କେନ୍ଦ୍ରୀୟ ଶ୍ରମିକ ସଙ୍ଗଠନର ବନ୍ଦ ଡାକରା ଯୋଗୁଁ ହେଉଥିବା ଭାରତ ବନ୍ଦ ପାଇଁ ଗଣଶିକ୍ଷା ବିଭାଗର ପ୍ରମୁଖ ସଚିବ ପ୍ରଦୀପ୍ତ ମହାପାତ୍ର ସୂଚନା ଦେଇଛନ୍ତି ଆସନ୍ତାକାଲି ରାଜ୍ୟର ସମସ୍ତ ସ୍କୁଲ ଛୁଟି ରହିବ । ଦୁଇ ଦିନିଆ ଭାରତ ବନ୍ଦ ଡାକରା ହୋଇଥିବା ବେଳେ ବୁଧବାର ଦିନ ସ୍କୁଲ ବନ୍ଦ ରହିବ କି ନାହିଁ ସେ ବିଷୟରେ କିଛି ସୂଚନା ଦେଇ ନାହାନ୍ତି ପ୍ରଦୀପ୍ତ ମହାପାତ୍ର ।
ରାଜ୍ୟ ସରକାରଙ୍କ ସ୍କୁଲ ଛୁଟି ଘୋଷଣା ପୂର୍ବରୁ ବିଜେପି ନେତୃତ୍ୱାଧୀନ ଏନଡିଏ ସରକାରଙ୍କ ଆର୍ଥିକ ନୀତିକୁ ବିରୋଧ କରି କେନ୍ଦ୍ରୀୟ ଶ୍ରମିକ ସଂଗଠନ ଗୁଡ଼ିକ ଆସନ୍ତା ୮ ଓ ୯ ତାରିଖରେ ଦୁଇ ଦିନିଆ ଧର୍ମଘଟ କରିବେ । ୮ ତାରିଖ ସକାଳ ୬ଟାରୁ ୧୦ ତାରିଖ ସକାଳ ୬ଟା ପର୍ଯ୍ୟନ୍ତ ୪୮ ଘଣ୍ଟା ପାଇଁ ଏହି ଧର୍ମଘଟ ହେବ । ଏହି ଧର୍ମଘଟ ଜରିଆରେ ମୋଦି ସରକାରଙ୍କୁ ସତର୍କବାଣୀ ଦିଆଯିବ । ଧର୍ମଘଟରେ ଆଇଏନଟିୟୁସି, ଏଆଇଟିୟୁସି, ଏଚଏମଏସ, ସିଟୁ, ଏଆଇୟୁଟିୟୁସି ଭଳି ୧୦ଟି କେନ୍ଦ୍ରୀୟ ଶ୍ରମିକ ସଂଗଠନ, କେନ୍ଦ୍ର ଓ ବିଭିନ୍ନ ରାଜ୍ୟ ସରକାରଙ୍କ କର୍ମଚାରୀ ସଂଘ, ବ୍ୟାଙ୍କ ଓ ବୀମା କର୍ମଚାରୀଙ୍କ ସଂଘ ସମେତ ଜାତୀୟ ସ୍ତରର ବିଭିନ୍ନ ସ୍ୱାଧୀନ ଶ୍ରମିକ ଓ କର୍ମଚାରୀ ସଂଗଠନ ଏଥିରେ ଯୋଗଦେବେ ।
ଟ୍ରେଡ ୟୁନିୟନର ଭାରତ ବନ୍ଦ ଡାକରାକୁ ସମର୍ଥନ ଜଣାଇଛି ବିଜେଡ଼ି । କଂଗ୍ରେସ ମଧ୍ୟ ଭାରତ ବନ୍ଦ ଡାକରାରେ ସହମତ ବୋଲି ସୂଚନା ମିଳିଛି । ତେବେ ରାଜ୍ୟରେ କିନ୍ତୁ ସିଧାସଳଖ ଭାବେ କେହି ଭାରତ ବନ୍ଦ ଡାକରାରେ ଯୋଡ଼ିହେବେ ନାହିଁ । ସଂଗଠନ ସହ ଯେଉଁମାନେ ଜଡ଼ିତ ସେମାନେ ଭାରତ ବନ୍ଦ ପାଳନରେ ସାମିଲ ହୋଇପାରନ୍ତି । ଏହି ଦୁଇ ଦିନ ଧରି କେବଳ ସରକାରୀ ବ୍ୟାଙ୍କ ଗୁଡିକର କାର୍ଯ୍ୟ ବନ୍ଦ ରହିବ । ପ୍ରାଇଭେଟ୍ ବ୍ୟାଙ୍କ ଗୁଡିକର କାର୍ଯ୍ୟ ସୂଚାରୁରୂପେ ଜାରି ରହିବ ।
ଏହି ଭାରତ ବନ୍ଦ ଯୋଗୁ ହେଉଥିବା ସ୍କୁଲ ବନ୍ଦ ପାଇଁ ଆପଣଙ୍କ ମତାମତ ନିଶ୍ଚୟ କମେଣ୍ଟ ରେ ଦିଅନ୍ତୁ । ଶେୟାର କରି ଏହି ସୁଚନାଟି ସମସ୍ତଙ୍କ ନିକଟରେ ପହଞ୍ଚାନ୍ତୁ । ଆମ ସହିତ ଯୋଡି ହେବା ପାଇଁ ପେଜକୁ ଲାଇକ କରନ୍ତୁ ।