ଟ୍ରେନ ଯାତ୍ରୀଙ୍କ ପାଇଁ ଏବେ ଆସିଛି ସବୁଠୁ ବଡ ଖୁସି ଖବର । ଏଣିକି ଯାତ୍ରା କରୁଥିବା ଟ୍ରେନର ପିଏନଆର ଷ୍ଟାଟସ ଏବଂ ଲାଇଭ ଟ୍ରେନ ଷ୍ଟାଟସ ଅର୍ଥାତ ଟ୍ରେନ କେଉଁଠି ଅଛି ଏସବୁ ଆପଣ ନିଜ ହ୍ଵାଟସଆପରେ ହିଁ ଚେକ୍ କରିପାରିବେ । ଯାତ୍ରୀଙ୍କ ସୁବିଧା ଲାଗି ଭାରତୀୟ ରେଳ ବିଭାଗ ପକ୍ଷରୁ ନିଆଯାଇଛି ଏଭଳି ଏକ ନିଷ୍ପତ୍ତି । ଆଇଆରସିଟିସି ପାସେଞ୍ଜର ଏଣିକି ସିଧାସଳଖ ନିଜ ହ୍ଵାଟସଆପରେ ପିଏନଆର ଷ୍ଟାଟସ ଏବଂ ଲାଇଭ ଟ୍ରେନର ଷ୍ଟାଟସ ନିଜେ ଚେକ୍ କରିପାରିବେ ।
ଫଳରେ ଟ୍ରେନ ଟ୍ରାକିଂ ଷ୍ଟାଟସ ଓ ଯାତ୍ରା ବିବରଣୀ ସମ୍ବନ୍ଧିତ ତଥ୍ୟ ବିଭିନ୍ନ ଆପରୁ ଡାଉନଲୋଡ କରିବା ପାଇଁ ହେଉଥିବା ଅସୁବିଧାକୁ ଏଡା ଯାଇପାରିବ । ତେବେ କେବଳ ଏତିକି ବରଂ ପିଏନଆର ଷ୍ଟାଟସ ଏବଂ ଲାଇଭ ଟ୍ରେନ ଷ୍ଟାଟସ ବ୍ଯତୀତ ପୂର୍ବ ରେଲୱେ ଷ୍ଟେସନ, ଆଗାମୀ ରେଲୱେ ଷ୍ଟେସନ ଓ ଯାତ୍ରା ସମ୍ବନ୍ଧିତ ଅନ୍ୟ ବିବରଣୀ ଗୁଡିକ ସମ୍ପର୍କରେ ମଧ୍ୟ ଆପଣ ନିଜ ହ୍ଵାଟସଆପରେ ତଥ୍ୟ ପାରିପାରିବେ । ଏଥିପାଇଁ ଆପଣଙ୍କୁ କେବଳ ୧୦ ସଂଖ୍ୟା ପିଏନଆର ନମ୍ବର ନିଜ ହ୍ଵାଟସଆପ୍ ଚାଟ୍ ନମ୍ବରରେ ଦେବାକୁ ପଡିବ ।
ଏହାପରେ ଆପଣ ନିଜ ଟ୍ରେନ ଯାତ୍ରା ସମ୍ବନ୍ଧିତ ସମସ୍ତ ତଥ୍ୟ ପାଇପାରିବେ । ଏହାଛଡା ଯାତ୍ରୀମାନେ ଲାଇଭ ଟ୍ରେନ ଷ୍ଟାଟସ ପାଇଁ ନିଜ ଫୋନରୁ ରେଲୱେ ହେଲ୍ପଲାଇନ ନମ୍ବର ୧୩୯ ମଧ୍ୟ ଡାଏଲ କରିପାରିବେ । ତେବେ ଆସନ୍ତୁ ଜାଣିବା ହ୍ଵାଟସଆପରେ ପିଏନଆର ଷ୍ଟାଟସ ଓ ଲାଇଭ ଟ୍ରେନ ଷ୍ଟାଟସ କେମିତି ଚେକ୍ କରିବେ ? ପ୍ରଥମେ Railofye ର ହ୍ଵାଟସଆପ ଚାଟ୍ ନମ୍ବର +91-9881193322 ନିଜ ଫୋନରେ ସେଭ କରି ନିଅନ୍ତୁ ।
ଏହାପରେ ନିଜ ଫୋନରେ ହ୍ଵାଟସଆପ ଆପ୍ଲିକେଶନ ଅପଡେଟ କରି ନିଅନ୍ତୁ ଓ ହ୍ଵାଟସଆପ ଓପନ କରି କଣ୍ଟାକ୍ଟ ଲିଷ୍ଟକୁ ରିଫ୍ରେଶ କରନ୍ତୁ । ଏହାପରେ Railofye ର ଚାଟ୍ ୱିଣ୍ଡୋ ଓପନ କରି ୧୦ ସଂଖ୍ୟା ବିଶିଷ୍ଟ ପିଏନଆର ନମ୍ବର ଦେଇ ହ୍ଵାଟସଆପ ଚାଟ୍ ରେ ଏହାକୁ ପଠାନ୍ତୁ । ଏହାପରେ Railofye ଚାଟ୍ ବଟ୍ ଆପଣଙ୍କୁ ସମସ୍ତ ତଥ୍ୟ ପ୍ରଦାନ କରିବା ସହ ଆପଣ ଯାତ୍ରା କରୁଥିବା ଟ୍ରେନର ଲାଇଭ ଲୋକେସନ ମଧ୍ୟ ପ୍ରଦାନ କରିବ ।
ଯାତ୍ରା ଆରମ୍ଭ କରିବା ପୂର୍ବରୁ ପିଏନଆର ନମ୍ବର ଦେଇ ଲାଇଭ ଅପଡେଟ ପାଇପାରିବେ । ଏହାସହ ଟ୍ରେନରେ ଯାତ୍ରା ବେଳେ ଯାତ୍ରୀମାନେ ଖାଦ୍ଯ ମଧ୍ୟ ଅର୍ଡର କରିପାରିବେ । ଏଥିପାଇଁ ଆପଣଙ୍କୁ ଆଇଆରସିଟିସି ଆପ ଜୁକ୍ ବ୍ୟବହାର କରିବାକୁ ପଡିବ । ଆମ ପୋଷ୍ଟ ଅନ୍ୟମାନଙ୍କ ସହ ଶେୟାର କରନ୍ତୁ ଓ ଆଗକୁ ଆମ ସହ ରହିବା ପାଇଁ ଆମ ପେଜ୍ କୁ ଲାଇକ କରନ୍ତୁ ।