ଆଜି ଆମେ ଜାଣିବା କନ୍ୟା ରାଶିର ବ୍ୟକ୍ତିବିଶେଷଙ୍କ ପାଇଁ ୨୦୨୨ ମଇ ମାସଟି କିପରି ଫଳ ପ୍ରଦାନ କରିବାକୁ ଯାଉଛି । ଏହି ମାସିକ ରାଶିଫଳ ଗ୍ରହ ମାନଙ୍କର ସ୍ଥିତି ଓ ଚଳନକୁ ଆଧାର କରି ପ୍ରସ୍ତୁତ ହୋଇଛି । ଜ୍ଯୋତିଷ ଅନୁସାରେ ଗ୍ରହଙ୍କ ଚଳନ ଓ ସ୍ଥିତିରୁ ବ୍ୟକ୍ତିଙ୍କ ସ୍ଵଭାବ ଓ ଭବିଷ୍ୟତ ବିଷୟରେ ଅନେକ କଥା ଜାଣି ହୁଏ । ତେବେ ଆସନ୍ତୁ ଜାଣିବା କନ୍ୟା ରାଶିର ମାସିକ ରାଶିଫଳ ଏବଂ ଅଶୁଭ ଖଣ୍ଡନର କିଛି ପ୍ରଭାବଶାଳୀ ପ୍ରତିକାର ।
କନ୍ୟା ରାଶିର ଶୁଭ ରଙ୍ଗ ହେଉଛି ଶାଗୁଆ ବା ଶୁଆ ରଙ୍ଗ । ଶୁଭ କାର୍ଯ୍ୟରେ ଏହି ରଙ୍ଗର ପ୍ରୟୋଗ କଲେ ଶୁଭଫଳ ପ୍ରାପ୍ତି ହୋଇଥାଏ । ରବିବାର ଓ ବୁଧବାର ହେଉଛି ରାଶିର ଶୁଭବାର । ଭଗବାନ ଶ୍ରୀଗଣେଶ ହେଉଛନ୍ତି ଶୁଭ ଦେବତା ଏବଂ ଶୁଭ ଦେବୀ ହେଉଛନ୍ତି ତ୍ରିଫଳା ସୁନ୍ଦରୀ । ବୁଧବାର ଦିନ ଯେକୌଣସି ମାନସିକ ରଖି ବ୍ରତ ଉପବାସ ପାଳିଲେ ଶୁଭଫଳ ନିଶ୍ଚୟ ମିଳିବ । ଶୁଭ ସଂଖ୍ୟା ହେଉଛି ୫ ଏବଂ ପ୍ରତ୍ୟକେ ମାସର ୫, ୧୪ ଏବଂ ୨୩ ତାରିଖ ହେଉଛି ଆପଣଙ୍କ ପାଇଁ ଶୁଭ । ଆପଣଙ୍କ ପାଇଁ ଘାତବାର ହେଉଛି ଶନିବାର ।
କନ୍ୟା ରାଶି ପାଇଁ ୨୦୨୨ ମଇ ମାସଟି ଉତ୍ତମ ଅନୁକୂଳ ରହିଛି । ଏହି ମାସଟି କିଛି କ୍ଷେତ୍ରରେ ଆପଣଙ୍କୁ ଶୁଭଫଳ ପ୍ରଦାନ କରିବ । ସରକାରୀ କ୍ଷେତ୍ରରେ ଥିବା ବ୍ୟକ୍ତିବିବେଶ ସାମାଜିକ ମାନ ସମ୍ମାନ ଓ ପଦ ପ୍ରତିଷ୍ଠା ପ୍ରାପ୍ତ କରିବେ । କ୍ରୀଡା କ୍ଷେତ୍ରରେ ଥିବା ବିଦ୍ୟାର୍ଥୀ ମାନଙ୍କୁ ଅଶେଷ ସଫଳତା ମିଳିବ । କିନ୍ତୁ ଶିକ୍ଷା କ୍ଷେତ୍ରରେ ଥିବା ଛାତ୍ରଛାତ୍ରୀଙ୍କୁ ଅଧିକ ପରିଶ୍ରମ କରିବାକୁ ପଡିବ । କ୍ଯାରିୟର ଦୃଷ୍ଟିରୁ ମାସଟି ଆପଣଙ୍କ ପାଇଁ ଉତ୍ତମ ଅନୁକୂଳ ରହିବ ।
ଚାକିରି କ୍ଷେତ୍ରରେ ଥିବା ବ୍ୟକ୍ତିଙ୍କ ପାଇଁ ମାସର ଆରମ୍ଭ ଭଲ ଫଳ ପ୍ରଦାନ କରିବ । ଯାହାଫଳରେ ଆପଣ କାର୍ଯ୍ୟସ୍ଥଳରେ ନିଜ ସ୍ଥିତିକୁ ମଜବୁତ କରିବାରେ ପୂର୍ଣ୍ଣ ପ୍ରୟାସ କରିବେ ଓ ପଦୋନ୍ନତି ହେବାର ସମ୍ଭାବନା ମଧ୍ୟ ରହିଛି । ଉଚ୍ଚ ଅଧିକାରୀ ଓ ସହକର୍ମୀଙ୍କ ସହଯୋଗ ମଧ୍ୟ ପ୍ରାପ୍ତ ହେବେ । କିନ୍ତୁ ମାସର ଉତ୍ତରାର୍ଦ୍ଧରେ ବିଶେଷ ସତର୍କତା ଅବଲମ୍ବନ କରନ୍ତୁ । ଭାଗୀଦାରୀ ବ୍ୟବସାୟରେ ଉଚିତ ନିର୍ଣ୍ଣୟ ନିଅନ୍ତୁ ନଚେତ କିଛି ସମସ୍ଯା ସୃଷ୍ଟି ହେବାର ଦେଖାଯାଉଛି ।
ଆର୍ଥିକ ସ୍ଥିତି ଦୃଷ୍ଟିରୁ ମାସଟି ମଧ୍ୟମ ଧରଣର ରହିବ । କୌଣସି ଦିଗରେ ଆପଣଙ୍କ ବ୍ୟୟ ବଢିପାରେ । ସଞ୍ଚିତ ଧନ ଉପରେ ମଧ୍ୟ ଏହାର ପ୍ରଭାବ ପଡିପାରେ । କିନ୍ତୁ ବ୍ୟବସାୟ କ୍ଷେତ୍ରରେ ଆର୍ଥିକ ଲାଭ ପ୍ରାପ୍ତ ହେବ । ପୈତୃକ ସମ୍ପତ୍ତି ସହ ଭୂମି ସମ୍ବନ୍ଧୀୟ ଲାଭ ମଧ୍ୟ ପ୍ରାପ୍ତ ହେବ । କିନ୍ତୁ ଅଯଥା ଖର୍ଚ୍ଚରେ ନିୟନ୍ତ୍ରଣ ରଖନ୍ତୁ ।
ପ୍ରେମ ଜୀବନ ଦୃଷ୍ଟିରୁ ମାସଟି ସାମାନ୍ଯ ରହିବ ଓ ଛୋର ଛୋଟ ସମସ୍ଯା ଉତ୍ପନ୍ନ ହୋଇପାରେ । ବୈବାହିକ ଜୀବନ ମଧ୍ୟ ସାମାନ୍ଯ ରହିବ । ଜୀବନସାଥୀଙ୍କୁ କିଛି ସ୍ୱାସ୍ଥ୍ୟ ସମ୍ବନ୍ଧୀୟ ସମସ୍ଯା ହୋଇପାରେ । ପାରିବାରିକ ଜୀବନରେ ମଧ୍ୟ କିଛି ସମସ୍ଯା ଦେଖା ଦେଇପାରେ, ତେଣୁ ନିଜ କଥାବାର୍ତ୍ତାରେ ନିୟନ୍ତ୍ରଣ ରଖିବା ଉଚିତ ହେବ ।
ଆପଣଙ୍କ ପାଇଁ ପ୍ରତିକାରକ ହେଉଛି ପ୍ରତ୍ଯେକ ଦିନ ଭଗବାନ ଗଣେଶଙ୍କ ପୂଜାର୍ଚ୍ଚନା କରି ୧୧ଟି ଦୂବ ଅର୍ପଣ କରନ୍ତୁ ଓ ଭଗବାନଙ୍କ ମନ୍ଦିରକୁ ନିଶ୍ଚୟ ଯାଆନ୍ତୁ ଦେଖିବେ ନିଶ୍ଚୟ ଶୁଭଫଳ ପ୍ରାପ୍ତ ହେବ । ଏହାସହ ବୁଲା କୁକୁରଙ୍କୁ ମଧ୍ୟ କିଛି ଖାଇବାକୁ ଦିଅନ୍ତୁ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।