ଆଜିକୁ ପ୍ରାୟ ୮ଦିନ ହେବ ବ୍ରହ୍ମପୁର ବ୍ରହ୍ମାନଗର ଅଞ୍ଚଳରେ ଶ୍ଵଶୁର ଘର ସାମନାରେ ନ୍ୟାୟ ଦାବି କରି ବସି ରହିଛନ୍ତି ଛତ୍ରପୁରର ଡିମ୍ପଲ ଓରଫ ତପସ୍ଵିନୀ ଦାସ । ପ୍ରାୟ ଏକ ସପ୍ତାହ ବିତି ଯାଇଥିଲେ ମଧ୍ୟ ତାଙ୍କ ସମସ୍ଯାର କୌଣସି ସମାଧାନ ପନ୍ଥା ବାହାରି ପାରିନାହିଁ । ଦୁଇ ଦିନ ତଳେ କୋର୍ଟରୁ ନିରାଶ ହୋଇ ଫେରିଥିଲେ ତପସ୍ଵିନୀ । ସେ ନିଜ ସ୍ଵାମୀ ସୁମିତ କୁମାର ସାହୁଙ୍କ ସହ ରହିବାକୁ ଚାହାଁନ୍ତି ବୋଲି କୋର୍ଟରେ ଲିଖିତ ଆବେଦନ ଦେଇଥିଲେ ।
ତେବେ ଦୁଇ ଦିନ ତଳେ କୋର୍ଟ ତାଙ୍କୁ ସଖୀ ସେଣ୍ଟରରେ ରହିବାକୁ କହିଥିବା ବେଳେ କୋର୍ଟଙ୍କ ଆଦେଶକୁ ପାଳନ କରି ନାହାଁନ୍ତି ତପସ୍ଵିନୀ । କୋର୍ଟରୁ ବାହାରିବ ପରେ ରାଗ ତମତମ ହୋଇ ଆସି ସେମିତି ବସିଛନ୍ତି ସୁମିତଙ୍କ ଘର ସମାନାରେ । ଏକା ଜିଦ୍ ତାଙ୍କୁ ଶ୍ବଶୁରଘର ଲୋକେ ଗ୍ରହଣ କରି ନିଅନ୍ତୁ । କିନ୍ତୁ କେହି ଆସୁ ନାହାଁନ୍ତି କି ତାଙ୍କୁ ପାଛୋଟି ନେଉ ନାହାଁନ୍ତି । ତଥାପି ଧୈର୍ଯ୍ୟହରା ହୋଇ ନାହାଁନ୍ତି ତପସ୍ଵିନୀ ।
୮ ଦିନ କ’ଣ ଦରକାର ପଡିଲେ ଆହୁରି ୮ ମାସ ପର୍ଯ୍ୟନ୍ତ ସେଠାରେ ଏମିତି ବସି ରହିବେ ବୋଲି ସେ କହିଛନ୍ତି । ତେବେ ଆଜି ତପସ୍ଵିନୀଙ୍କ ପାଇଁ ଏକ ଗୁରୁତ୍ୱପୂର୍ଣ୍ଣ ଦିନ । ଆଜି ମଧ୍ୟ କୋର୍ଟରେ ଶୁଣାଣି ରହିଛି । ତେବେ ତପସ୍ଵିନୀ ବିଶ୍ବାସ ରଖିଛନ୍ତି କି ତାଙ୍କୁ ନିଶ୍ଚୟ ଜଜ୍ ସାହେବ ନ୍ୟାୟ ଦେବେ ବୋଲି । ୮ ଦିନ ହେବ ସେଠାରେ ସେ ବସିଲେଣି, ନ୍ୟାୟାଳୟ ଓ ଭଗବାନଙ୍କ ଉପରେ ତାଙ୍କର ବିଶ୍ବାସ ଏବଂ ଭରସା ରହିଛି କି ତାଙ୍କୁ ନିଶ୍ଚୟ ନ୍ୟାୟ ମିଳିବ ବୋଲି ସେ କହିଛନ୍ତି ।
ତାଙ୍କୁ ନିଶ୍ଚୟ କିଛି ଖୁସି ଖବର ମିଳୁ ଓ ତାଙ୍କ ଦୁଃଖ ଦୂର ହେଉ । କାରଣ ସେଠାରେ ସେ ବସିଛନ୍ତି ବୋଲି ୧୦୦ରୁ ୫୦ ପ୍ରତିଶତ ଲୋକଙ୍କ ମନ ମଧ୍ୟ ଦୁଃଖ ଅଛି । ତେବେ ଏହା କୌଣସି ଖେଳଘର ନୁହେଁ ନ୍ୟାୟ ନମିଳିବା ପର୍ଯ୍ୟନ୍ତ ସେ ସେଠାରେ ସେମିତି ବସି ରହିବେ ବୋଲି କହୁଛନ୍ତି । ଯାହା ବି ହେଉ ତାଙ୍କ ଅଧିକାର ସେ ହାସଲ କରିବେ ବୋଲି ଜିଦ୍ ଧରିଛନ୍ତି ।
ସେପଟେ ସୁମିତ ପୂର୍ବରୁ କୋର୍ଟରେ ଡିମ୍ପଲଙ୍କ ସହ ଛାଡପତ୍ର ଆବେଦନ କରିଛନ୍ତି । ତେବେ ଏପରି ସ୍ଥଳେ କୋର୍ଟ ଡିମ୍ପଲଙ୍କୁ କିପ୍ରକାର ନ୍ୟାୟ ଶୁଣାଇବେ ତାହା ଜାଣିବାକୁ ସମସ୍ତେ ଅପେକ୍ଷା କରି ରହିଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍କୁ ଲାଇକ କରନ୍ତୁ ।