ଗତ କାଲି ସାଇକ୍ଳୋନିକ ଷ୍ଟର୍ମର ରୂପ ନେଇଥିବା ବାତ୍ୟା ଅମ୍ଫାନ ସ୍ଥଳ ଭାଗ ଛୁଇଁବା ବେଳକୁ ସିଭିୟର ସାଇକ୍ଳୋନିକ ଷ୍ଟର୍ମର ରୂପ ନେବ । ଏହା ପଶ୍ଚିମ ବଙ୍ଗର ସାଗର ଦ୍ୱୀପ ଓ ବାଂଲାଦେଶର ହାତିଆ ଦ୍ୱୀପ ମଧ୍ୟରେ ସ୍ଥଳଭାଗ ଛୁଇଁବାର ଅନୁମାନ କରିଛି ପାଣିପାଗ ବିଭାଗ । ସ୍ଥଳ ଭାଗ ଛୁଇଁବା ବେଳକୁ ଏହା ଭେରି ସିଭିୟର ସାଇକ୍ଳୋନିକ ଷ୍ଟର୍ମ ର ରୂପ ନେବ । ତେବେ ଏହା ୨୦ ତାରିଖ ସନ୍ଧ୍ୟା ସୁଧା ସ୍ଥଳ ଭାଗ ଛୁଇଂବ । ବର୍ତ୍ତମାନ ଏହା ପାରାଦ୍ଵୀପ ଠାରୁ ଦକ୍ଷୀଣରେ ୯୯୦ କିମି ଦୂରରେ ରହିଛି । ଏହା ଘଣ୍ଟାକୁ ୩ କିମି ବେଗରେ ଉତ୍ତର ପଶ୍ଚିମ ଦିଗକୁ ଗତି କରୁଛି ।
ଏହାର ପ୍ରଭାବରେ ରାଜ୍ୟରେ କାଲି ଠାରୁ ବର୍ଷା ସହ ପବନ ଆରମ୍ଭ ହୋଇଯିବ । ଉପକୂଳ ଓ ଉତ୍ତର ଓଡିଶାରେ ମଧ୍ୟମ ଧରଣରୁ ପ୍ରବଳ ବର୍ଷା ହେବ । ଏଥିପାଇଁ ରାଜ୍ୟ ସରକାର ପ୍ରସ୍ତୁତ ଅଛନ୍ତି ବୋଲି କହିଛନ୍ତି ଏସଆରସି । ଏହା ଉପରେ ସରକାର ନଜର ରଖିଛନ୍ତି । ୧୮ ତାରିଖରୁ ରାଜ୍ୟରେ ବର୍ଷା ଆରମ୍ଭ ହୋଇଯିବ ଓ ୧୯ ତାରିଖକୁ ପବନର ବେଗ ବଢିବ ।
ଆବଶ୍ୟକତା ସ୍ଥଳେ ଆସନ୍ତା କାଲି ଠାରୁ ସ୍ଥାନାନ୍ତର କରାଯିବ । ଏଥିପାଇଁ ରାଜ୍ୟର ୧୨ ଟି ଜିଲ୍ଲାକୁ ଆଲର୍ଟ କରା ଯାଇଛି । ଜଗତସିଂହପୁର, ବାଲେଶ୍ୱର,କେନ୍ଦ୍ରାପଡା ଓ ଭଦ୍ରକ ଏହି ୪ ଟି ଜିଲ୍ଲାରେ ଅଧିକ ବିପଦ ରହିଛି । ଦେଶଦୁନିଆ ବିଷୟରେ ଅଧିକ ତଥ୍ୟ ପାଇବା ପାଇଁ ଆମ ପେଜକୁ ଲାଇକ କରନ୍ତୁ ।