ଜ୍ଯୋତିଷ ଅନୁସାରେ ବିଶ୍ବାସ ରହିଛି କି ଗ୍ରହ ମାନଙ୍କ ଚଳନ ଓ ସ୍ଥିତି ଆମ ଜୀବନରେ ବହୁତ ପ୍ରଭାବ ପକାଇଥାଏ । ଯାହାଫଳରେ ଆମ ଜୀବନରେ ସୁଖ ଏବଂ ଦୁଃଖ ଲାଗି ରହିଥାଏ । ଏହାକୁ କେନ୍ଦ୍ର କରି ବ୍ୟକ୍ତିଙ୍କ ବ୍ୟକ୍ତିତ୍ବ, ସ୍ଵଭାବ ଓ ଭବିଷ୍ୟତ ବିଷୟରେ ମଧ୍ୟ ଅନେକ କିଛି ଜାଣି ହୋଇଥାଏ । ତେବେ ଆଜି ଆମେ ଆପଣଙ୍କୁ କର୍କଟ ରାଶିର ଜାତକଙ୍କ ପାଇଁ ଆଗାମୀ ଏପ୍ରିଲ ମାସଟି କିପରି ହେବାକୁ ଯାଉଛି ଅଶୁଭ ଖଣ୍ଡନ ପାଇଁ କଣ ପ୍ରତିକାର କରିବେ ତାହା ଜଣାଇବାକୁ ଯାଉଛୁ ।
କର୍କଟ ଏକ ଜଳତତ୍ତ୍ଵର ରାଶି ଓ ରାଶିର ଅଧିପତି ହେଉଛନ୍ତି ଚନ୍ଦ୍ରମା । ତେଣୁ ଏହି ରାଶିର ଲୋକେ ବହୁତ ଚତୁର ହୋଇଥାନ୍ତି । ଅନ୍ୟମାନଙ୍କ ମନକୁ ଜାଣିବା ଏମାନଙ୍କ ପାଇଁ ବହୁତ ସହଜ ଅଟେ । ଆପଣ ପରିବାର ସଦସ୍ୟଙ୍କ ମନ ନେଇ କାର୍ଯ୍ୟ କରିବା ଓ ତାଙ୍କୁ ପ୍ରସନ୍ନ କରିବା ଖୁବ ଭଲ ଭାବରେ ଜାଣିଥାନ୍ତି । ଯେଉଁମାନେ ଏହି ରାଶିର ମହିଳାଙ୍କୁ ପତ୍ନୀ ରୂପେ ପାଇଥାନ୍ତି ସେମାନେ ଅତ୍ୟନ୍ତ ଭାଗ୍ୟଶାଳୀ ହୋଇଥାନ୍ତି । ସେହିଭଳି ଏହି ରାଶିର ପୁରୁଷ ମଧ୍ୟ ତାଙ୍କ ସ୍ତ୍ରୀଙ୍କ ମନକଥାକୁ ସହଜରେ ବୁଝିପାରନ୍ତି ।
ଏମାନେ ମିଠା ଖାଇବାକୁ ଭଲ ପାଇବା ସହ ଭ୍ରମଣ କରିବା ଦୁରାଯାତ୍ରା କରିବାକୁ ବେଶ ପସନ୍ଦ କରନ୍ତି । ତେବେ ଏମାନେ ଭାବୁକ ସ୍ଵଭାବର ହୋଇଥିବାରୁ ଏଥିପାଇଁ ଅନେକ ସମୟରେ ଅସୁବିଧାରେ ମଧ୍ୟ ପଡିଥାନ୍ତି । ଏପ୍ରିଲ ମାସରେ ଆପଣଙ୍କ ପାଇଁ ଗ୍ରହ ମାନଙ୍କର ଶୁଭ ସ୍ଥାନ ହେତୁ ଆପଣଙ୍କ ପାଇଁ ଏହି ମାସଟି ଅତ୍ୟନ୍ତ ଶୁଭ ଫଳଦାୟକ ରହିବ ।
କିଛି କ୍ଷେତ୍ରରେ ଆପନ୍ନକୁ ନିଶ୍ଚିତ ସଫଳତା ମିଳିବ । ଯେଉଁମାନେ ବିଦେଶରେ ରହିଛନ୍ତି ସେମାନଙ୍କୁ ବିଶେଷ ଫଳପ୍ରାପ୍ତି ହେବ । ବିଦେଶରେ ରହି ବିଦ୍ୟା ଅର୍ଜନ କରୁଥିବା ଲୋକଙ୍କ ପାଇଁ ମାସଟି ବେଶ ଅନୁକୂଳ ରହିବ । କ୍ଯାରିୟର ଦୃଷ୍ଟିରୁ ମାସଟି ଆପଣଙ୍କ ପାଇଁ ବେଶ ଅନୁକୂଳ ରହିଛି । କାର୍ଯ୍ୟକ୍ଷେତ୍ରରେ ଆପଣଙ୍କୁ ବିଶେଷ ସଫଳତା ପ୍ରାପ୍ତି ହେବ ଓ କର୍ମ ସ୍ଥାନରେ ବରିଷ୍ଠ ଅଧିକାରୀଙ୍କ ସମର୍ଥନ ପାଇବେ ।
ଆପଣ ଯେକୌଣସି କାର୍ଯ୍ୟରେ ହାତ ଦେବେ ସେଥିରେ ନିଶ୍ଚିତ ଭାବେ ସଫଳ ହେବେ ଓ ଆପଣଙ୍କ ଦୀର୍ଘ ଦିନର ମନୋବାଞ୍ଛା ପୂର୍ଣ୍ଣ ହେବ । ବେପାର ବାଣିଜ୍ୟରେ ମଧ୍ୟ ବିଶେଷ ଲାଭ ହେବ ଓ ବ୍ୟବସାୟ ବୃଦ୍ଧି କରିବାର ନୂଆ ନୂଆ ଅବସର ଆପଣଙ୍କୁ ମିଳିବ । କାର୍ଯ୍ୟକ୍ଷେତ୍ରରେ ମଧ୍ୟ ପଦୋନ୍ନତି ଓ ବେତନରେ ବୃଦ୍ଧି ହେବାର ସମ୍ଭାବନା ରହିଛି ।
ପାରିବାରିକ ଜୀବନ ମଧ୍ୟ ବେଶ ସୁଖମୟ ହେବ ଓ ପରିବାର ଲୋକ ସମସ୍ତେ ଆପଣଙ୍କ ଉପରେ ପ୍ରସନ୍ନ ରହିବେ । ଜୀବନସାଥିଙ୍କ ସହ ମଧ୍ୟ ବେଶ ଭଲ ସମୟ ଅତିବାହିତ କରିବେ । ସମାଜରେ ଆପଣଙ୍କ ମାନ ସମ୍ମାନ ବୃଦ୍ଧି ହେବ ଓ ଯାହାବି ଆଶା ରଖିଛନ୍ତି ତାହା ପୂର୍ଣ୍ଣ ହେବ । ଖାଦ୍ୟପେୟ ତଥା ସ୍ୱାସ୍ଥ୍ୟ ପ୍ରତି ବିଶେଷ ଧ୍ୟାନ ଦେବାକୁ ପଡିବ ।
ତେବେ ଯାହାବି କିଛି ଅଶୁଭ ରହିଛି ତା’ର ଖଣ୍ଡନ ପାଇଁ ପ୍ରତିକାର ହେଉଛି ଆପଣ ପ୍ରତିଦିନ ଭଗବାନ ଶିବଙ୍କର ମନ୍ଦିର ଯାଆନ୍ତୁ ଓ ତାଙ୍କର ପୂଜାର୍ଚ୍ଚନା କରି ଜଳ ଅର୍ପଣ କରନ୍ତୁ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।