ଟ ଦେଖାଉଥିବା ସମୟରେ ତାର ହାତ ଖସିଯାଇଥିଲା । ଯାହାଫଳରେ ଯୁବକ ଜଣକ ଚଳନ୍ତା ଟ୍ରେନରୁ ତଳକୁ ଖସି ପଡିଥିଲା ।
चलती ट्रेन में स्टंट दिखाना बहादुरी नही, मूर्खता की निशानी है। आपका जीवन अमूल्य है, इसे खतरे में ना डालें।
नियमों का पालन करें, और सुरक्षित यात्रा का आनंद लें। pic.twitter.com/tauidfOqRj
— Piyush Goyal Office (@PiyushGoyalOffc) February 18, 2020
ଯେତେବେଳେ ଏହି ଯୁବକ ଜଣକ ଟ୍ରେନରେ ଷ୍ଟଣ୍ଟ ଦେଖାଉଥିଲା, ସେହି ସମୟରେ ଜଣେ ଲୋକ ଯୁବକର ଭିଡିଓ କରୁଥିଲା । ଆପଣ ଏହି ଭିଡିଓରେ ଦେଖିପାରିବେ, ଯୁବକ ଜଣକ ଟ୍ରେନର ଡୋରରେ ଥିବା ହ୍ୟାଣ୍ଡେଲକୁ ଧରି ପବନରେ ଜମ୍ପ କରୁଥିଲା । ହେଲେ ସେହି ସମୟରେ ତାର ହାତ ହ୍ୟାଣ୍ଡେଲରୁ ଖସି ଯାଇଥିଲା । ଯାହାଫଳରେ ଯୁବକଟି ଟ୍ରେନରୁ ଖସି ତଳେ ପଡିଥିଲା । ତାପରେ ସେହି ଯୁବକଟି ତଳେ ପଡିବା ପରେ ବସିଯାଇଥିଲା । ତା ପଛରେ ଟ୍ରେନ ଯାଉଥିଲା, ହେଲେ ସେ ସେମିତି ବସିରହିଲା ।
ଟ୍ରେନରେ ଥିବା ଲୋକମାନେ ମଧ୍ୟ ତାକୁ ସେମିତି ବସିବା ପାଇଁ କହିଥିଲେ, ଯଦି ସେ ଟିକେ ଏପଟ ସେପଟ ହେଇଥାନ୍ତା, ତେବେ ଯୁବକ ଜଣକ ଅତ୍ୟଧିକ ଗୁରୁତର ହୋଇଯାଇଥାନ୍ତେ । ପିୟୁଷ ଗୋୟଲ ଏହି ଭିଡିଓକୁ ସେୟାର କରିଛନ୍ତି ଓ ନିୟମକୁ ପାଳନ କରିବା ପାଇଁ ଅପିଲ କରିଛନ୍ତି । ଏହି ଭିଡିଓକୁ ସେୟାର କରି ପିୟୁଷ କ୍ୟାପ୍ସନରେ ଲେଖିଥିଲେ, ‘ଚଳନ୍ତା ଟ୍ରେନରେ ଷ୍ଟଣ୍ଟ ଦେଖାଇବା ବାହାଦୁରି ନୁହେଁ, ଏହା ହେଉଛି ମୂର୍ଖତା, ଆପଣଙ୍କ ଜୀବନ ଅମୂଲ୍ୟ ଅଟେ, ଜୀବନକୁ ବିପଦରେ ପକାନ୍ତୁ ନାହିଁ । ନିୟମର ପାଳନ କରନ୍ତୁ ଓ ସୁରକ୍ଷିତ ଯାତ୍ରାର ଆନନ୍ଦ ନିଅନ୍ତୁ’ ।
ପିୟୁଷ ଏହି ଭିଡିଓକୁ କିଛି ଦିନ ତଳେ ସେୟାର କରିଥିଲେ । ମିଡିଆରେ ହଜାର ହଜାର ଲୋକ ଏହି ଭିଡିଓକୁ ଦେଖିବା ସହ ଏହି ଭିଡିଓକୁ ବହୁତ ମାତ୍ରାରେ ସେୟାର କରୁଛନ୍ତି । ଏହି ଭିଡିଓକୁ ୧୬ ହଜାରରୁ ଅଧିକ ଲୋକ ଦେଖି ସାରିଛନ୍ତି । ଲୋକମାନେ ଏହି ଭିଡିଓକୁ ଦେଖି ଅଲଗା ଅଲଗା ପ୍ରତିକ୍ରିୟା ଦେଉଛନ୍ତି ।