ଘରେ ପୁଅଟିଏ ନାହିଁ ବୋଲି ଶ୍ରଦ୍ଧାରେ ଶ୍ରୀକୃଷ୍ଣଙ୍କ ମୂର୍ତ୍ତିକୁ ପୁଅ ଭାବେ ରଖି ପୂଜା କରନ୍ତି ଏହି ପରିବାର । କିନ୍ତୁ ହଠାତ ଦେଖିଲେ ଭଗବାନ ଶ୍ରୀକୃଷ୍ଣ ଘରେ ନାହାନ୍ତି । ବହୁ ଖୋଜାଖୋଜି କରିବା ପରେ ମଧ୍ୟ ଶ୍ରୀକୃଷ୍ଣ ମିଳିଲେନି । ଶେଷରେ ବାରିପଟେ ଯାଇ ଦେଖିବା ବେଳକୁ ଆମ୍ବ ଗଛରେ ବସି ଆମ୍ବ ଖାଉଛନ୍ତି ଶ୍ରୀକୃଷ୍ଣ । ଏହା ଦେଖି ସମସ୍ତେ ଆଶ୍ଚର୍ଯ୍ୟ ହେବା ସହ ଚାହୁଁ ଚାହୁଁ ସେଠାରେ ଭିଡ ମଧ୍ୟ ଜମିଗଲା । ଏହି ଦୃଶ୍ୟ ଏବେ ସମସ୍ତଙ୍କୁ ଆଶ୍ଚର୍ଯ୍ୟ କରିଦେଉଛି ।
ଏହି ଘଟଣାଟି ଘଟିଛି ବୌଦ୍ଧ ଜିଲ୍ଲା ବାଉଁଶୁଣି ପଞ୍ଚାୟତ ଅନ୍ତର୍ଗତ ବାଉଁଶୁଣି ବସଷ୍ଟାଣ୍ଡ ପାଖରେ ଥିବା ଲଲିତ ଅଗ୍ରୱାଲଙ୍କ ଘରେ । ଲଲିତ ପ୍ରତିଦିନ ଭଳି ନିତ୍ୟକର୍ମ ସାରି ଠାକୁର ପୂଜା କରିବା ପରେ ନିଜ ବ୍ୟବସାୟକୁ ବାହାରିଥିଲେ । ତାଙ୍କ ସ୍ତ୍ରୀ ସଂଗୀତା ପିଲାଙ୍କ କୋଚିଂ ଶେଷ କରିବା ପରେ ସ୍ଵାମୀଙ୍କୁ ଜଳଖିଆ ଖାଇବା ପାଇଁ ଡ଼ାକିଥିଲେ । ଲଲିତ ଆସି ଦେଖିଥିଲେ କି ଘରର ବିଭିନ୍ନ ସ୍ଥାନରେ ତୁଳସୀ ପତ୍ର ପଡିଛି । ଆଉ ଠାକୁର ଘର ଉପରେ ନଜର ପଡିଲା ପରେ ଦେଖନ୍ତି କି ଭଗବାନ ଶ୍ରୀକୃଷ୍ଣ ସେଠାରେ ନାହାନ୍ତି ।
ଶ୍ରୀକୃଷ୍ଣ କୁଆଡେ ଗଲେ ବୋଲି ସମସ୍ତେ ଖୋଜୁଥିବା ବେଳେ ତାଙ୍କ ଝିଅର ନଜର ହଠାତ ଯାଇ ବାରିପଟେ ଥିବା ଆମ୍ବଗଛ ଉପରେ ପଡିଥିଲା । ଦେଖିଲା ବେଳକୁ ଶ୍ରୀକୃଷ୍ଣ ଗଛରେ ବସିଛନ୍ତି, ଆଉ ତାଙ୍କ ହାତରେ ଆମ୍ବଟିଏ ଅଛି । ଏହି ଆଶ୍ଚର୍ଯ୍ୟଜନକ ଘଟଣା ପ୍ରଘଟିତ ହେବା ପରେ ଭଗବାନ ଶ୍ରୀକୃଷ୍ଣଙ୍କୁ ଦେଖିବା ପାଇଁ ସେଠାରେ ନାହିଁ ନଥିବା ଭିଡ ଜମିଥିଲା ।
ଆଧୁନିକ ଯୁଗରେ ହୁଏତ କେହି ଏକଥା ବିଶ୍ବାସ କରି ନପାରେ । ହେଲେ ଲଲିତଙ୍କ କହିବା ଅନୁଯାୟୀ ତାଙ୍କର କେବଳ ଦୁଇଟି ଝିଅ, ସେଥିପାଇଁ ସେ ଓ ସ୍ତ୍ରୀ ସଂଗୀତା ଠାକୁର ଘରେ ଶ୍ରୀକୃଷ୍ଣ ଭଗବାନଙ୍କୁ ପୁଅ ଭଳି ସେ ମାନନ୍ତି । ତେବେ ସେମାନେ କହିଛନ୍ତି କି, କେବଳ ଆଜି ନୁହେଁ ବରଂ ଆଗରୁ ମଧ୍ୟ ଅନେକ ଥର କେତେବେଳେ ରୋଷେଇ ଘରେ ତ ଆଉ କେତେବେଳେ ଘରର ବିଭିନ୍ନ ସ୍ଥାନରେ ଦେଖା ଦେଇଛନ୍ତି ଶ୍ରୀକୃଷ୍ଣ । ତାଙ୍କ ପୁଅ ଏଭଳି ଲୀଳା କରୁଥିବା କଥା ସଂଗୀତା କହିଛନ୍ତି ।
ତେବେ ଏହି କଥାଟି ସମସ୍ତଙ୍କ ପାଇଁ ପ୍ରମାଣଯୋଗ୍ୟ ହୋଇ ନପାରେ କିନ୍ତୁ କୁହାଯାଏ କି ବିଶ୍ବାସ ଥିଲେ ଭଗବାନ ଆପେ ଆପେ ଆସନ୍ତି । ଆପଣଙ୍କ ବିଶ୍ବାସରେ କେବେ କିଛି ଏମିତି ଘଟଣା ଘଟିଛି କି ? ଆମକୁ କମେଣ୍ଟ କରି ଜଣାନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।