ଅଭିନେତା ପିଣ୍ଟୁ ନନ୍ଦଙ୍କ ଲିଭର ଟ୍ରାନ୍ସପ୍ଳାଣ୍ଟ ଖବରକୁ ନେଇ ବେଶ କିଛିଦିନ ହେବ ସାରା ଓଡିଶାରେ ଚର୍ଚ୍ଚା ଆଲୋଚନା ଲାଗି ରହିଛି । ପିଣ୍ଟୁ ନନ୍ଦଙ୍କ ଚିକିତ୍ସା ପାଇଁ ଅନେକ ପରିମାଣର ଅର୍ଥ ଆବଶ୍ୟକ ରହିଥିଲେ ମଧ୍ୟ ତାଙ୍କ ପାଖରେ ଅର୍ଥର ଅଭାବ ଥିଲା । ତେଣୁ ସେ ଓଡିଶାବାସୀଙ୍କୁ ସାହାଯ୍ୟ ପାଇଁ ପ୍ରାର୍ଥନା କରିଥିଲେ । ଏହାପରେ ସାଧାରଣ ଲୋକଙ୍କ ଠାରୁ ଆରମ୍ଭ କରି ଅନେକ ବଡ ବଡ କଳାକାରଙ୍କ ପର୍ଯ୍ୟନ୍ତ ସମସ୍ତେ ପିଣ୍ଟୁ ନନ୍ଦଙ୍କୁ ସାହାଯ୍ୟ କରି ଆସୁଛନ୍ତି ।
ତେବେ ଏହାରି ମଧ୍ୟରେ କିଛି ବିବାଦ ମଧ୍ୟ ମୁଣ୍ଡ ଟେକିବାରେ ଲାଗିଛି । ଚର୍ଚ୍ଚା ହେଉଛି କି ପିଣ୍ଟୁ ନନ୍ଦଙ୍କ ଚିକିତ୍ସା ପାଇଁ ଯେତିକି ଅର୍ଥ ଆବଶ୍ୟକ ତା’ ଠାରୁ ଅଧିକ ଟଙ୍କା ଯୋଗାଡ ହୋଇ ସାରିଲାଣି । ଏନେଇ ଅଭିନେତା ଅଖିଳ ପଟ୍ଟନାୟକ ଏକ ଭିଡିଓ ମାଧ୍ୟମରେ ସମସ୍ତଙ୍କୁ ସ୍ପଷ୍ଟ କରିଛନ୍ତି । ପିଣ୍ଟୁ ନନ୍ଦ ବର୍ତ୍ତମାନ ଦିଲ୍ଲୀ ସ୍ଥିତ ଏକ ହସ୍ପିଟାଲରେ ଲିଭର ଟ୍ରାନ୍ସପ୍ଳାଣ୍ଟ ପାଇଁ ଅପେକ୍ଷା କରିଥିବା ବେଳେ ସେଠାରେ ଚିକିତ୍ସିତ ଅବସ୍ଥାରେ ଅଛନ୍ତି ।
ଅଖିଳ ପଟ୍ଟନାୟକ ତାଙ୍କୁ ସେଠାରେ ଭେଟିବାକୁ ଯାଇଥିଲେ । ଏତିକି ବେଳେ ପିଣ୍ଟୁ ନନ୍ଦଙ୍କର ସେଠାରେ ଏ ପର୍ଯ୍ୟନ୍ତ ଖର୍ଚ୍ଚ ହୋଇଥିବା ବିଲ ସେ ଦେଖିଥିଲେ । ବର୍ତ୍ତମାନ ଯାଏଁ ପ୍ରାୟ 20 ରୁ 21 ଲକ୍ଷ ଟଙ୍କା ଖର୍ଚ୍ଚ ସରିଛି । ତାଙ୍କର ଚିକିତ୍ସା ପାଇଁ ଆହୁରି ଅନେକ ଅର୍ଥତ ଆବଶ୍ୟକତା ରହିଛି ଯାହାକି ଏ ପର୍ଯ୍ୟନ୍ତ ପୂରଣ ହୋଇନାହିଁ । ଅଖିଳ ପଟ୍ଟନାୟକ ନିଜେ ଏକଥା ସ୍ପଷ୍ଟ କରିଛନ୍ତି ।
କାରଣ ଅନେକ ଲୋକ କଥା ଉଠାଉଛନ୍ତି କି ପିଣ୍ଟୁ ନନ୍ଦଙ୍କୁ ଆବଶ୍ୟକ ଠାରୁ ଅଧିକ ଅର୍ଥ ମିଳି ସାରିଲାଣି । ଅଖିଳ ପଟ୍ଟନାୟକ ପିଣ୍ଟୁ ନନ୍ଦଙ୍କୁ ଦିଲ୍ଲୀ ହସ୍ପିଟାଲରେ ଭେଟିବା ପରେ ପିଣ୍ଟୁ ନନ୍ଦଙ୍କ ସହ କଥା ହୋଇଥିଲେ । ଏତିକି ବେଳେ ପିଣ୍ଟୁ ଅଖିଳଙ୍କୁ ଏକଥା ଜଣାଇଥିଲେ ଏବଂ ତାଙ୍କ ପାଇଁ ଲୋକଙ୍କୁ କହିବା ପାଇଁ ସେ କହିଥିଲେ । ଯାହାପରେ ଅଖିଳ ଏକ ଭିଡିଓ ଜାରି କରି ସତ କଥା ସାମ୍ନାକୁ ଆଣିଛନ୍ତି । କିଛି ଲୋକ ପବ୍ଲିସିଟି ପାଇଁ ପିଣ୍ଟୁ ନନ୍ଦଙ୍କୁ ସାହାଯ୍ୟ ନାଁରେ ଠକୁଥିବା ଦେଖିବାକୁ ମିଳିଛି ।
ତେବେ ପିଣ୍ଟୁ ନନ୍ଦ ଶୀଘ୍ର ସୁସ୍ଥ ହୋଇ ଘରକୁ ଫେରି ଆସନ୍ତୁ ବୋଲି ଆମର ପ୍ରାର୍ଥନା ଓ କାମନା । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।