ଜନ୍ମ କଲା ମା’ ଯାହାକୁ ପର କରିଦେଲା ତା’ର ଆଉ କିଏ ସାହା ହେବ ! ନିଜର କିଏ କରିବ ! ମାଆ କୋଳରେ ସ୍ନେହ ପ୍ରେମ ପାଇବା ବଦଳରେ ଗାଈ ଗୁହାଳରେ ଗୋରୁଙ୍କ ଭଳି ପଡି ରହିଛି ଛୁଆ । ମାଆ ହାତରନ୍ଧା ଖାଇବା ବି ତା’ ଭାଗ୍ୟରେ ନାହିଁ । ଗାଁ ଲୋକଙ୍କ ହାତ ଟେକା ଖାଦ୍ଯ ଖାଇ ବଞ୍ଚି ରହିଛି । ଯେଉଁ ଗୁହାଳରେ ରହୁଛି ତା’ ଭିତରେ ହିଁ ଖାଉଛି ଆଉ ଶୋଉଛି । ଜନ୍ମ ଠାରୁ 12 ବର୍ଷ ବୟସର ଏହି ଝିଅଟି ବନ୍ଦୀ ହୋଇ ଜୀବନ କାଟୁଛି । ଝିଅକୁ ଜନ୍ମ ଦେବା ପରେ ଗୁହାଳରେ ଛାଡି ଦେଇ କୁଆଡେ ଚାଲିଯାଇଛି ମାଆ ।
12 ବର୍ଷର ଏହି ନିରୀହ ଝିଅଟିକୁ ପାଦରେ ଆଡେଇ ଦେଇ ମାଆ କୁଆଡେ ଚାଲିଯାଇଛି । 10 ମାସ 10 ଦିନ ଗର୍ଭରେ ଧରି ଜନ୍ମ ଦେଇଥିବା ଛୁଆକୁ ମାଆ ଏମିତି ଛାଡି ଦେଇପାରେ ତାହା ବେଶ ଅବିଶ୍ଵସନୀୟ । ବାପା ସିନା ଭାଗ୍ୟକୁ ନେଇ ଅଧାବାଟରେ ଛାଡି ଆରପାରିକୁ ଚାଲିଗଲେ, ତା’ ବୋଲି କଣ ମା’ ହୋଇ ପିଲାକୁ ଏମିତି ଠକି ଦେଇପାରିବ ! ନିଜ ସୁଖ ପାଇଆନ ନିଜ ଜନ୍ମ କଲା ଝିଅକୁ ଦୁଃଖ ଦରିଆରେ ଭସେଇ ଦେଇଛି ଅବିବେକୀ ମାଆ । ଯାହାକୁ ନିଜ ମା’ ପର କରି ଦୁଃଖ ଦେଉଛି ସିଏ ବା ଆଉ କାହାକୁ କଣ କହିବ !
ଗାଈ ଗୁହାଳ ଭିତରେ କୁକୁର ମାଙ୍କଡ ଭଳି ବଞ୍ଚୁଛି ଝିଅଟି । ତା’ ଅବସ୍ଥା ଦେଖିଲେ କେହିବି ସହୃଦୟ ବ୍ୟକ୍ତି କାନ୍ଦି ପକାଇବେ । ଗୋଟିଏ ଡ୍ରେସକୁ ବର୍ଷ ବର୍ଷ ଧରି ପିନ୍ଧି ରହିଛି ଝିଅ । କିଛି ବୁଝି ପାରୁ ନଥିବା ନିରୀହ ଝିଅଟି ଘୁଷୁରିଙ୍କ ଭଳି ଅପରିଷ୍କାର ହୋଇ ପଡି ରହୁଛି ।
ଗାଁ ଲୋକମାନେ ଦୟାରେ ଯାହା ଖାଇବାକୁ ଦେଉଛନ୍ତି ସେତିକି ଖାଇ ଜୀବନ ବଞ୍ଚାଉଛି ଝିଅଟି । ନହେଲେ ବଖାଇ ନପିଇ ଗୁହାଳ ଘରେ ସେ ପଡି ରହୁଛି । କନ୍ଧମାଳ ଜିଲ୍ଲାରେ ଦେଖିବାକୁ ମିଳିଛି ଗୋଟିଏ ଭିନ୍ନକ୍ଷମ ଝିଅର ଏଭଳି ଅଭନୀୟ ଦୃଶ୍ୟ । ବାପା ଆରପାରିକୁ ଚାଲିଯିବା ପରେ ମା’ ବଡ ଝିଅକୁ ଧରି କୁଆଡେ ଚାଲିଯାଇଛି କେହି ବି ଜାଣନ୍ତିନି । ଭିନ୍ନକ୍ଷମ ହୋଇଥିବାରୁ ସାନ ଝିଅଟି କଥା କହିପାରେନି କି ଭଲରେ ଚାଲି ପାରେନି ।
ତେଣୁ ଗୁହାଳ ଘରେ ଏକାକୀ ପଡିରହିଛି । ଗାଁ ଲୋକେ ଝିଅଟିକୁ ଅଧିକ କିଛି ସାହାଯ୍ୟ କରିବାକୁ ଭୟ କରୁଛନ୍ତି । ତେଣୁ ସେମାନେ ସରକାର ଓ ପ୍ରଶାସନଙ୍କୁ ଝିଅଟିର ସାହାଯ୍ୟ କରିବା ପାଇଁ ଅନୁରୋଧ କରିଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।