ମନ ପସନ୍ଦର ପର୍ଯ୍ୟଟନ ସ୍ଥଳକୁ ବୁଲିଯିବା ଏବଂ ପ୍ରାକୃତିକ ସୌନ୍ଦର୍ଜ୍ୟକୁ ଉପଭୋଗ କରିବା ପାଇଁ ସମସ୍ତେ ଭଲ ପାଆନ୍ତି । ଆଉ ବର୍ତ୍ତମାନ ନୂଆବର୍ଷ ଏବଂ ପିକନିକ ସିଜିନ ଚାଲିଥିବାରୁ ସମସ୍ତେ କେଉଁ ନା କେଉଁ ସ୍ଥାନକୁ ବୁଲି ଯାଉଛନ୍ତି । ନୂଆ ଜାଗାକୁ ବୁଲିଯିବା ନୂଆ ଅନୁଭୂତି ହାସଲ କରିବାକୁ ଦେଶ ବିଦେଶର ପ୍ରାୟ ପ୍ରତ୍ଯେକ ଲୋକଙ୍କୁ ପସନ୍ଦ ହୋଇଥାଏ । କିନ୍ତୁ ବେଳେବେଳେ ଏହି ସମୟରେ କିଛି ଏଭଳି ଅଘଟଣ ଘଟିଯାଏ, ଯାହା ସମସ୍ତ ଆଶା ଏବଂ ଅନୁଭୂତିକୁ ଧୋଇ ନେଇଯାଏ ।
ପର୍ଯ୍ୟଟନ ସ୍ଥଳକୁ ଯାଇଥିବା ବେଳେ ଘଟିଥିବା ଗୋଟିଏ ଅଘଟଣ ବିଷୟରେ ଆଜି ଆମେ ଆପଣଙ୍କୁ ଜଣାଇବାକୁ ଯାଉଛୁ । ଜଳପ୍ରପାତ ତଳେ ବୋଟିଂର ଆନନ୍ଦ ଉଠାଉଥିଲେ କିଛି ପର୍ଯ୍ୟଟକ । ଚାରିଆଡେ ପାହାଡ ମଝିରେ ଜଳଭଣ୍ଡାର ଆଉ ସେହି ଜଳଭଣ୍ଡାର ମଧ୍ୟରେ କେତୋଟି ବୋଟରେ ବୋଟିଂ କରୁଥିଲେ କିଛି ପର୍ଯ୍ୟଟକ । ଆଉ ଠିକ ଏତିକି ବେଳେ ସମସ୍ତଙ୍କ ଚିନ୍ତା ବାହାରେ ଘଟିଥିଲା ଏପରି ଏକ ହୃଦୟ ବିଦାରକ ଅଘଟଣ । ଯେଉଁଥିରେ ପ୍ରାୟ ୭ ଜଣ ପର୍ଯ୍ୟଟକଙ୍କ ମୃତ୍ୟୁ ହୋଇଛି ।
ଯାହାର ଦୃଶ୍ୟ ଅନ୍ୟ କିଛି ପର୍ଯ୍ୟଟକଙ୍କ ମୋବାଇଲରେ କଏଦ ହୋଇ ଯାଇଥିଲା । ଆଉ ଏବେ ସୋସିଆଲ ମିଡିଆରେ ନିଆଁ ଭଳି ଭାଇରାଲ ହେବାରେ ଲାଗିଛି । ଜଳପ୍ରପାତ ତଳେ ବୋଟିଂ କରୁଥିବା ବେଳେ ପାହାଡର ଏକ ବିରାଟ ଅଂଶ ଖସି ପଡିଥିଲା । ଦକ୍ଷିଣପୂର୍ବ ବ୍ରାଜିଲର ଏକ ଜଳପ୍ରପାତରେ ଘଟିଛି ଏହି ଅଘଟଣ । ବୋଟିଂ କରୁଥିବା ବେଳେ ପଥର ଖସିବା ହେତୁ ଦୁଇଟି ବୋଟରେ ପାହାଡର ଅଂଶ ଭାଙ୍ଗି ଧସେଇ ପଡିଥିଲା ।
ଯାହାଫଳରେ ପ୍ରାୟ ୭ ଜଣଙ୍କର ମୃତ୍ୟୁ ହୋଇଥିବା ବେଳେ ଆହୁରି ତିନି ଜଣ ନିଖୋଜ ଅଛନ୍ତି । ଯାହାର ଭିଡିଓ ସୋସିଆଲ ମିଡିଆରେ ଖୁବ ଭାଇରାଲ ହେଉଛି । ପଥର ଖସି ପଡିବ ବେଳକୁ ପର୍ଯ୍ୟଟକ ମାନେ ପ୍ରାଣ ବିକଳରେ ଚିତ୍କାର କରୁଥିବାର ମଧ୍ୟ ଶୁଣିବାକୁ ମିଳୁଛି । ନିଖୋଜ ଥିବା ଲୋକଙ୍କୁ ଖୋଜିବା ପାଇଁ ବୁଡାଳି ମାନଙ୍କୁ ନିୟୋଜିତ କରାଯାଇଛି ବୋଲି ସ୍ଥାନୀୟ ପ୍ରଶାସନ ପକ୍ଷରୁ କୁହାଯାଇଛି ।
ଗତ ଦୁଇ ସପ୍ତାହ ଧରି ସମ୍ପୃକ୍ତ ଅଞ୍ଚଳରେ ଅତ୍ୟନ୍ତ ବର୍ଷା ହୋଇଥିଲା । ଯାହାଫଳରେ ପାହାଡ ନରମ ହୋଇ ଧସିଥିବା କୁହାଯାଉଛି । ପ୍ରକୃତିର ଆନନ୍ଦ ଉଠାଇବାକୁ ଯାଇଥିବା ବେଳେ ଏହିପରି ଅଘଟଣ ଘଟିବ ବୋଲି କେହି କେବେ ସ୍ଵପ୍ନରେ ସୁଧା ଭାବି ନଥିବେ । ଏହି ଭୟଙ୍କର ଅଘଟଣର ଦୃଶ୍ୟ, ଦେଖିବା ଲୋକର ଛାତି ଥରାଇ ଦେଉଛି । ଆପଣଙ୍କ ପ୍ରତିକ୍ରିୟା ଆମକୁ କମେଣ୍ଟ କରି ଜଣାନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।