ମହଙ୍ଗା ମଆଡ ଯୋଗୁଁ ମୋବାଇଲ କମ୍ପାନୀ ମାନେ ମଧ୍ୟ ଏବେ ନିଜ ପ୍ଳାନ ଗୁଡିକର ଦାମ୍ ବୃଦ୍ଧି କରି ଦେଇଛନ୍ତି । ଏୟାରଟେଲ୍, ଭୋଡାଫୋନ ଓ ଆଇଡିଆ ପରେ ଏବେ ଜିଓ ମଧ୍ୟ ଏକ ବଡ ଘୋଷଣା କରି ଗ୍ରାହକଙ୍କୁ ଝଟକା ଦେଇଛି । ଦେଶର ସବୁଠୁ ଭଲ ଗ୍ରାହକ ସେବା ଯୋଗାଉଥିବା ଟେଲିକମ କମ୍ପାନୀ ଜିଓ ମଧ୍ୟ ଏହି ତାଲିକାରେ ଏବେ ସାମିଲ ହୋଇଛି । ଜିଓ କମ୍ପାନୀର ଏହି ନୂଆ ଦର ୧ ଡିସେମ୍ବରରୁ ଲାଗୁ ହେବାକୁ ଯାଉଛି । ଯାହାଫଳରେ ଏବେ ଆପଣଙ୍କ ମୋବାଇଲ ରିଚାର୍ଜ ଦରରେ ସାମାନ୍ଯ ଅଧିକ ଖର୍ଚ୍ଚ ହେବାକୁ ଯାଉଛି ।
କମ୍ପାନୀର ସବୁଠାରୁ ଅଧିକ ଲୋକପ୍ରିୟ ୫୫୫/- ଟଙ୍କିଆ ପ୍ଳାନ ଏବେ ୬୬୬/- ଟଙ୍କା ହୋଇଯିବ । ସେହିପରି ୫୯୯/- ଟଙ୍କିଆ ପ୍ଳାନ ଏବେ ୭୧୯/- ଟଙ୍କା ଟଙ୍କା ହୋଇଯିବ । ଏହି ଦୁଇଟି ଯାକ ପ୍ଳାନର ବୈଧତା ୮୪ ଦିନ ହିଁ ରହିବ । ଜିଓର ୭୫/- ଟଙ୍କାର ପ୍ଳାନ ଏବେ ୯୧/- ଟଙ୍କା ହୋଇଯିବ, ଯେଉଁଥିରେ ୨୯ ଦିନର ବୈଧତା ମିଳିବ । ଏହି ପ୍ଳାନରେ ମାସ ପ୍ରତି ୩ଜିବି ଡାଟା ସହ ଅସୀମିତ ଭଏସ କଲ୍ ଏବଂ SMS ମଧ୍ୟ ମିଳେ ।
ସେହିଭଳି ୧୨୯/- ଟଙ୍କାର ପ୍ଳାନ ଏବେ ୧୫୫/- ଟଙ୍କା ହୋଇଯିବ, ୧୪୯/- ଟଙ୍କାର ପ୍ଳାନ ୧୭୯/- ଟଙ୍କାର ହୋଇଯିବ ଏବଂ ୧୯୯/- ଟଙ୍କାର ପ୍ଳାନ ଏବେ ୨୩୯/- ଟଙ୍କା ହୋଇଯିବ । ଏହାସହ ୨୪୯/- ଟଙ୍କାର ପ୍ଳାନ ଏବେ ୨୯୯/- ଟଙ୍କା ହୋଇଯିବ, ୩୯୯/- ଟଙ୍କାର ପ୍ଳାନ ୪୭୯/- ଟଙ୍କା ହୋଇଯିବ, ୪୪୪/- ଟଙ୍କାର ପ୍ଳାନ ୫୩୩/- ଟଙ୍କା ଏବଂ ୩୨୯/- ଟଙ୍କାର ପ୍ଳାନ ୩୯୫/- ଟଙ୍କା ହୋଇଯିବ । ଏହା ବ୍ଯତୀତ ୧୨୯୯/- ଟଙ୍କିଆ ପ୍ଳାନ ଏବେ ୧୫୫୯/- ଟଙ୍କା ହୋଇଯିବ ।
ସେହିଭଳି ୨୩୯୯/- ଟଙ୍କିଆ ପ୍ଳାନ ଏବେ ୨୮୭୯/- ଟଙ୍କା ହୋଇଯିବ । ଆପଣଙ୍କୁ ଜଣାଥିବ ଗ୍ରାହକଙ୍କୁ ସନ୍ତୋଷଜନକ ସେବା ଯୋଗାଇବା ମା-ମ-ଲା-ରେ ଜିଓ ଦେଶର ନମ୍ବର ୱାନ ଟେଲିକମ କମ୍ପାନୀ ଅଟେ । ଏବେ ଦେଶରେ ପ୍ରାୟ ୧୦୬ କୋଟି ୪ଜି ବ୍ୟବହାରକାରୀ ଅଛନ୍ତି । ଯାହା ମଧ୍ୟରୁ ରିଲାଇନ୍ସ ଜିଓ ପାଖରେ ସବୁଠୁ ଅଧିକ ୪୪ କୋଟି ଗ୍ରାହକ ରହିଛନ୍ତି । ସେହିଭଳି ଏୟାରଟେଲ୍ ପାଖରେ ୩୫ କୋଟି ଓ ଭୋଡାଫୋନ ଇଣ୍ଡିଆ ପାଖରେ ୨୭ କୋଟି ବ୍ୟବହାରକାରୀ ଅଛନ୍ତି ।
ଏହା ପୂର୍ବରୁ ଭୋଡାଫୋନ ଇଣ୍ଡିଆ ମଧ୍ୟ ନିଜ ପ୍ଳାନ ଗୁଡିକରେ ଦରରେ ୨୦-୨୫% ପର୍ଯ୍ୟନ୍ତ ବୃଦ୍ଧି କରିଥିଲା । ଯାହା ଗତ ୨୫ ନଭେମ୍ବରରୁ ଲାଗୁ ମଧ୍ୟ ହୋଇସାରିଛି । ତେବେ ଜିଓର ଏହିଭଳି ଦର ପରିବର୍ତ୍ତନ ଉପରେ ଆପଣଙ୍କ ମତ ଆମକୁ କମେଣ୍ଟ କରି ଜଣାନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍କୁ ଲାଇକ କରନ୍ତୁ ।