ଗତ କିଛିଦିନ ଛତିଶଗଡର ଦିବ୍ୟାଙ୍ଗ ବାଳକ ରାହୁଲ ସାହୁ ବୋରୱେଲ ଗାତକୁ ଖସି ପଡିଥିବା ଘଟଣା ସାରା ଦେଶରେ ଚାଞ୍ଚଲ୍ୟ ସୃଷ୍ଟି କରିଥିଲା । ରାହୁଳକୁ ଉଦ୍ଧାର କରିବା ପାଇଁ ପ୍ରାୟ ୫୦୦ ଜଣ ଏନଡ଼ିଆରଏଫ, ଏସଡ଼ିଆରଏଫ ଓ ସେନାର କିଛି ଯବାନ ମିଳିତ ଭାବେ ଉଦ୍ଧାର କାର୍ଯ୍ୟ ଜାରି ରଖିଥିଲେ । ଦୀର୍ଘ ୫ଦିନ ଧରି ରାହୁଲ ୮୦ ଫୁଟ୍ ଗଭୀର ବୋରୱେଲ ଗାତ ମଧ୍ୟରେ ଫସି ରହିଥିଲା । ରାହୁଲକୁ ଉଦ୍ଧାର କରିବା ସେତେ ସହଜ ନଥିଲା । ଉଦ୍ଧାର କାର୍ଯ୍ୟ ଯେତେ ଆଗକୁ ଆଗକୁ ଚାଲିଥିଲା ସେତେ ଅଧିକ ବାଧା ସାମ୍ନାକୁ ଆସୁଥିଲା ।
ରୋବୋଟିକ୍ସ ଟିମ୍ ରାହୁଲକୁ ଉଦ୍ଧାର କରିବାକୁ ବିଫଳ ହେବାପରେ ସମାନ୍ତରାଳ ଭାବେ ଖନନ କରାଯାଇ ରାହୁଲକୁ ଉଦ୍ଧାର କରିବା ପାଇଁ ନିଷ୍ପତ୍ତି ନିଆ ଯାଇଥିଲା । ରାହୁଲକୁ ଉଦ୍ଧାର କରିବା ପାଇଁ ୫ ଦିନ ବିତି ଯାଇଥିଲା । ୧୦୫ ଘଣ୍ଟାର ଲଗାତାର ଅପରେସନ ପରେ ଯବାନ ମାନେ ରାହୁଲକୁ ଗାତ ଭିତରୁ ବାହାର କରିବାରେ ସଫଳ ହୋଇଥିଲେ । ରାହୁଲ ଭଲ ଭାବେ କଥା କହି ପାରେନାହିଁ । ତା’ ବାପାମା’ଙ୍କ କହିବା ଅନୁଯାୟୀ ରାହୁଲର ମାନସିକ ବିକାଶ ବହୁତ ଧୀର ହେଉଛି ।
ରାହୁଲକୁ ବାରମ୍ବାର ଡାକିବା ପରେ ସେ ପ୍ରତିକ୍ରିୟା ଦେଉଥିଲା ଓ ତା’ ପାଖକୁ ପଠା ଯାଉଥିବା କଦଳୀ ଓ ଓଆରଏସ ଡ୍ରିଙ୍କ ଆଦି ସେ ସେବନ କରୁଥିଲା । ଯାହାଫଳରେ ଏତେ ସମୟ ଧରି ଗାତା ଭିତରେ ସୁସ୍ଥ ରହିବା ପାଇଁ ତା’ ଶରୀରକୁ ଖାଦ୍ଯ ମିଳିଥିଲା । ତଥାପି ପାଣି ମଧ୍ୟରେ ଅନେକ ସମୟ ରହିବା ଫଳରେ ରାହୁଲର ଦେହ ହାତ ଶେଥା ପଡି ଯାଇଥିବାର ଦେଖା ଯାଇଥିଲା । ରାହୁଲର ସ୍ୱାସ୍ଥ୍ୟବସ୍ଥା ଧୀରେ ଧୀରେ ବିଗିଡିବାକୁ ଲାଗିଥିଲା ।
କିନ୍ତୁ ଡେରି ହୋଇଥିଲେ ମଧ୍ୟ ସମୟ ଥାଉ ଥାଉ ରାହୁଲକୁ ଉଦ୍ଧାର କରିବାରେ ସଫଳ ହୋଇ ପଡ଼ିଥିଲେ ଯବାନମାନେ । ରାହୁଲକୁ ଏହାପରେ ତୁରନ୍ତ ବିଳାସପୁର ଆପୋଲୋ ହସ୍ପିଟାଲରେ ଭର୍ତ୍ତି କରା ଯାଇଥିଲା । ସେଠାରେ ମଧ୍ୟ ସ୍ଵତନ୍ତ୍ର ଡାକ୍ତରୀ ଟିମ୍ ରାହୁଲର ଚିକିତ୍ସାରେ ନିୟୋଜିତ କରା ଯାଇଛନ୍ତି । ରାହୁଲ ସୁସ୍ଥ ଅଛି କିନ୍ତୁ ମାଟି ତଳେ ଅଧିକ ସମୟ ରହିବା ଫଳରେ ତା’ ଶରୀରରେ କିଛି ବ୍ୟାକ୍ଟେରିଆ ସଂକ୍ରମଣ ଦେଖା ଯାଇଥିଲା । ଯାହାର ଚିକିତ୍ସା ଚାଲିଛି ଓ ରାହୁଲ ଧୀରେ ଧୀରେ ସୁସ୍ଥ ହେଉଥିବା କହିଛନ୍ତି ଡାକ୍ତର ।
ରାହୁଲକୁ ଫିଜିଓଥେରାପି ମଧ୍ୟ ଦିଆଯାଉଛି । ରାହୁଲର ଫିଜିଓଥେରାପି ସମୟର ଏକ ଭିଡିଓ ସାମ୍ନାକୁ ଆସିଛି । ଯେଉଁଥିରେ ରାହୁଲ ଖୁସି ଖୁସି ଏକ ବଡ ବଲ୍ କୁ ଗୋଡରେ ଠେଲୁଛି । ରାହୁଲ ସୁସ୍ଥ ଥିବା ଦେଖି ଦେଶବାସୀ ଖୁବ ଖୁସି ହେଉଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।