ସହିଦ ଲକ୍ଷ୍ମଣ ନାୟକଙ୍କ ଭଳି ଅନେକ ବୀରପୁତ୍ରଙ୍କୁ ଜନ୍ମ ଦେଇଛି କୋରାପୁଟ ମାଟି । କୋରାପୁଟର ପ୍ରାକୃତିକ ସୌନ୍ଦର୍ଜ୍ୟ ସମସ୍ତଙ୍କ ଆଖି ଓ ମନକୁ ଖୁବ ଆକର୍ଷିତ କରେ । ଗତକାଲି ଆମ ଦେଶ ସ୍ଵାଧୀନତାର ୭୫ ବର୍ଷ ଧୁମଧାମରେ ପାଳନ କରିଛି । ତେବେ ବର୍ଷ ବର୍ଷ ଧରି ଆମ ଦେଶକୁ ବୀର ଯବାନମାନେ ସୁରକ୍ଷା ପ୍ରଦାନ କରୁଛନ୍ତି । ସେମାନେ ସୀମାରେ ଦେଶ ପାଇଁ କରୁଥିବା ତ୍ୟାଗ ଯୋଗୁଁ ଆମେ ଆଜି ଏଠାରେ ନିଶ୍ଚିନ୍ତରେ ଜୀବନ କାଟୁଛୁ ।
ତେବେ ସ୍ଵାଧୀନତା ଦିବସ ଉପଲକ୍ଷେ କୋରାପୁଟରେ ଥିବା ବିଏସଏଫ କ୍ୟାମ୍ପରେ ଯବାନ ମାନଙ୍କୁ ଟିକିଏ ମନୋରଞ୍ଜନ କରିବା ପାଇଁ ଏକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ଆଉ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ ତଥା ଯବାନ ମାନଙ୍କୁ ଟିକେ ହସେଇବା ପାଇଁ ଚେଷ୍ଟା କରିଥିଲେ ଓଲିଉଡର ଲୋକପ୍ରିୟ କମେଡିଆନ ପପୁ ପମପମ୍ । ପପୁ ଓଡିଆରେ କମେଡି କରୁଥିବା ବେଳେ ସେହି କ୍ୟାମ୍ପରେ ରହୁଥିବା ଅଧିକାଂଶ ଯବାନ ସେତେ ଭଲ ଭାବେ ଓଡିଆ ବୁଝନ୍ତି ନାହିଁ ।
କାରଣ କେବଳ ଆମ ରାଜ୍ୟରୁ ନୁହେଁ ବରଂ ରାଜ୍ୟ ବାହାରୁ ମଧ୍ୟ ଯବାନ ସେହି ସ୍ଥାନରେ କାର୍ଯ୍ୟରତ ଅଟନ୍ତି । ତେବେ ଯାହାବି ହେଉ ପପୁ ହିନ୍ଦୀରେ କଥା କହି ଯବାନ ମାନଙ୍କୁ ହସେଇବା ପାଇଁ ଚେଷ୍ଟା କରିଥିଲେ । ହେଲେ ପପୁଙ୍କ ହିନ୍ଦୀ ଏତେ ମଜାଳିଆ ଥିଲା ଯେ ସେତିକି ହିଁ ହସେଇବା ପାଇଁ ଯଥେଷ୍ଟ ଥିଲା କହିଲେ ଭୁଲ ହେବନି ।
ଏକଥା ପପୁ ନିଜେ ବି ଷ୍ଟେଜରେ କହି ଦେଇଥିଲେ କି, “ମୁଁ ସବୁବେଳେ ଓଡିଆରେ କମେଡି କରେ, ଫିଲ୍ମ କରେ ଯାହାବି କରେ ଓଡିଆରେ କରେ । ତେଣୁ ହିନ୍ଦୀରେ କହିବାକୁ ପଡିବ ଜାଣିବା ପରେ ମୁଁ ଟିକେ ଟେନସନରେ ଅଛି । ତେବେ ମୋର ମଝିରେ ମଝିରେ ହିନ୍ଦୀ ଶବ୍ଦ ମନେ ନପଡିଲେ ଓଡିଆ ବାହାରିଯିବ । ସେମିତି ହେଲେ ହସିଦେବେ ଆଉ ସମସ୍ତେ ଭାବିବେ କମେଡିଆନ ତ କମେଡି କରୁଛି ।”
ତେବେ ପପୁ ଗୀତ ଗାଇଥିଲେ ଏବଂ ବିଭିନ୍ନ ମଜାଳିଆ କଥା କହି ଯବାନ ମାନଙ୍କୁ ଖୁବ ହସେଇଥିଲେ । ଏହାସହ ସୀମାରେ ଜଗି ଆମର ସୁରକ୍ଷା କରୁଥିବାରୁ ସେମାନଙ୍କୁ ସେ କୃତଜ୍ଞତା ମଧ୍ୟ ଜଣାଇଥିଲେ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।