ଭାଗ୍ୟ କେତେବେଳେ କାହାକୁ କାହେ ସାଥେ ଯୋଡି ଦିଏ ତାହା କେହି ଚିନ୍ତା ସୁଦ୍ଧା କରିପାରନ୍ତି ନାହିଁ । ସ୍ଵାମୀଙ୍କୁ କୋଭିଡରେ ହରାଇ ଦେଇଥିଲେ ଘରର ମଝିଆ ବୋହୂ । ସ୍ଵାମୀ ଯିବା ପରେ କୋଳରେ କୁନି ପୁଅକୁ ଧରି ଅସହାୟ ହୋଇ ପଡିଥିଲେ । ହେଲେ ବିଧବା ଭାଉଜର ହାତ ଧରି ସାହା ହେଲେ ଦିଅର । ବାଙ୍କି ଡମପଡା ବ୍ଲକ ରଗଡି ଗାଁରେ ଦେଖିବାକୁ ମିଳିଛି ଏଭଳି ଏକ ଘଟଣା । ଏଥିପାଇଁ ଦିଅର ଅରୁଣଙ୍କୁ ଯେତେ ପ୍ରଶଂସା କଲେ ମଧ୍ୟ କମ୍ ପଡିବ ।
ଅରୁଣଙ୍କ ବାହାଘର ପଦକ୍ଷେପକୁ ନେଇ ଏବେ ସ୍ଥାନୀୟ ଅଞ୍ଚଳରେ ଚର୍ଚ୍ଚା ଜୋର ଧରିଛି । କାରଣ ସେ ନିଜ ଭାଉଜଙ୍କ ସହ ବେଦିରେ ବସି ରୀତିନୀତିରେ ବିବାହ କରିଛନ୍ତି । କରୋନାରେ ସ୍ଵାମୀଙ୍କର ଅକାଳ ମୃତ୍ୟୁ ପରେ କୋଳରେ ବର୍ଷକର ପୁଅକୁ ଧରି ବାକି ଜୀବନ କେମିତି କାଟିବେ ଚିନ୍ତାରେ ପଡି ଯାଇଥିଲେ ଲିଲି । ଭାଉଜକୁ ସିନା ଆଉ କାହା ବିବାହ କରେଇ ଦେବେ ହେଲେ କୁନି ଛୁଆଟିକୁ କିଏ ଗ୍ରହଣ କରିବ ? ଏକଥା ଦିଅର ଅରୁଣଙ୍କ ସମେତ ପୁରା ପରିବାରକୁ ଚିନ୍ତାରେ ପକାଇ ଦେଇଥିଲା ।
ଏପରି ବେଳେ ଅରୁଣ ନିଜ ବିବେକର କଥାକୁ ଆପଣେଇ ନେଇଥିଲେ । ସେ ଚାହିଁଥିଲେ ଅନ୍ୟ ଆଡେ ଝିଅଟିଏ ଦେଖି ଯାନିଯୌତୁକ ଆଣି ବେଶ ଧୁମଧାମରେ ବାହା ହୋଇଥାନ୍ତେ । ହେଲେ ନିଜ ଖୁସି ଓ ସ୍ଵାର୍ଥକୁ ପଛରେ ପକାଇ ଭାଉଜ ଏବଂ କୁନି ପୁତୁରାଙ୍କ ଭବିଷ୍ୟତ ପାଇଁ ଅରୁଣ ଏଇ ବିବାହ କରିବାକୁ ନିଷ୍ପତ୍ତି ନେଲେ । ଏଥିରେ ଅରୁଣଙ୍କ ପରିବାର ମଧ୍ୟ ସହମତି ପ୍ରକାଶ କରିଥିଲେ ।
ଶେଷରେ ବନ୍ଧୁବାନ୍ଧବଙ୍କ ଗହଣରେ ସଂପୂର୍ଣ୍ଣ ବୈଦିକ ରୀତିନୀତିରେ ନିଜ ଭାଉଜଙ୍କୁ ଜୀବନସାଥି ଭାବେ ଅରୁଣ ଗ୍ରହଣ କରିଛନ୍ତି । ଘରର ବୋହୂ ଘରେ ରହିବ ଏବଂ ଘରର ଛୁଆକୁ ଆଉ କେଉଁଠି ଯାଇ ଯେପରି ହତାଦର ହେବାକୁ ନ ପଡିବ ଏସବୁକୁ ଧ୍ୟାନରେ ରଖି ଅରୁଣ ନିଜ ଭାଉଜଙ୍କ ହାତ ଧରିବାକୁ ମନସ୍ଥ କଲେ ବୋଲି କହିଛନ୍ତି । ଏହି ବିବାହ ପରେ ଭାଉଜଙ୍କ ଉଜୁଡା ସଂସାର ସଜାଡି ହୋଇଯାଇଛି । ଏନେଇ ଏବେ ସ୍ଥାନୀୟ ଅଞ୍ଚଳରେ ଲୋକେ ଅରୁଣଙ୍କୁ ବେଶ ପ୍ରଶଂସା କରୁଛନ୍ତି ।
ଅରୁଣ ଏଭଳି କରି ସମାଜକୁ ଏକ ବାର୍ତ୍ତା ଦେଇଛନ୍ତି । ବିବାହର ମାତ୍ର କେଇ ବର୍ଷରେ ସ୍ଵାମୀଙ୍କୁ ହରାଇଥିବା ବିଧବା ଝିଅଟିକୁ ପୁଣି ଥରେ ସଧବା ହେବାର ସୌଭାଗ୍ୟ ଦେଇଛନ୍ତି ଦିଅର ଅରୁଣ । ତେବେ ଏନେଇ ଆପଣଙ୍କ ମତ କଣ ଆମକୁ କମେଣ୍ଟ କରି ଜଣାନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।