ଆଜିକୁ ନଅ ଦିନ ହେବ ବ୍ରହ୍ମପୁର ବ୍ରହ୍ମାନଗରରେ ସ୍ଵାମୀ ସୁମିତ କୁମାର ସାହୁଙ୍କ ଘର ସାମନାରେ ବସି ରହିଛନ୍ତି ତପସ୍ଵିନୀ ଦାସ ଓରଫ ଡିମ୍ପଲ । କୋର୍ଟରେ ଦୁଇ ଦୁଇଥର ଶୁଣାଣି ହେବା ପରେ ମଧ୍ୟ ନିରାଶ ହୋଇ ଫେରିଛନ୍ତି ଡିମ୍ପଲ । ଏପର୍ଯ୍ୟନ୍ତ ତାଙ୍କୁ ଶ୍ଵଶୁର ଘର ଲୋକେ ଘର ଭିତରକୁ ନେଲେ ନାହିଁ କି କୋର୍ଟ ମଧ୍ୟ ତାଙ୍କ ଇଚ୍ଛା ମୁତାବକ ରାୟ ଶୁଣାଇଲେ ନାହିଁ । ସଖୀ ସେଣ୍ଟରରେ ରହିବା ପାଇଁ କୋର୍ଟ ଡିମ୍ପଲଙ୍କୁ ଆଦେଶ ଦେଇଥିଲେ ମଧ୍ୟ ତାହା ପାଳନ କରି ନାହାନ୍ତି ଡିମ୍ପଲ ।
ବରଂ ସେହିପରି ଜିଦ୍ ଧରି ବସି ରହିଛନ୍ତି ସ୍ଵାମୀଙ୍କ ଘର ସାମନାରେ । ତେବେ ସୁମିତ ଏତେ ଦିନ ଧରି ଚୁପ୍ ରହିଥିବା ବେଳେ ବର୍ତ୍ତମାନ ଆସିଛନ୍ତି ଡିମ୍ପଲଙ୍କ ସାମନାକୁ । ଡିମ୍ପଲ ସୁମିତଙ୍କୁ ଘରକୁ ନେବା ପାଇଁ କହୁଥିବା ବେଳେ, ଏହା ସମ୍ଭବ ନୁହେଁ ସେ ଡିମ୍ପଲଙ୍କୁ ଡିଭୋର୍ସ ଦେବାକୁ ଚାହାନ୍ତି ବୋଲି କହିଛନ୍ତି ସୁମିତ । ଏହାପରେ ଡିମ୍ପଲ ଟିଏନକୁ ପଚାରିଥିଲେ କେଉଁ ଭୁଲ ପାଇଁ ମୋତେ ଶାସ୍ତି ଦେଉଛ ସୁମିତ ? କ’ଣ ପାଇଁ ମୋତେ ସ୍ତ୍ରୀର ସମ୍ମାନ ଦେଉନାହଁ ?
କିନ୍ତୁ ସୁମିତ ଏହା କହି ପାରିବେନି କହିବା ସହ ତାଙ୍କୁ ଦୟାକରି ତାଙ୍କ ଘର ସାମନାରୁ ଉଠିବା ପାଇଁ କହିଥିଲେ । ଡିମ୍ପଲଙ୍କୁ ଏହି ଡ୍ରାମା ବନ୍ଦ କରିବାକୁ ଏବଂ ଏସବୁ ତାଙ୍କୁ ବିଲକୁଲ ଭଲ ଲାଗୁନି ବୋଲି ମଧ୍ୟ ସେ କହିଛନ୍ତି । କିନ୍ତୁ ଯେପର୍ଯ୍ୟନ୍ତ ନ୍ୟାୟ ନମିଳିଛି ସେପର୍ଯ୍ୟନ୍ତ ସେଠାରୁ ସେ ଉଠିବେ ନାହିଁ ବୋଲି କହିଛନ୍ତି ଡିମ୍ପଲ । ତେବେ ସୁମିତ କେବଳ ଡିମ୍ପଲଙ୍କୁ ଛାଡପତ୍ର ଦେବାକୁ ଚାହାନ୍ତି ଓ ତାଙ୍କ ଭିତରେ ଯାହା ହେଲା ସେସବୁ କଥା ସେ ସମସ୍ତଙ୍କ ଆଗରେ କହି ପାରିବେନି ବୋଲି କହିଛନ୍ତି ।
ଡିମ୍ପଲଙ୍କ ପରି ସୁମିତ ମଧ୍ୟ ନିଜ ଜିଦ୍ ରେ ଅଟଳ ଅଛନ୍ତି । ସୁମିତ କେବଳ କୋର୍ଟ ହିସାବରେ ଯିବାକୁ ଚାହାନ୍ତି ଓ କୋର୍ଟ ଯାହା ନିଷ୍ପତ୍ତି ନେବ ତାହା ମାନିବାକୁ ଚାହାନ୍ତି । ଏହିପରି ଆଗକୁ ମଧ୍ୟ ସୁମିତ ଓ ଡିମ୍ପଲଙ୍କ କଥାବାର୍ତ୍ତା ହୋଇଥିଲେ । ସୁମିତ ମୋତେ ହଇରାଣ କରିବା ବନ୍ଦ କର । ଡିମ୍ପଲ ହଇରାଣ ! ମୁଁ ତୁମକୁ ହଇରାଣ କରୁଛି ?
ଆଉ ମୋ ସହ ତୁମେ ଯାହା କଲ କଣ ଠିକ କଲ ? ସେ ପ୍ରେମ, ସେ ପ୍ରତିଶ୍ରୁତିର କଣ ଏବେ ଆଉ କିଛି ମୂଲ୍ୟ ନାହିଁ ? ସୁମିତ ମୋତେ ମୋ ବାପା, ମା ଆଉ ପରିବାର ସହ ରହିବାର ଅଛି ଡିମ୍ପଲ, ତୁମ ସହ ନୁହେଁ । ଡିମ୍ପଲ ପରିବାର ସହ ରହିବାର ଇଚ୍ଛା କଣ ମୋର ନାହିଁ ସୁମିତ ? ତୁମ ପରିବାର ସହ ରହିବା ପାଇଁ ହିଁ ମୁଁ ମୋ ଘର ପରିବାର ଛାଡି ଆସିଲି ।
ଏହପରେ ସୁମିତ ଓ ତାଙ୍କ ପରିବାର ଡିମ୍ପଲଙ୍କ କାର୍ଯ୍ୟକଳାପ ଯୋଗୁଁ ଲଜ୍ଜିତ ହେଉଛନ୍ତି ବୋଲି ସୁମିତ କହିବା ସହ ଡିମ୍ପଲଙ୍କୁ ସେ ଗ୍ରହଣ କରିପାରିବେ ନାହିଁ ବୋଲି କହିଥିଲେ । କିନ୍ତୁ ଡିମ୍ପଲ ମଧ୍ୟ ସୁମିତଙ୍କ ମନ ପରିବର୍ତ୍ତନ ହେବା ଯାଏଁ ସେଠାରେ ବସି ରହିବେ ବୋଲି ଜିଦ୍ ଧରିଛନ୍ତି । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍କୁ ଲାଇକ କରନ୍ତୁ ।